Vaepeshu 6:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ i mwaneke pakulota ivanagwele vanu kanji kenga vatumwa vamwe Klistu mutenda malotelo a Nnungu mmitima vyenu

Vaepeshu 6:6 Referans Kwoze

I Vateshalonika 2:4

kanji kenga mo mwatukubaligwidye na Nnungu kukulupiligwa ntenga wambone, ni momo mwatutangalela i pakulota tutadye ivanagwele vanu kanji innagwele Nnungu aijá álalyanga mitima vyetu.

Vagalata 1:10

Da mwenu mwona kenga ambi apa ngulota ndivashombe vanu kwali Nnungu? Kwali ngulota ivanagwele vanu? Leka ìvele yakuvanagwela vanu mpaka ambi apa, bai nangu hangunave nintumwa wake Klistu.

Vaepeshu 5:17

Napavedoni hamunave mmajinga kanji manya malotelo ake Umu ni akwashi.

I Patulu 4:2

Nadoni wakati ubakidíle kwenu mwenu kunama mushilambo amu, hamunaname kavili kwakutandedya malotelo ashimunumunu ila tandedya malotelo ake Nnungu

Vapilipo 2:12

Nadoni mmakunagwaleka, kenga mo mwamungwigwilidile ngwengwe, ambi apa i do ngupagwité ako kanji kupunda namene pandikapagwite, tandedya kwambwalegwa kwenu mujopa na mutatamela

Mateu 12:50

Aijá átandedya mwalatela Atata ávele kuwa, ajo ni mwanetu, numbwangu na ajala.”

Vabalaniya 13:21

nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.

Vabalaniya 10:36

Shivaikidíle kwenu mwenu ni kulipililila ling'oto lyakutandedya malotelo ake Nnungu mundapata ashilá shalivikidile

Vakoloshu 1:9

Napavedoni, kutunduvangila muliduva lyatwigwite hatunaleka shinu kushwali yenu mwenu tunjugwa Nnungu pakulota dashi, muumbaligwe na limanyilo lyalilotelo lyake nkati mulimanyilo na umanyimanyi uti waimumu

Mateu 7:21

“I uti avalá vangwaulíla ‘Umu, Umu’ vandainjila muutawala wakuwa, ila aijá átandedya malotelo ake Atata ávele kuwa.

I Nshuwau 2:17

Shilambo ashi pamo na malotelo ake ankumalilika kanji aijá átandedya malotelo ake Nnungu andapagwa ngwengwe.

Valoma 6:17

Kanji napane lilambwalalelo live kwa Nnungu, mwemwe mwe muvéle mmatumwa validambi mundyuka ndaigwilila na mitima vyenu mpano wamapundisho alalá avankamudidye.

Vakoloshu 4:12

Epapalashi mwenentete mwenu na ntumika umwe Klistu Yesu, nanae momo ankuntumidya nandele. Nae ngwengwe ankulikanyalidya mukushwali kwaupande wenu mwenu pakulota mwimile mùudile na mùliikinidye mumalotelo uti ake Nnungu.

I Patulu 2:15

Mwaa malotelo ake Nnungu ni ala, pamutenda wambone mundadima nshasholo waungamanya wavanu vajinga.

I Vateshalonika 4:3

Mwaa malotelo amwe Nnungu ni akujaluwangigwa mwenu mukwilimyanga: doni, mwapukanangenavo vyakulauka,

Malukushi 3:35

mwaa munu woewoe átenda mwalatela Nnungu, munu aju ankwitika kuva mwanetu, numbwangu na ni ajala.”

I Vakolintu 7:22

Doni, aijá áshamegwa namu Umu àvele ntumwa, nae wamuunaiti umwe Umu. Nimumo momo aijá áshamagwidye àvele muunaiti, nae ntumwa umwe Klistu.