Vagalata 4:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Napane paukile ndawikila popo wakati we uvikíke, Nnungu anintumidya mwanagwe ávalakwadidye munkongwe na ávalakwadidye mukutawaligwa na lilamulo

Vagalata 4:4 Referans Kwoze

Valoma 1:3

umwámba mwanagwe, jojo jo, kwakwodananavo shimunu ávalakwadidye muudukulu umwe Daudi

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Malukushi 1:15

aashidoni, “Undiwika wakati, utawala wa Nnungu undivandika nadoni lijugulange madambi enu na kulupila ntenga wambone wa Nnungu.”

Nshuwau 3:16

“Amu ni mwanagwaladidye Nnungu shilambo, ata mpaka nae kumumya mwanagwe ávele jumo jojo pakulota uti vankulupíla nae havanajaike kanji vavenavo shingumi shíkamalilika.

Mateu 1:23

“Mwenu, mwali ntete anammaleka mwana nnume. Mwana ajo vananshema lina lya Emanuweli,” kwakuvalangangila mana ake, Nnungu ankupagwa namu wetu.

I Nshuwau 4:14

Wewe tuvene tundyona na tunkumya ushuda kenga Tatamunu anintumidya Mwanagwe pakulota ave Mwamboli wamushilambo amu.

Vaepeshu 1:10

kenga nnugu wakulota kutandeka wakati ukawikila popo pakulota aunganiange vinu uti nkati mumwe Klistu, vinu vivéle kuwa na vinu vivéle pai.

Lukashi 2:7

kutwala kummaleka mwana nnume wakulijedya. Nae kunkulunganga mwinguvo kunnadya mushombo shakulyela vanyama mwaa shumba shavajeni havapatíle lyutu lyakulala.

Valoma 8:3

Doni, ashilá shíkaulwile lilamulo kutandedya kwamwaa wakudabadabanga kwashimunumunu, Nnungu anditandedya pantumididye Mwanagwe kwaing'ope yashimunumunu yalidambi na kwaupande walidambi, nae andyukumu lidambi mushimunumunu

Lukashi 1:35

Njelo do, “Andakushulukila Imumu Wanashwe na dimongo dyake Wapashanya-uti dindakwinikidya. Nadoni jo mwana waulota kummaleka jo, vananshema Wakwilimyanga, Mwana wa Nnungu.

Nshuwau 6:38

Nidoni, ngwaleké kuwa i kwida ndatandedya malotelo angu ila ngwidilé ndatandedya malotelo ake aijá ángutumididye.

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

Nshuwau 10:36

kushi aijá walyapulidile Atata jo kuntumidya mushilambo? Mwaa shani munkutangola doni, ‘Unkukupulu, pangulivalanga doni, Nangu ni Mwana wa Nnungu?’

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

Valoma 15:8

Mwenu, nangu ninkumwaulila doni, Klistu andilitenda kuva ntumika wa avalá vakumulígwe likumbi kwamwaa waumwiu wake Nnungu pakulota atandedye kulivikila kwavanyakalamunu

Vitendo 1:7

Nae kushidoni, “Mwenu haimmaikidile kumanya wakati na maiko ávikile Atata kwamadalaka ake jo mwene

Lukashi 1:31

Lola! Undaimita kummaleka mwana nnume kutwala kumupa lina lya Yesu.

Mateu 3:15

Yesu kutwala kunjang'ula kushidoni, “Kwaambi apa leka ive yadavo mwaa indituvaikila tuwishe popo ishaliya uti.” Nshuwau kwitikila.

I Nshuwau 4:2

Amu ni mwakummanyila Imumu umwe Nnungu: kula imumu ivalangánga kenga Yesu Klistu andida mushimunu, ajo ankwaloka kwa Nnungu

Vabalaniya 9:10

vyovyo vyo, vishamba vyakulya, vyakukumbila na mwakunavangila medi; malailililo ala mwakushungila mili andipagwa mpaka muwakati waupangaji waambi.

Vakoloshu 2:14

na àputenge mashauma uti amadeni etu e apagwíte kwetu wetu. Mashauma ala, nae andimalidya akamalela panshalaba,

Valoma 9:5

Kwavanavo vanyakalamunu vàve na kwashimunu ni kwálakadile aijá Klistu, aijá ávele pashanya pavinu uti, Nnungu átumbyangilika ngwengwe! Ame.

Nshuwau 8:42

Yesu kuvaulila doni, “Nnungu leka àvele tatagwenu mukaningunagwaledya nangu mwaa nangu ngwaleké kwa Nnungu na ndida kwamwaa wake. Hangwidile kwakubuni nimwene, nae ni ángutumididye.

Mateu 5:17

“Hamunakumbukile kenga ngwidilé ndamalidya Lilamulo na Vakulava. Hangwidile ndamalidya, ngwidilé ndatadya viwikile popo vinu avyo.

Valoma 5:6

Doni, wetu tùdabadabenge avi, muwakati wowo wo, Klistu andipela kwamwaa wa avalá vákave Nnungu.

I Timoti 2:6

ályumidye jo mwene kuva lyambolelo kwaupande wavanu uti. Au ni ushuda uukíle ndatandeka muwakati wake.

Lukashi 20:44

Napanelo ikava kenga Daudi nae po anshema kuva Nang'olo wake, ilota kuva dashi kavili kuva mwanagwe?”