Vaepeshu 6:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Napavedoni nyukatanga vyaing'ondo uti vimwe Nnungu pakulota muliduva alilá lyaukalau muulule kunanopa na pamumalididya uti muke mushu mwimidile.

Vaepeshu 6:13 Referans Kwoze

II Vakolintu 10:4

Mwenu, dyuti dyatutandela ing'ondo yetu hadinava shinu dyashimunu kanji dyanavo, dinkuvanavo dimongo dimwe Nnungu dyakubamalangila mangongo.

Lukashi 21:36

Ngwengwe muve mevo mujugwa mupate dimongo kwambangidya vilóta kutandeka vyo vinkowe na mwimile bila kujagajega pamevo pake Mwana Wamunu.”

Vaepeshu 5:16

mutumila shana wakati wamuvenavo mwaa maduva ala, andinyatanga.

Lukashi 8:13

Igwilidíle padinyanga inkwitika kuva vanu vánatenda pavaigwilila lilove lya Nnungu, kupwashalela na lipuwilo kanji mwaa úkave wakulitalalakela, vakulupila kwawakati kutwala akavakodya malingo kutila.

Maono 3:10

Pakuva wako undishunga malailililo amukunanopa kwamwaa wangu nangu, nanangu momo ndakushunga wakati wamalingo alóta kwida mushilambo uti pakulota kuvalinga vanu vanáma vamushilambo shapai.

Vakoloshu 4:12

Epapalashi mwenentete mwenu na ntumika umwe Klistu Yesu, nanae momo ankuntumidya nandele. Nae ngwengwe ankulikanyalidya mukushwali kwaupande wenu mwenu pakulota mwimile mùudile na mùliikinidye mumalotelo uti ake Nnungu.

Vaepeshu 5:6

Hamunanneke munu anduwanga kwamalove ashing'alang'ala; kwamwaa wavinu vyovyo vyo, vinkutadya shitundi shake Nnungu shivawikile avalá vákaigwilila.

Maono 6:17

Mwaa lindiwika liduva likumene lyashitundi shave, nyani álota kuulula kunanopa?”

Valoma 13:12

Shilo shindipita, mui undiwika. Napavedoni tulakele kunyenje ko vitendo vyakushii tutwale tugwalange dyuti dyalilangadyo.

Tiyagu 4:7

Napavedoni mwishimu Nnungu. Mwite Ndamoni nae po, anantukuta;

I Patulu 4:1

Napavedoni pakuva Klistu andipata mauvilo mushimunu, namwenu momo lingangashele mumakumbukililo lolo mwaa aijá áuvauvenge nkati mushimunu, nae andyapukananga na lidambi.