Vagalata 1:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Mwenu mundigwa shana mavalelo angu panguvéle nkati mwidini yashiyuda; mwashi mwangushipapatila liganisha lyake Nnungu na mwangushitandela ing'ondo.

Vagalata 1:13 Referans Kwoze

Vitendo 8:3

Napanelo Saulu alota kumalidya liganisha, ashindainjila muding'ande uti dyavakwoda apita avakamula valume na vakongwe auka ndavajela nkalaboshi.

I Vakolintu 15:9

Mwaa nangu nindikidiki namene pakati pavamyombe na ata hanguvaikidile kushamegwa myombe mwaa ndipapata liganisha lyake Nnungu.

Vitendo 9:26

Napanelo Saulu pawikile ku Yelusalemu, andílingangila kulyunganianga na vakwoda kanji vanavo uti vanínjopa mwaa havashinkulupila kuva nkwódamwave.

Vitendo 9:21

Napanelo vanu uti váshimwigwa vashinanshanga na vashindaudyania, “Da munu aju i jo ávatandile ing'ondo avalá vatambulánga lina ali ku Yelusalemu? Nae akuno aidilé kukuvakamula vanu avaukenavo kwavanang'olo vavakulangalalela-shadaka?”

I Timoti 1:13

nene ngwe nguvéle nkúkupulu, nkúpapata na njauli. Kanji ndipata kwanangiligwa shididi mwaa ngùvele mukutikinanga, nangu ngushindatenda muungakulupila wangu.

Vapilipo 3:6

kwaidukuduku, nkúpapata liganisha; kwaishaliya ipagwíte mulilamulo, ákave makosha.

Vitendo 8:1

Bai Saulu andyúngila nkono ing'ano yakumpedya kwake. Napanelo kutunduvangila muliduva lyolyo, shindyúmilila shititimbu shakupapatigwa liganisha, yani shipinga shavakwoda váshipagwa pa Yelusalemu. Nadoni vakwoda vandívamwadikanianga pa Yelusalemu vanavo kutukutila mumakaja a ku Yudeya na a ku Shamaliya kanji vamyombe vandíijalila pa Yelusalemu.

I Vakolintu 10:32

Hamunavatadye shinyadinyadi vayuda kwali ata vagalegu na ata liganisha lya Nnungu

I Timoti 1:14

Napane umonyo umwe Umu undipakatika namene kwangu nangu kwalikulupililo na linagwaledyo lipagwíte nkati mumwe Klistu Yesu.