Vaepeshu 5:3 - Ibibiliya mu Shimakonde Imbodi Yaambi na dimbande dya Imbodi Yakala

³ Kulauka, ushapu kwali lung'unuku; pakati penu hanapagwe wakwambangila mwaa kenga mwaivalalele kwavakwilimyanga

Vaepeshu 5:3 Referans Kwoze

Vakoloshu 3:5

Nadoni nkati mwenu, pedya uti avilá vyashimunumunu; kulavalava, ushapu, ditamaa, malotelo aukalau na ing'ou, ako ni kulipudya kwavyakushang'apa.

Vaepeshu 5:5

Mwaa mumanya ngala doni, nkúlauka, nshapu kwali walung'unuku, jo wakulipudya vyakushang'apa, aju have maleko muutawala umwe Klistu namu Nnungu.

I Vateshalonika 4:3

Mwaa malotelo amwe Nnungu ni akujaluwangigwa mwenu mukwilimyanga: doni, mwapukanangenavo vyakulauka,

I Vakolintu 6:18

Tukuta vitendo vyakulauka. Madambi anji uti átega munu, ankutega panda mili wake kanji aijá átenda vyakulauka ankutega mo mumili wake jo mwene.

I Vateshalonika 4:7

Mwenu, Nnungu hatushamile kwaushapu kanji mukwilimyanga.

I Vakolintu 6:13

“Vyakulya kwashitumbo, shitumbo kwavyakulya,” napane vyovyo vyo, Nnungu andamalidya kwaunapamo. Mili haupagwite kwamwaa wakulavalava kanji kwamwaa umwe Umu na Umu kwamwaa wamili.

Vaepeshu 5:12

Mwaa avilá vyavatenda vanavo kwashipii ata ko kuvalanganga aku, vinkutaa dyoni.

Mateu 15:19

Muntima mwamunu munkuma makumbukililo akunyata, kubyaa, kunama nankongwe waukannambile, kulavalava, kwiva, ushuda waushwang'a na kukupulu.

Maono 2:21

Nangu nimupa wakati wakulota alijugulange kulavalava kwake kanji nae hatamwa.

I Vakolintu 10:8

Na ata hatunalavalave kenga pakati pave vanji vandilavalava kutwala kupalanga vanu dyalupu ishilini na tatu muliduva limo.

Maono 22:15

Vandaikala panda vang'avanga, vavi, vakulavalava, vakubyaa, valipúdya kwavannungu pamo namu avalá vanagwalédya na vatandédya vyakushang'apa.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Maono 2:14

Ila vipali vinu padyoko vikunyatyánga wako, ako vapali vaodedya mapundisho ake Balaau, aijá ámpundishidye Balaki kuvateja lutambo vanaishilaeli pakulota valye vyakulya vyavashivaumidya vannungu vakushang'apa na valavalave;

I Vakolintu 5:1

Kwamwiu, inkuvalangangigwa kenga kwenu mwenu kunkupagwa kulauka, kulauka kúkapagwite ata kwavakammanyite Nnungu ata mpaka munu kulanavo ndyagwe tatake.

Maono 9:21

Namomo havalijugulénge yakubyaa kwave, yawavi wave, yakulavalava kwave na yakwiva kwave.

II Patulu 2:3

Kwalung'unuku lwave, vanavo vankuvashonda vanu vatumila maimyo akubuni vo vene. Kwavanavo, ukumu ikandyangígwe tangu kala, haididimanga; kubamalegwa kwave ko, hakudidimanga.

Vabalaniya 12:16

hanapagwe munu pakati penu wakulauka kwali wadyeluelu álinganana kenga Ishau áshulushidye shinang'olo shake shakuva nae mwana ntandi kwandamu umo washakulya.

II Vakolintu 12:21

Ninkujopa pangwida kavili po, Nnungu wangu kunguvika mudyoni pamevo penu na ndatangadikanga kwamwaa wa avalá vatagíle kala kutwala mene kulijugulanga kwaushapu, kwauwendi na kwakulauka kwavatandile.

