Vaepeshu 5:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Lilaledye shinamilo shamunama; i kenga shavajinga kanji shammanu mmalimanyilo

Vaepeshu 5:15 Referans Kwoze

Vakoloshu 4:5

Nama kwalimanyilo kwavanu vapanda, mutumila shana litala lyenu.

Tiyagu 3:13

Wakwashi pakati penu walimanyilo na avénavo ding'ano? Bai alodye vitendo vyake kwaindila yamavalelo ake ambone atandeka kwabila makukulu nkati mulimanyilo.

Vapilipo 1:27

Shikumene nama muvaikidíle ntenga wambone umwe Klistu pakulota ndikaida nannola kwali ndikanaida, ngwigwe kwenu mwenu kenga munkunanopa mu Imumu jumo, kwaunapamo mulikanyalidya kwamakumbukililo amo lolo kwamwaa walikulupililo lyantenga wambone

I Vakolintu 14:20

Mmanung'unumunu, hamunave mmana mmadikidiki mumakumbukililo enu. Ava mmana mmadikidiki muvyakunyata kanji mumakumbukililo, ava mmanang'olo.

I Timoti 6:9

Kanji napane avalá vavanavo malotelo muntima vave matajili, vanágwa mukutubigwa, mudinambo na mumalotelo oe ákave mana na akunyata alalá avatitimídya vanu mukubamalegwa na mukujaika.

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.

Mateu 10:16

“Mwenu, nangu ninkuntumidya kenga mmangandolo shing'ati mavinji. Napavedoni ava mmajanja kenga dinyoka na múkavele makukulu kenga ding'unda.

I Vateshalonika 5:15

Lilaledye shana kwenu mwenu hanapagwe woewoe wakunnipa muje wakunyata kanji ngwengwe vingilidya ashilá shambone kwaupande wenu mwemwe mmene kwali kwavanu uti.

Lukashi 24:25

Napanelo Yesu kushidoni, “Shasho! Mwenu mmajinga namene na mmakukakova mmitima pakulota kukulupila uti vyavatangwele vakulava!

Vagalata 3:3

Da mwenu mmajinga mmakumamodya? Shapo mundítunduvanga mu Imumu, napane ambi po mulyaladyanga dashi kwamili?

Vabalaniya 12:25

Lilaledye! Hamunamwite aijá átangola. Ikava kenga avalá vamwitíle aijá áshivaduma mushilambo amu havananwile, kushi wetu túmwambukanga aijá átuduma kwalakela kuwa?

Mateu 27:24

Napanelo Pilatu pamanyite doni hashipali shuululika na shititimbu shinkutunduvanga, andítwala medi kunavanga mmakono pamevo pavanu uti aashidoni, “Kujaika kwamyadi vyamunu aju, nangu hanguve makosha. Ing'ano ayo yenu mmene.”

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”

Mateu 8:4

Yesu kutwala kumwaulila kushidoni, “Wako, haunamwaulile munu ila wena ukalilodye kwankúlangalalela-shadaka, umye shadaka shalamulidile Musha pakulota uve ushuda kwavanavo.”

Vaepeshu 5:33

Kanji napane namwenu kula munu annagwaledye ndyagwe kenga mo mwalinagwaladyedya jo mwene na ndyamunu amwishimu ntwagwe.

Vakoloshu 1:9

Napavedoni, kutunduvangila muliduva lyatwigwite hatunaleka shinu kushwali yenu mwenu tunjugwa Nnungu pakulota dashi, muumbaligwe na limanyilo lyalilotelo lyake nkati mulimanyilo na umanyimanyi uti waimumu

Vagalata 3:1

Mmagalata mmajinga mwe! Da mwenu annagwilé nyani, mwemwe wavammalangangidile ngala pamevo penu kenga Yesu Klistu andikamalalegwa panshalaba?

Mateu 27:4

aashidoni, “Nditega. Nditadya vijaike myadi víkave makosha.” Vanavo kushidoni, “Wetu shetu nyamani? Mwaa awo wako wako umwene.”

Mateu 25:2

Pakati pave mwanu vavele vakupuwanikanga, vanji mwanu vo kuva vading'ano.

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.