Vagalata 2:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Namomo vayuda vanji uti vandílyunganianga namu Kepashi mo mushinankulaba, ata mpaka Balinaba momo andítwaligwa mushinankulaba shave.

Vagalata 2:13 Referans Kwoze

I Vakolintu 15:33

Hamunaduwangike, “Unyagwe wakunyata undátimbanga mavalelo ambone.”

Vaepeshu 4:14

kwambangidya dashi, hatunave tuvadyoko túgang'alegwa na mawimbi na tuvambaluwigwa kwakula imepo yamapundisho kwaujanja wavanu vaodédya mukuduwanga milugu vyakushang'apa.

Vabalaniya 13:9

Hamunaleke mutwaligwa mumapundisho oeoe ashijeni mwaa shambone mitima vyetu kunonowangika muumonyo i kwavyakulya víkavaalalidye avalá vaalíle.

I Vakolintu 8:9

Kanji napane lilaledye pakulota aki yenu hainauke ndava lijanga lyakulikuvala kwa avalá vakudabadabanga.

I Vakolintu 5:6

Kulyona kwenu hakunava shinu kwambone. Da mwenu hamunamanya shinu kenga nkukumuku padyoko unátadya likamu uti kukukumuka?

Vitendo 4:36

Nadoni pakati pavanu avo, mulawi Yoshe munu wa ku Kupulu wavashinshema vamyombe Balinaba kwakuvalangangila mana ake nkúnonowanga,

Vagalata 2:1

Napanelo vikapite vyaka kumi na nsheshe, nindyúka kavili ku Yelusalemu pamo namu Balinaba, mushimwanda shosho ndímuukanavo Titu.

I Vakolintu 12:2

Mundimanya shana kenga pamukashimmanya Nnungu vandimwashadyanga kwavakushang'apa vabubu, mwavantwalidile mo hangumanyite.

Mateu 23:28

Ni kenga mwenu panda apa vanu vankumwona kuva mmanu mmaishaliya napane nkati mo, shindimuumbala shinankulaba na ungave-lilamulo.

Vagalata 2:9

Nadoni vamanya umonyo wangupatile, Tiyagu, Kepashi namu Nshuwau, vo váshaaneka kuva mabodo, vandítuwanidya makono akulodya upamo namu wetu, yani nangu namu Balinaba. Vanavo vandíkubali wetu tuve kwavamidi, vanavo kwavayuda