Vagalata 2:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Napanelo avalá váshaaneka kuva vakuvaikila, shavavéle sho, kwangu nangu hashinava shinu mwaa Nnungu hanatanana kuvailanga kwamunu na vovo vo, hashipali shavangujanjadidye.

Vagalata 2:6 Referans Kwoze

Vagalata 2:2

Kwanavo nguukile kwamwaa wamaono kutwala kuvaigwiniya ntenga wambone wanguvalanganga kwavamidi, ndíikanavo kanji kwagweka avalá váshaaneka kuva vakuvaikila ngwambambidya nakapanji ninkutumbama kwali nditumbama yamonyo.

Vitendo 10:34

Patulu kutwala kutunduvanga kutangola aashidoni, “Napanelo mwiu ninkumanya kenga Nnungu hanampambula munu

II Vakolintu 12:11

Ndilitenda kuva ninjinga kanji mwenu ni múnguungidile. Mwaa mwenu ni múkangutumbyenge nangu pakuva hangunava shinu nindikidiki kwavamyombe vakumene avalá ata ikava kenga nangu hangunava shinu.

Vagalata 6:3

Munu akalyona kuva munu shii kanji akavé, ankulishang'apila jo mwene.

II Vakolintu 11:5

Mwenu, hangunalyona shinu ata padyoko vela kuva nindikidiki kwa avalá “vamyombe vakumene.”

Valoma 2:11

Mwaa kumwe Nnungu hakupali kupambula.

I Patulu 1:17

Pakuva mwenu mundashwali muntambula Atata aijá áukumu kwabila kupambula kwakwodananavo vitendo vyakula munu, avanavo shinamidyo uti shakunjopa nae muwakati au wamuvele kenga mmakwaloka.

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

Vabalaniya 13:7

Vakumbukile vananangalaledi venu vammalangangidíle lilove lya Nnungu, mulaledya namene shana vyepo vyashinamidyo shave mutwale mujedye likulupililo lyave.

II Vakolintu 5:16

Nadoni kutunduvangila ambi apa hapali watummalangilila kwodananavo shimunu. Ata ikava kenga kunantandi Klistu tushimmalangilila kwodananavo shimunu kanji napane hatunammalangilila shinu kavili davo.

Lukashi 20:21

Nadoni vanavo vandímudya kushidoni, “Mwalimu, wetu tundimanya shana kenga wako unkutangola vinu viu na unkupundisha shana; haunatangola shinu ulola ing'ope kanji unkupundisha kwaumwiu indila yalota Nnungu.

Malukushi 12:14

Vanavo kumuukila kutwala kushidoni, “Mwalimu, wetu tundimanya shana kenga wako ni umunu waumwiu úkananapela mumaoni avanu mwaa haunalola ing'ope yamunu kanji unkupundisha kwaumwiu indila yalota Nnungu. Napanelo ni shambone nkati mulilamulo lyetu kunnipa Shashali ukodi kwali mene? Wetu po, tunkuulula kulipa kwali mene?”

Mateu 22:16

Nadoni vankuvatumidya vakwoda vave na vanu vashipinga shimwe Elode kuka ndamudya, “Mwalimu, wetu tundimanya shana kenga wako ni umunu waumwiu na unkupundisha kwaumwiu indila yalota Nnungu úkatakigwa kupundishigwa na munu mwaa haunalola ing'ope yamunu.

Vitendo 5:36

Muvyaka vyapanyuma padyoko, andyúmilila Teudashi munu áshilivika kuva wakwishimika; vandílyunganianga namu nae vanu vakuwikila shikonda kenga shadimiya nsheshe doni. Kanji pavamwovidye shingumi, avalá uti váshinkulupila vandímwadilikananga kutwala ing'ano ayo kumalilikila popo.