Vaepeshu 4:12 - Ibibiliya mu Shimakonde Imbodi Yaambi na dimbande dya Imbodi Yakala

¹² pakulota ivé dashi, vavapanganiange vakwilimyanga kwashimadengo shautumika kwakudenga mili umwe Klistu

Vaepeshu 4:12 Referans Kwoze

Vaepeshu 4:16

Kwaindila yake nae mili uti paulyunganianga na paukamulananga na kula imbandi yavampele, kula imbandi paikola shimadengo muvaikidíle, inátadya mili ukulumuke pakulota ulidenge mulinagwaledyo.

I Vakolintu 12:27

Mwenu napane ni mili umwe Klistu na imbandi kwaimbandimwagwe.

Valoma 15:14

Mmanung'unumunu nangu nimwene ninkuvanavo wakika kenga mwenu mundyumbaligwa na wambone mùumbaligwidye na limanyilo uti muulula kupundishania shivanavene.

I Vakolintu 14:26

Da ivé dashi mmanung'unumunu? Pamukadyanianga, kula munu ankuvanavo lwimu kwali kuvanavo lipundisho kwali kuvanavo maono kwali kuvanavo inangodi yaambi kwali kuvanavo kuvalangangilila; uti avi vive vyakudenga.

Valoma 14:19

Napavedoni tuvingilidye ashilá shiídanavo amani na shitutádya tudangane.

I Timoti 1:12

Ninkunnambwalela aijá ángupele dimongo, Klistu Yesu Umu wetu mwaa nae aningwona kuva wakukulupilika anguvika mushimadengo shake

I Vakolintu 14:12

Nimumo momo kwenu mwenu; pakuva mwenu munkuvanavo dukuduku yakupata vinu vyaimumu, bai avanavo dukuduku yakudangela liganisha.

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

Vabalaniya 6:1

Napavedoni tuleke mapundisho akutunduvanga kwamwaa umwe Klistu na tuke mushu nkati mukukulumuka kwabila kudenga kavili shitunduvangilo yani, kulijugulanga kwavitendo vyakupela, likulupililo kwa Nnungu,

II Vakolintu 6:3

Hatumpele munu ishaliya yakulota kulikuvala kwambangidya utumika wetu, haunaaneke makosha.

II Vakolintu 5:18

Avi uti vinkwalakela kwake Nnungu aijá átutadidye twigwane na jo mwene kwaindila imwe Klistu atwing'a utumika waliigwilanilo,

Lukashi 22:32

Kanji nangu ndikujugwila kwambangidya likulupililo lyako halinajaike. Napanelo wako paunguujila po, vanonowange vanung'unumunu.”

II Timoti 4:5

Kanji napane wako ava umunu wakulilaledya muvinu uti, lipililile mauvilo, kola shimadengo shankúvalanganga ntenga wambone, tandedya utumika wako ukawikile popo.

Vakoloshu 4:17

Mwaulile Alikipu doni, “Angaikangila utumika waupatile nkati mumwe Umu pakulota ukawishe popo.”

Vakoloshu 1:28

Ni jojo watummalanganga, tuduma na tumpundisha kula munu nkati mulimanyilo uti pakulota tunnodye kula munu washalowa-uti nkati mumwe Klistu.

Vakoloshu 1:24

Napanelo ninkupuwangila mumauvilo angu kwamwaa wenu mwenu mwaa nkati mumili mwangu, ninkuumbadya mauvilo aovíte amwe Klistu kwamili wake lìvele lyo liganisha.

Vaepeshu 1:23

liganisha lyo ùvele wo mili wake; kuumbala kwa aijá áumbadya uti kwauti.

II Vakolintu 12:19

Da mwenu mwona kenga wakati uti wetu tunkulishililidya pamevo penu? Nkati mumwe Klistu pamevo pake Nnungu ni patutangola na uti vyatutenda mmakunagwaleka ni pakulota kunnonowanga mwenu.

II Vakolintu 7:1

Mmakunagwaleka, pakuva tunkuvanavo vyakulivikila avi, tulyushaniange vyaudagwa uti vyamumili na vyamwimumu tuwisha popo kwilimyanga nkati mukunjopa Nnungu.

II Vakolintu 4:1

Napavedoni, pakuva tunkuvanavo utumika au watupatile kwashididi shake, havinatudidima mitima.

II Vakolintu 3:8

da napane utumika wa Imumu wo, haumamodya lishangelo lyoe?

I Vakolintu 14:14

Mwaa ndikashwali mwinangodi yaambi, imumu yangu ni ishwáli kanji ding'ano dyangu hadinavanavo shinu vyepo.

Valoma 15:29

Ninkumanya kenga pangulota kwida kwenu ndaida nguumbaligwidye kwalaligwa kumwe Klistu.

Valoma 15:2

Kula munu pakati petu antadye nshitanonomwagwe innagwele kwauwambone wake jo mwene pakulota annonowange.

Valoma 12:7

kwali shakutumika, shitumike mukutumika kwali shakupundisha, mukupundisha,

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Vitendo 11:23

Balinaba akawike kwanavo akone umonyo wa Nnungu pakati pave andípuwanga namene na ashindavanonowanga vanu uti pakulota vavenavo ntima wakukulupilika na kuvalaililila havanamwambukange Umu

Vitendo 9:31

Bai liganisha lya ku Yudeya, lya ku Galileya na lya ku Shamaliya lindívanavo amani na lishindaliimiliyanga; linama mukunjopa Umu na mukumpambadyangigwa kwa Imumu Wanashwe, lyanavo lishindaanjadyeka.

Vitendo 1:25

wakutenda imbandi muutumika au waumyombe wo waukile ndaashela Yudashi kuka lyutu limmaikidíle.”

Vitendo 1:17

mwaa nae avele munu wamushipinga shetu na jojo jo, vanínjavila imbandi muutumika au.”

II Timoti 4:11

Ni Lukashi gweka yake ápagwite namu nangu. Pawida ntwale Malukushi mwide pamo mwaa nae ni lipwashalelo likumene kwangu kwautumika.

Vaepeshu 4:29

Malove akunyatanga hanaume nkanywa mwenu ila aume malove ambone avaikidíle kuvadenga vanu kwodananavo malotelo ave kwambangidya malove enu ape umonyo kwa avalá vaígwa.

Vaepeshu 4:4

Unkupagwa mili umo na Imumu jumo kenga mo mwavanshamalele mwenu kwalilindilililo limo lyakushamegwa kwenu,

II Vakolintu 13:9

Mwenu, tunkupuwanga patudabadabanga, mwenu muvanavo dimongo. Kushwali kwetu ni kulota mwenu mudyuwangigwe.

I Vakolintu 12:7

Kwakula munu vankumupa kulilodya kwa Imumu kwapaida yavanu uti.

Valoma 12:5

nawetu momo ata ikava kenga tuvelé tuvoe, tunkuva mili umo nkati mumwe Klistu na kula munu pakati petu tunkuva dimbande dyunganénge.

II Vakolintu 13:11

Kumwisho akuno mmanung'unumunu puwanga, dyuwangika, avanavo ntima shii, kumbukilila momo, nama kwaamani na Nnungu walinagwaledyo na waamani andapagwa namu mwenu.