Vagalata 4:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ pakulota avaambole avalá ve vavéle mulilamulo kwambangidya tupate kuva tuvana va Nnungu.

Vagalata 4:5 Referans Kwoze

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

Vaepeshu 1:5

àtupangidile kala mwakulota kututenda tuvanamunu vake jo mwene kwaindila imwe Yesu Klistu kwodana na mo mwainagwaladile jo mwene mumalotelo ake

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Maono 5:9

Vanavo vashindaimba lwimu lwaambi vaashidoni, “Wako ni úvaikidile kutwala shidingo na kunamatulanga dishelu dyake mwaa undibyaigwa na kwamyadi vyako uninshumila Nnungu vanu vakula likola, inangodi, venentete na shilambo.

Vabalaniya 9:12

andiinjila Lyutu Lyakwilimyanga-uti kwamwanda umo tu bai i kwaindila yamyadi vyavambudi kwali vyavang'ombe kanji kwamyadi vyake jo mwene kutwala kuva likameko lyakwambola kúkamalilika.

Vagalata 3:13

Klistu anditwambola mudilana dyalilamulo palitandile jo mwene kuva ilana adiva lyutu lyetu mwaa indyandikigwa, “Alaanigwe aijá álota kupambililigwa munnandi.”

Valoma 8:23

i gweka shanavo kanji nawetu momo túpatile vyepo vitandi vya Imumu, tunkukuta shintimatima tulindila na mweshe yakutandegwa kuva tuvanavake Nnungu, kwambolegwa kwamili vyetu.

Vagalata 4:7

Napavedoni wako haunava shinu kavili untumwa ila umwana; ikava kenga ni umwana, bai ni gwegwe nkúpata-maleko kwaindila ya Nnungu.

Vagalata 3:26

Mwaa mwenu uti mmanavake Nnungu kwaindila yalikulupililo nkati mumwe Klistu Yesu

Valoma 9:4

Vanavo ni vanaishilaeli; vyavanavo ni kuva vanamunu, lishangelo, dimbodi, kupata kwalilamulo, kulipudya mwing'ande yake pamo na vyakulivikila.

Nshuwau 1:12

Napane uti avalá vampwashaladíle, vo vakulupidíle lina lyake, nae andivapa aki yakutandegwa kuva vana va Nnungu.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Valoma 8:19

Doni, shuumbígwe uti shinkulindila na mweshe kulilodya kwavanavake Nnungu.

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

Vagalata 4:21

Napanelo ngwaulila mwenu múlota mutawaligwe na lilamulo, da hamunaigwa shinu mwalitangalela lilamulo lyo?

Lukashi 1:68

Atumbyangilike Umu Nnungu wa ku Ishilaeli mwaa andida na andivaambola venentete vake.

Vabalaniya 1:3

Nae ni kung'ala kwalishangelo lyake Nnungu na ni ing'ope iu yamavalelo ake akamulila vinu uti kwaindila yalilove lyake lyadimongo; ling'oto lyakukandyanga shakuushaniangidya ushapu kwamadambi, nae andiikala kushanya kunkanakono kumwe aijá Wakujowa walishangelo

Mateu 20:28

Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu

Maono 14:3

vaimba lwimu lwaambi po pashiteng'u po pamevo paviumbi nsheshe na pa avalá vanang'olo. Lwimu alwo hapali hashulula kulipundisha ila avalá imiya imo alubaini na nsheshe alupu vashumigwídye mushilambo.

Valoma 8:14

Mwenu, uti avalá valangalalégwa kwa Imumu wake Nnungu ni vanavake Nnungu.

Valoma 8:15

Doni, mwenu hamupatile imumu yautumwa muka kavili mukujopa kanji munimpata Imumu wamwanamunu; nkati mwake wetu tunkulila, “Aba, Atata.”

Valoma 10:4

Doni, mwisho walilamulo ni Klistu kwambangidya ipagwe ishaliya kwa aijá uti ákulupila.