Vaepeshu 5:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Hamunaliinjidyange muvitendo vyamushii víkave vyepo kanji paikave davo po, kashaulanga.

Vaepeshu 5:11 Referans Kwoze

Valoma 13:12

Shilo shindipita, mui undiwika. Napavedoni tulakele kunyenje ko vitendo vyakushii tutwale tugwalange dyuti dyalilangadyo.

I Timoti 5:20

Avalá vatéga vashulange paumbala kwambangidya vanji vo, vajope.

II Vateshalonika 3:6

Napanelo tunkunnamulila mmanung'unumunu palina limwe Umu wetu Yesu Klistu doni, vaambukange vanung'unumunu vanáma shinamidyo shauwondo i kulingana na mavalelo avapatile kwalakela kwetu.

Valoma 16:17

Ninkunnaililila mmanung'unumunu pakulota mulishunge kwa avalá váidanavo kujavanikana na kuvika ligogo mapundisho amulipundishidye mwenu. Vaambukange vanu avo!

Maono 18:4

Napane kuwa ndígwa lidi linji liishidoni, “Mmenentete vangu, lyumadyange kwake nae kwambangidya hamunaliinjidyange mushimadambi shake, na vyaushanga vimwidíla nae, mwenu havinampate.

Titu 2:15

Vinu avi valanganga, laililila, shashulanga kwamadalaka uti; haunanneke munu akwiludyanga.

II Vateshalonika 3:14

Ikava kenga munu hanaigwilila shinu shatutangwele mwibalugwa ai, munu ajo mmanye, hamunalyunganiange namu nae kwambangidya ataigwe dyoni

Valoma 6:21

Da mushipata vyepo shani wakati awo kwavinu vyamwanangila dyoni ambi apa? Mwaa kumwisho kwavinu avyo, kupela.

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

II Timoti 3:5

vavanavo ding'ope dyakunjopa Nnungu kanji akuno vaita dimongo dyake. Vanu avo, aapukananganavo.

Vagalata 6:8

Álota kupanda kwashimunumunu, vyashimunumunu andapuna; napane álota kupanda kwa Imumu, andapuna shingumi shíkamalilika.

I Vateshalonika 5:7

mwaa valála vo, valala shilo na vaambálwa vo, vaambalwa shilo.

Lukashi 3:19

Kanji kwodamwaa Nshuwau anínshashulanga Elode mwaa wakunnomba ndyagwe nung'une mwene walina Elodiya na mwaa wakunshashulanga vinu vinji vyakunyata vyashitenda,

Vaepeshu 5:7

Napavedoni hamunalyunganiange na vanavo muvinu avyo.

Vaepeshu 4:22

kwaing'ano yamavalelo akala, mupundishigwidyé kumula munu wenu wakala, munu jo abamalegwa na malotelo akushang'apa,

Mateu 18:15

“Napanelo nung'unumunu akakutagela muukile ukandume mùvele mmavili yenu. Ikava kenga andakwigwilila, unimposha.

I Timoti 6:5

na mitau víkave mwisho vyavanu vading'ano dyakutimbikanga vákave umwiu vona kenga kupata malupulupu ni kunjopa Nnungu.

Vitendo 26:18

kwambangidya dashi, uvaungule mevo vashiliuke kushii vauke kulilangadyo, vaume mumadalaka amwe Shatwani vauke kumwe Nnungu pakulota vapate kulivalivigwa kwamadambi na vapate lyutu mushipinga sha avalá vailimyangígwa kwaindila yakungukulupila nangu.’

Vaepeshu 5:12

Mwaa avilá vyavatenda vanavo kwashipii ata ko kuvalanganga aku, vinkutaa dyoni.

Vakoloshu 1:12

munnambwalela na lipuwilo Tatamunu átadidye mupagwe mukumajananga maleko avakwilimyanga mulilangadyo.

I Timoti 5:22

Haunapupange kummikila munu makono na ata haunaliinjidyange mushimadambi shavanu vanji; nanopa muungave-ushapu.