Vaepeshu 4:22 - Ibibiliya mu Shimakonde Imbodi Yaambi na dimbande dya Imbodi Yakala

²² kwaing'ano yamavalelo akala, mupundishigwidyé kumula munu wenu wakala, munu jo abamalegwa na malotelo akushang'apa,

Vaepeshu 4:22 Referans Kwoze

Valoma 6:6

tumanya kenga umunu wetu wakala undipambililigwa pamo namu nae pakulota dashi, mili walidambi utimbikange kwambangidya hatunatandegwe kavili vatumwa validambi

Vabalaniya 12:1

Napavedoni, pakuva nawetu momo inditutang'anedya imbumba ing'umene yamashuda ava, indituvaikila tulyulange uti vitudingadínga na lidambi litudingíla pakulota tutukute kwakulipililila kwamwaa wa alalá mashindano avikígwe mushu mwetu

Tiyagu 1:21

Napavedoni, jaa kushu ko ushapu uti na mavalelo akunyata alinatéla na pwashalela lilove lipandígwe nkati mwenu kwabila makukulu, lyolyo livénavo dimongo lyakwambola ungumi wenu.

Vabalaniya 3:13

Leka apo, ing'ana ntima shii kula wakati ushamégwa “Liduva lyanelo” kwambangidya hanapagwe pakati penu munu wakunanopa aduwangika mulidambi

Titu 3:3

Mwaa ata nawetu kala po, tuvele tuvanu túkave ding'ano na túkaigwilila vatwashadyenge tuva tuvatumwa kwavinu vyakula inamuna na ditamaa, shingumi shetu tunama mushishimwashimwa na mwing'ou, tuvangadika na tuvangadyania.

Vaepeshu 4:25

Napavedoni, pamulakile kushang'apa, inimmaikila kula munu atangole umwiu kwanshitanono wake mwaa wetu uti ni mili umo.

I Patulu 4:3

mwaa wakati upitíle unditosha wakutandedya mwenu vinu vivannagwéla vamidi. Muwakati awo mwenu mushindanama shinamidyo shakunyata kupunda apo, mumalotelo ashimunumunu, kwambalwa, vikukulu vyaupuju na vyakwambalwanga pamo na kulipudya kwakunyatilika kwavannungu.

Vaepeshu 4:17

Nadoni ninkutangola na ninkumya ushuda nkati mumwe Umu, hamunaname kavili kenga mmamidi mukunyambikanga makumbukililo ave.

II Patulu 2:13

vapata wakunyata kenga nshala wavyakunyata vyavatandile. Vanavo inkuvanagwela kutenda vikukulu vyaupuju mui liduva livala. Vovo vo, vandilamala na vankuvanavo malemba vapuwangila mukushang'apa kwave muwakati wavalyunganianga namu mwenu pandamu.

I Patulu 1:18

Mwaa mwenu mundimanya doni, mundyambolegwa nkati mushinamidyo shenu shamambinya shamuukile ndapata kwavanyakalavenu i kwaindila yavinu vitimbikánga kenga nkuva kwali shaabu,

Vakoloshu 2:11

Namomo nkati mwake, mwenu mundikumuligwa likumbi i likumbi lyavakumula vanu kanji lyakulyusha mili washimunumunu, lyo lyakumula Klistu

Vaepeshu 2:3

Pakati pave nawetu momo tushindalilangalalela kwamalotelo ashimunumunu, tutandedya malotelo amili na anding'anong'ano. Nadoni kenga vanji uti, nawetu momo kwashimunumunu tundípagwa mushitundi shake Nnungu.

II Patulu 2:7

kanji anímposha Loti munu waishaliya shíshinkodya shipalodi kwamwaa wavitendo vyakulauka vyavanu váshinama muungave-lilamulo

Vagalata 1:13

Mwenu mundigwa shana mavalelo angu panguvéle nkati mwidini yashiyuda; mwashi mwangushipapatila liganisha lyake Nnungu na mwangushitandela ing'ondo.

Valoma 7:11

Mwaa lidambi likatakela litala kwaindila yalilamulo, lininguduwanga na kwaindila yalilamulo, liningubyaa.

Tiyagu 1:26

Ikava kenga munu ankulyona kuva munu waidini kanji hanatawala shinu lulimi lwake, ankuliduwanga jo mwene muntima mwake, idini yake yo, yabule.

II Vakolintu 11:3

Kanji shangujopa ni ashi, kenga mo mwanduwangidídye nyoka Eva kwaujanja wake, ding'anong'ano dyenu inkuululika kumwashadyanga mukulipudya kwiu na kúkave ushapu kumwe Klistu.

Vaepeshu 4:31

Shijaujau, kushimwa, shitundi, kunyonya na kwabola; vinu avi uti pakati penu havinapagwe pamo na wakunyata uti.