Titu 2:3

Nimumo momo vakongwe vaulinga vavenavo shinamidyo shoodánanavo kunjopa Nnungu i vaushaka na ata vapagwa muutumwa waugwalwa kanji vave vakupundisha wambone

II Timoti 3:2

Mwaa vanu vandava vakulinagwaledya vo vene, vakunagwaledya njuluku, vakulitumbyanga, vakulyona, vakwabola, vákavaigwilila vatatamunu, vákalambwalela, vákanjopa Nnungu,

Vitendo 15:20

kanji tuvaandikile vila havanalitae ushapu kwavannungu vakushang'apa, havanalavalave, havanamamene dinyama dyavanyama vakuvapambilila na havanalye myadi.

II Patulu 2:14

Mevo ave andyumbala kulavalava ákadoba kutenda lidambi. Vanavo vankuvashomba avalá vákananwepe muungumi. Mitima vyave vindilipanganianga kwalung'unuku. Vovo vo ni vana vakulanigwa.

II Patulu 2:10

kupunda namene avalá vaodédya malotelo audagwa washimunumunu na kwiludyanga unashilangola. Vamwalimu vo vakushang'apa ava, vakulitauka na vakulyona, havanashushukanga shinu kuvakupulu valishangelo;

I Patulu 5:2

shunga shipinga shavangandolo vake Nnungu shavankamudidye: mwenu, laledya shanavo i kwakuvakanyalidya kanji kwamalotelo ambone kenga mwalatela Nnungu na ata i kwaditamaa dyanjuluku kanji kwadukuduku yakutumika;

Titu 1:11

Vovo vo vadime nshasholo mwaa vankubamola makola uti vapita vapundisha vinu víkavaikidile pakulota vapate shipato shalukwinyango.

Titu 1:7

Mwaa nkúlaledya kenga munu wavankamudidye vyake Nnungu indivaikila ave ákave likosha, i wakulyona, i wadinyang'unyang'u, i wakwambalwa, i wakukanyola kwali ávikila liu lukwinyango.

I Timoti 3:3

i wakwambalwa na ata wakukanyola kanji ave waupole, ákave ushaka na ákanagwaledya njuluku.

I Timoti 2:10

kanji kwa ashilá shivaikidíle kwavakongwe valivalangánga ishima kumwe Nnungu, matendo ambone.

Vapilipo 1:27

Shikumene nama muvaikidíle ntenga wambone umwe Klistu pakulota ndikaida nannola kwali ndikanaida, ngwigwe kwenu mwenu kenga munkunanopa mu Imumu jumo, kwaunapamo mulikanyalidya kwamakumbukililo amo lolo kwamwaa walikulupililo lyantenga wambone

Valoma 16:2

pakulota mumpwashalele nkati mumwe Umu kenga muvaikidíle kwavakwilimyanga, namomo mpwashele muvyoevyoe vyalota kulota kwenu mwaa nae ankuvapwashalela vanu voe na ata nangu momo.

Valoma 6:13

Hamunajaule dimbande dyenu dyamili kwalidambi kenga vikalelo vyaungave-shaliya kanji lijaule kwa Nnungu kenga mmanu wavantwete mukupela kuka mushingumi na jaula dimbande dyenu kwa Nnungu kenga vikalelo vyaishaliya.

Valoma 1:29

Vandyumbaligwa ungave-shaliya uti; ushapu, lung'unuku na ukalau. Vaumbaligwidyé ing'ou, kubyaa, ing'ondo, kushang'apa na kung'wenya;

Vitendo 20:33

Hangung'unwike njuluku, shaabu kwali inguvo kwamunu woewoe.

Lukashi 16:14

Bai mapalishayo vanu vakunagwaledya njuluku pavaigwite malove ala, vandímwiludyanga.

I Timoti 6:10

Mwaa kunnagwaledya njuluku ni lushija lwavyakunyata uti. Kwakuvikila liu njuluku, vanji vandyashalanga mulikulupililo na kulitalalanga kwavipalodi vyoe.

Lukashi 12:15

Kutwala kwaulila imbumba yavanu kushidoni, “Lilaledye! Lishunge kwaing'ano yaliu mwaa shingumi shamunu hashivele muumbala wavinu.”