Vaepeshu 5:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Mmatwamunu, kula munu annagwaledye ndyagwe kenga mo mwanagwaladyedya Klistu liganisha kutwala kulijaula kwamwaa walyanavo

Vaepeshu 5:25 Referans Kwoze

I Patulu 3:7

Namomo mwenu mmatwamunu ava mmanu mmalimanyilo nkati mukunama na vadyavenu na vatanane kwaishima kenga shinu shíkanama mwaa ni vakupata-maleko pamo namu mwenu muumonyo washingumi kwambangidya kushwali kwenu ko, hakunadiviligwe.

Vakoloshu 3:19

Mmatwamunu, vanagwaledye vadyavenu na hamunavavikile ukalau.

Vaepeshu 5:28

Ni kenga momo vatwamunu vavanagwaledye vadyavave kenga wo mili wave vene. Ánnagwaledya ndyagwe, ankulinagwaledya jo mwene.

Vaepeshu 5:33

Kanji napane namwenu kula munu annagwaledye ndyagwe kenga mo mwalinagwaladyedya jo mwene na ndyamunu amwishimu ntwagwe.

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

Vagalata 1:4

ályumidye jo mwene kwamwaa wamadambi etu pakulota atuposhe muwakati au wakunyata kwodananavo malotelo atatagwetu Nnungu.

Maono 1:5

na vyakwalakela kumwe Yesu Klistu nshuda wakukulupilika, ntandi kudyuka pakati pavakupela na nkútawala wavaumu vamushilambo. Nae ankutunagwaledya na kwamyadi vyake anditwambola mumadambi etu,

Vagalata 2:20

Ninkunama kanji i nangu ila Klistu ni anama nkati mwangu. Shingumi shanguvenavo mumili ambi apa, ninkunama kwakunkulupila Mwana wa Nnungu ángunagwaladidye na álijawile kwamwaa wangu nangu.

Maono 5:9

Vanavo vashindaimba lwimu lwaambi vaashidoni, “Wako ni úvaikidile kutwala shidingo na kunamatulanga dishelu dyake mwaa undibyaigwa na kwamyadi vyako uninshumila Nnungu vanu vakula likola, inangodi, venentete na shilambo.

Mateu 20:28

Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Nshuwau 6:51

Nangu ni ligung'u lingumi lyalakadíle kuwa. Munu woewoe akalya ligung'u ali andanama ngwengwe. Ligung'u lyene lyo ni wo mili wangu au wangulota kujaula pakulota shilambo shipate shingumi.”

I Timoti 2:6

ályumidye jo mwene kuva lyambolelo kwaupande wavanu uti. Au ni ushuda uukíle ndatandeka muwakati wake.

Vaepeshu 5:24

Nadoni kenga mo mwalilivikila liganisha mwina mumwe Klistu, namomo mwenu mmadyamunu livike muvinu uti mwina mwavatavenu.