Vaepeshu 6:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ wo wanguvele nangu baloshi vànguungile mang'unyang'unya, nguvalangangile na ntima washinannume amulá muvaikidíle ngutangole.

Vaepeshu 6:20 Referans Kwoze

II Vakolintu 5:20

Napavedoni wetu ni mabaloshi vamwe Klistu; Nnungu alaililila kwaindila yetu wetu. Tunkunjugwangila kwamwaa umwe Klistu, mwigwane namu Nnungu.

Vakoloshu 4:4

Shwali kwambangidya nangu ngutandedye shipii shake shimanyike ngala kenga muvaikidíle ngutende.

II Timoti 2:9

aulá wanguvauvangila ata mpaka kungwa kenga nkalau kanji lilove lyake Nnungu, halinaungwa shinu.

Vapilipo 1:7

Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.

Vitendo 26:29

Paulu kushidoni, “Elo, nangu ninkunjugwa Nnungu pakulota patime hapanatime wako apa pamo na vanu uti vangwigwilíla ava vave kenga mo mwanguvalalele nangu kanji bila mang'unyang'unya.”

I Nshuwau 3:16

Mwatumanyidile linagwaledyo ni amu: Yesu Klistu andijaula shingumi shake kwamwaa wetu wetu na wetu leka tujaule shingumi shetu kwamwaa wavanung'unumunu.

II Timoti 1:16

Umu alodye shididi shake paing'ande imwe Oneshipolu mwaa myanda vyoe aningutaa dimongo na yakungwa yangu, haanenge dyoni,

I Vateshalonika 2:2

Ata ikava kenga tundyúvauvanga na kutananigwa kunyata akulá ku Pilipo mo mwamumanyilile shana, tundívanavo ntima shii nkati mumwe Nnungu wetu wakummalangangila ntenga wambone wa Nnungu nkati mukupingigwa kwoe.

Vapilipo 1:20

Shilakolilakoli shangu na lilindilililo lyangu ni ali, hashipali ata nkati mushimo shilóta kungutaa dyoni kanji kwantima washinannume kenga ngwengwe na ata ambi apa, Klistu andatumbyangilika mumili mwangu, ata mushingumi na ata mukupela.

Vaepeshu 6:19

namomo mungujugwila nangu kwambangidya dashi ndikashimula ikanywa, ngupate malove pakulota ndivamanyiye vanu na ntima washinannume shipii shantenga wambone,

Vaepeshu 4:1

Napavedoni nangu nkúngwa umwe Umu, ninkunnaililila muname shinamidyo shivaikidíle nkati mukushamegwa akulá kwamushamagwidye;

Vaepeshu 3:1

Kwamwaa au nangu Paulu, nkúngwa umwe Klistu Yesu kwauwambone wenu mwenu mmamidi;

Vitendo 28:31

avalanganga utawala wa Nnungu na apundisha uti vimwámba Umu Yesu Klistu kwantima shii uti na kwabila kundingadinga shinu.

Vitendo 28:20

Ni ashi shitadídye ngujugwangile nimwone na ngwambange mwaa namu mwenu pakuva ni kwamwaa walilindilililo lyavanaishilaeli lyangunyukatila nangu mang'unyang'unya ala.”

Vitendo 5:29

Kanji Patulu pamo na vamyombe kujang'ula doni, “Kudyanga kumwigwilila Nnungu kuliko kuvaigwilila vanu.

Yudashi 1:3

Mmakunagwaleka, ata ikava kenga ngushindatumbama yakumwandikila kwamwaa wakwambolegwa kwaupamo, ndyona kudyanga nimwandikile ninnaililila pakulota mushililidye likulupililo lyavapatile vakwilimyanga kwamwanda umo tu bai.

Pilemoni 1:10

Ninkukujugwangila kwamwaa wamwanangu Oneshimu wanimmaleke nkati mukungwa kwangu,

Vitendo 21:33

Bai nang'olo nkumene wavaing'ondo aijá anímmandika Paulu kutwala kumwaulila kenga avele mmakono mwashilikali na andílamulila vamunge mang'unyang'unya mavili kutwala kudya, “Da munu aju nyani na atandilé nyamani?”

II Vakolintu 3:12

Napavedoni pakuva tunkuvanavo lilindilililo ali, tunkuvanavo ntima shii.

Vakoloshu 4:3

mutushwalidya wetu momo pakulota Nnungu atuungulile nnango kwalilove tuvalangange shipii shimwe Klistu ashilá shitadídye nangu nguungwe.

Pilemoni 1:9

napane kwamwaa walinagwaledyo ndyona kudyanga ndikujugwangile, nene Paulu ngùvele ninang'olo namomo ambi apa ninkúngwa umwe Klistu Yesu.