Vaepeshu 3:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ na wakuvaigwiniya vanu uti nnugu washipii ashi she shipiíke tangu kala nkati mu Nnungu ákandyenge vinu uti

Vaepeshu 3:9 Referans Kwoze

Vakoloshu 1:26

shipii ashilá shavapiidye tangu kala dimbula kwadimbula kanji ambi apa shitadídye shimanyike kwavakwilimyanga.

Mateu 13:35

pakulota liwikile popo lilove litangaléke kwaindila yankúlava aashidoni, “Ndatangola ngutumila mikong'o, ndavalanganga vinu vilipiídye tangu kukandyangigwa shilambo.”

II Timoti 1:9

aijá átwambwele na átushamile kwalishamelo lyakwilimyanga i kwamwaa washimadengo shetu kanji kwamwaa waishabaa yake jo mwene na umonyo watupatile nkati mumwe Klistu Yesu tangu wakati úkamalilika ukanava kupagwa

Vakoloshu 3:3

mwaa mwenu mundipela kutwala shingumi shenu kukandyegwa namu Klistu nkati mumwe Nnungu.

Mateu 28:19

Napavedoni wena mukavatadye vanu vave vakwoda vangu muvenentete uti muvabatisha palina lya Tata, lya Mwana na lya Imumu Wanashwe

Maono 4:11

“Wako Umu, Nnungu wetu, undivaikila kupata lishangelo, ishima na dimongo mwaa wako undikandyanga vinu uti na kwalilotelo lyako vindikandyangigwa na vipali.”

Titu 1:2

ko kupandukánga mulilindilililo lyashingumi shíkamalilika, sho shalivikidile Nnungu átangola viu tangu wakati ukanava kupagwa

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

Maono 13:8

Vanu uti vanáma mushilambo shapai, vandalipudya kwake nae, vanavo ni avalá vákaandikigwe mena ave mulibuku lyashingumi lya Ngandolo ábyaigwe tangu kala pavakandyenge shilambo.

I Patulu 1:20

Ata ikava kenga mwamanyikidile kaladavo shilambo shikanava kukandyangigwa, andililodya muwakati au wamwisho kwamwaa wenu mwenu;

II Timoti 4:17

Umu napane andípagwa namu nangu, akangupa dimongo pakulota dashi, kwaindila yangu nangu kuvalanganga kwalilove kutandeke-uti mpaka vamidi uti vaigwe. Namomo ndikaposhegwa nkanywa mwantumi

II Vateshalonika 2:13

Wetu napane indituvaikila ngwengwe tunnambwalele Nnungu kwamwaa wenu mmanung'unumunu mmakunagwaleka vamwe Umu mwaa Nnungu anintandola mwenu kenga vyepo vitandi vyakwambolegwa kwaindila yakujaluwangigwa mukwilimyanga kwa Imumu na kwakukulupila umwiu.

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

Vaepeshu 1:4

kenga mo mwatutandaladile nkati mwake tangu kala shilambo shikanava kukandyangigwa pakulota tuve vakwilimyanga na túkave makosha pamevo pake. Nae anditutandola mulinagwaledyo

I Vakolintu 2:7

Leka apo, tundátangola limanyilo lyake Nnungu lìpiike mushipii, lyo lyapanganienge wakati ukanava kwalishangelo lyetu wetu.

Vitendo 15:18

ámanyiidye vinu avi tangu kunantandi.’

Nshuwau 10:30

Nangu namu Atata tunkuva shinu shimo.”

Nshuwau 5:19

Yesu akavajang'ula kushidoni, “Nangu ninkumwaulila mwiu mwiu doni, Mwana hanaulula kutenda shinu shoeshoe shakubuni jo mwene ila ashilá shamwona Tatake atenda. Kula shinu shatenda Tatamunu nanae Mwana ankutenda shosho.

Nshuwau 5:17

Napane Yesu kuvaulila doni, “Atata ankukola madengo mpaka ambi, nadoni nanangu momo ninkukola.”

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.

Mateu 25:34

Napane jo Umu jo andavaulila avalá vakunkanakono kwake kushidoni, ‘Idananga mwenu mwalaligwe namu atata! Pwashalela utawala wavankandyangididye tangu kukandyangigwa kwashilambo.

Mateu 10:27

Vyandimwaulila kushii tangalela kulangele na vyamwigwa kumatu valangangila panantutuvilo.

Maono 17:8

Lidimu waungwene jo, andípagwa kanji napane hanapagwa shinu. Nae andauma ambi popa ku Litavaleva kwida ndabamalegwa. Vanu vanáma mushilambo shapai uti vákaandikigwe mena ave mulibuku lyashingumi tangu kukandyangigwa shilambo, vanavo vandashanga pavalota kumwona lidimu mwaa andípagwa, napane hanapagwa shinu kanji andapagwa kavili.

Maono 14:6

Napanelo ndímwona njelo junji auluka kuniania àvenavo ntenga wambone úkamalilika pakulota avavalangangile avalá vanáma mushilambo shapai; kula shilambo, likola, inangodi na venentete

Valoma 11:25

Mmanung'unumunu hangunalota shinu mutikinange shipii shangulota kutangola kwambangidya hamunave mmanu mmakulyona: kunanopa kwantima kúkawikidile popo kundivawikila vanaishilaeli mpaka kuumbaligwa kwavamidi kuwikile popo.

Vaepeshu 3:2

doni, kwaumwiu mwenu mundigwa itangaleka ing'ano yaunashilangola waumonyo wake Nnungu uvikígwe nkati mwangu nangu,

Vaepeshu 6:19

namomo mungujugwila nangu kwambangidya dashi ndikashimula ikanywa, ngupate malove pakulota ndivamanyiye vanu na ntima washinannume shipii shantenga wambone,

Vakoloshu 4:3

mutushwalidya wetu momo pakulota Nnungu atuungulile nnango kwalilove tuvalangange shipii shimwe Klistu ashilá shitadídye nangu nguungwe.