Vaepeshu 6:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Mmatumwa, vaigwilile vanang'olo venu vamushilambo mujopa na mutatamela kwantima shii kenga pakavele Klistu,

Vaepeshu 6:5 Referans Kwoze

Vaepeshu 5:22

Mmadyamunu, kula munu alivike mwina mwantwamunu kenga mo mwaivalalele kumwe Umu

I Patulu 3:2

vona shinamidyo shenu shíkave ushapu na shaishima.

Pilemoni 1:16

i kavili kenga ntumwa kanji ankumpunda ntumwa, nung'unumunu wakunagwaleka. Amu ni mwavalalele kupunda namene kwangu nangu na ata kumamodya namene kwako wako ata mushimunu na ata mumwe Umu.

Vapilipo 2:12

Nadoni mmakunagwaleka, kenga mo mwamungwigwilidile ngwengwe, ambi apa i do ngupagwité ako kanji kupunda namene pandikapagwite, tandedya kwambwalegwa kwenu mujopa na mutatamela

II Vakolintu 1:12

Kulitamanga kwetu ni aku, makumbukililo etu amuntima ankumya ushuda kenga mwatunamila mushilambo amu na kupunda namene kwenu mwenu kuvelé kwakulishapeya na ushalowa walóka kumwe Nnungu i kwalimanyilo lyashimunumunu kanji kwaumonyo wake Nnungu.

I Vakolintu 7:22

Doni, aijá áshamegwa namu Umu àvele ntumwa, nae wamuunaiti umwe Umu. Nimumo momo aijá áshamagwidye àvele muunaiti, nae ntumwa umwe Klistu.

Mateu 8:9

Mwaa ata nanangu momo ninkupagwa mwina madalaka na ninkuvanavo vaing'ondo vandivalamulila. Ndámwaulila jumo doni, ‘Wena!’ Nae kuukinneu. Kumwaulila junji doni, ‘Ida!’ Nae kwidinneu. Namomo ndámwaulila ntumika wangu, ‘Tenda ashi!’ Nae kutandenneu shosho.”

Mateu 6:24

“Hapali munu wakuulula kuvatumikila vanang'olo vavili. Jumo anammangedya, junji jo kunnagwaledya; jumo kumwigwilila, junji jo kumwiludyanga. Mwenu hamuulula kuntumikila Nnungu akuno mutumikila mali.

Vaepeshu 6:24

Umonyo upagwe na avalá uti vannagwalédya Umu wetu Yesu Klistu kwalinagwaledyo líkave mwisho.

II Vakolintu 7:15

Nadoni lilotelo lyake kwenu mwenu linkwanjadyeka namene akumbukila kwigwilila kwenu, mwamumpwashaladile mujopa na kutatamela.

I Vakolintu 2:3

Doni, nangu panguvéle namu mwenu nguvele mukudabadabanga, mukujopa na mukutatamela kukumene.

Vitendo 2:46

Liduva kwaliduva vakadyania mwing'ande ya Nnungu, vamajananga ligung'u muding'ande, vashindamajananga kula munu na muje kwamitima vyalipuwilo na vyakujaulanga,

Mateu 6:22

“Liu ni shenje shamili. Liu lyako likava lingumi, mili uti lindaumbala lilangadyo.

Valoma 9:3

Mwaa ndikandilota ata nene nimwene ngupate dilana na ngwapukanangenavo Klistu kwamwaa wavanung'unumunu vàvele vakwetu kwashimunu.