Vaepeshu 5:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ munnambwalela ngwengwe vinu uti Nnungu Atata palina limwe Umu wetu Yesu Klistu,

Vaepeshu 5:20 Referans Kwoze

Vakoloshu 3:17

Uti vyamulota kutenda, ata ikava kwalilove kwali kwavitendo, tenda palina limwe Umu Yesu munnambwalela Nnungu Atata kwaindila yake.

I Vateshalonika 5:18

Lambwalela muuti mwaa ala ni malotelo ake Nnungu kwenu mwenu nkati mumwe Klistu Yesu.

Vabalaniya 13:15

Nadoni kwaindila imwe Yesu tumuumidye ngwengwe Nnungu shadaka shakuntumbyanga vìvele vyepo vyadindomo divalangánga lina lyake.

Vapilipo 4:6

Hamunangaikange kwamwaa washinu shoeshoe kanji kwakula shinu, kwaindila yakushwali na yakujugwa pamo na kulambwalela, palakedya majugwilo enu kwake Nnungu

Vaepeshu 5:4

ata malove akunyata, aujinga na antau ákavaikidile kanji paikave davo po, kupagwe kulambwalela.

II Vateshalonika 1:3

Indituvaikila tunnambwalele Nnungu ngwengwe mmanung'unumunu kwamwaa wenu pakuva ni shaliya mwaa likulupililo lyenu linkukulumuka namene na linagwaledyo lyakula munu pakati penu kwavanji, linkwanjadyeka

II Vateshalonika 2:13

Wetu napane indituvaikila ngwengwe tunnambwalele Nnungu kwamwaa wenu mmanung'unumunu mmakunagwaleka vamwe Umu mwaa Nnungu anintandola mwenu kenga vyepo vitandi vyakwambolegwa kwaindila yakujaluwangigwa mukwilimyanga kwa Imumu na kwakukulupila umwiu.

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

I Vakolintu 1:4

Ngwengwe ninkunnambwalela Nnungu wangu kwamwaa wenu mwenu kwaumonyo wake nae wampele nkati mumwe Klistu Yesu.

Nshuwau 15:16

I mwenu múngutandwele, ila ni nangu níntandwele mwenu na kuntenda muke mukape vyepo na vyepo vyovyo vyo, havinaunde pakulota shoeshoe shamulota kunjugwa Atata palina lyangu, nae amupe.

I Patulu 4:11

Napane átangola jo, atangole malove a Nnungu na átumika jo, atumike kwadimongo dyaloka kumwe Nnungu kwambangidya nkati muvinu uti, Nnungu apate lishangelo kwaindila imwe Yesu Klistu ávaikidile apate lishangelo na lyululilo ngwengwe ngwengwe. Ame.

Vapilipo 1:3

Kula mwanda paninkumbukila mwenu, nánnambwalela Nnungu wangu.

Vitendo 5:41

Vamyombe vandyúma panguguvale awo vapuwanga pakuva vandivalangiligwa aki yakunyambikanga kwamwaa wa Lina ali.

I Vateshalonika 3:9

Tulota kunnambwalalela mwashi Nnungu yenu mwenu kwalipuwilo lyatupuwanga kwamwaa wenu mwenu pamevo pake Nnungu wetu

Valoma 1:8

Shinantandi ninkunnambwalela Nnungu wangu kwaindila imwe Yesu Klistu kwamwaa wenu mwenu uti mwaa likulupililo lyenu linkuvalangangigwa mushilambo uti.

I Vakolintu 15:24

Kutwala apo, undawika mwisho muwakati walota Klistu kunkamudya Tatamunu Nnungu utawala ling'oto lyakumalidya utawala uti, madalaka na dimongo uti.