Vaepeshu 1:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Ndájugwa doni, Nnungu umwe Umu wetu Yesu Klistu, Tatamunu Walishangelo, amupe imumu yalimanyilo na yamaono nkati mukummanya shana nae

Vaepeshu 1:17 Referans Kwoze

II Patulu 1:3

Kwadimongo dyaunnungu wake anditupa uti avilá vyatulota mushingumi na mukunjopa nae kwaindila yakummanya aijá átushamile kwalishangelo lyake jo mwene na kwaushalowa wake uti

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.

Vaepeshu 1:3

Atumbyangilike Nnungu umwe Umu wetu Yesu Klistu, jo Tatamunu wake nae, átwalalidye nkati mumwe Klistu kwakwalaligwa uti kwaimumu mumautu akuwa

Nshuwau 17:3

Shingumi shíkamalilika sho ni ashi, vakumanye wako kuva Nnungu wiu úvele jumo jojo na vammanye aijá wauntumididye, Yesu Klistu.

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

I Vakolintu 2:10

Nnungu napane anditulodya wetu kwaindila ya Imumu. Mwenu, Imumu inkulalyanga kula shinu ata mpaka vivéle nkati-uti vya Nnungu.

Vaepeshu 3:5

shipii shávakavamanyiidye vanu vadimbula dinji kenga mwashuukile ndalilodyedya kwa Imumu ambi apa kwavamyombe vakwilimyanga na vakulava.

Nshuwau 20:17

Yesu kushidoni, “Haunangukamule mwaa hangunava kukwela kuka kumwe Atata. Napane wena kwavanung'unumunu ukavaulile doni, ‘Ninkukwela kuka kumwe Atata, jo Tatagwenu; kwa Nnungu wangu, jo Nnungu wenu.’ ”

Vitendo 6:10

kanji havashuulula kutauka limanyilo na Imumu Wanashwe áshinnangalalela nae mukutangola.

Mateu 6:13

Haunatuukenavo kukutubigwa kanji tuposha kumakono kumwe nkalau.’

Nshuwau 14:26

napane nkúpambadyanga, aijá Imumu Wanashwe walota kuntumidya Atata palina lyangu, nae anampundisha mwenu kula shinu na anankumbuwanga uti vyanimwaulidile nangu.

II Vakolintu 12:1

Ininguvaikila ngulyumye shumbi. Ata ikava kenga haipali paida, ndauka napane ndavalanganga dindoti na maono aalakéla kumwe Umu.

Lukashi 21:15

Nangu apa nantadya mutangole malove alimanyilo; malove alo, vamongo venu havapinga ata kutaukanga hakupagwa.

I Vakolintu 12:8

Mwaa kwamunu jumo kwaindila ya Imumu, vankumupa lilove lyalimanyilo, junji kumupa lilove lyaumanyimanyi kwodananavo Imumu jojo,

I Vakolintu 2:8

Hapali ata jumo pakati pavakutawala vawakati au ámanyite mwaa leka vàmanyite, havanampambilile Umu walishangelo.

Valoma 15:6

kwambangidya kwantima umo na lidi limo, mumupe lishangelo Nnungu umwe Umu wetu Yesu Klistu jo Tatamunu wake nae.

Nshuwau 16:3

Vinu avi vandatenda mwaa havammanyite Atata na ata nangu momo havangumanyite.

Nshuwau 14:17

aijá Imumu Waumwiu. Nae shilambo hashuulula kumpwashalela mwaa hashinamwona shinu na hashinammanya shinu. Mwenu munimmanya mwaa ankunama namu mwenu na andapagwa nkati mwenu.

Mateu 16:17

Yesu akanjang'ula kushidoni, “Undijaligwa wako Simoni Bali-Janashi! Hanava shinu munu ákupundishidye vinu avi ila ni Atata ávele kuwa.

Mateu 11:25

Napanelo muwakati awo Yesu andítangola kushidoni, “Ninkukulambwalela Atata, Umu wakuwa na pai, pakuvapiyanga vinu avi vanu valimanyilo na valipundishídye kuvalodya vanu vila.

Maono 7:12

vaashidoni, “Ame. Litumbyangilidyo na lishangelo, limanyilo na lilambwalalelo, ishima, dimongo na lyululilo vive kumwe Nnungu wetu ngwengwe ngwengwe. Ame.”

Titu 1:1

Paulu, ntumwa umwe Nnungu na myombe umwe Yesu Klistu kwaupande walikulupililo lyavakutandalegwa na kwakumanya umwiu kulingananavo kunjopa Nnungu,

Tiyagu 2:1

Mmanung'unumunu, pakuva munkuvanavo likulupililo kumwe Yesu Klistu Umu wetu walishangelo, hamunampambule munu.

I Vakolintu 14:6

Napanelo mmanung'unumunu, ikava kenga nangu ndaida kwenu kutwala kutangola inangodi yaambi, ngulota kumupa paida shani ndikanaidanavo maono kwali limanyilo kwali lilavilo kwali lipundisho?

Lukashi 12:12

mwaa muwakati wowo, Imumu Wanashwe anampundisha mwakutangalela.”

Lukashi 2:14

“Lishangelo livelé namu Nnungu kushanya-uti; amani namu vanu mushilambo, vanu vovo vavatanene mwene Nnungu.”

II Timoti 2:25

avapundisha kwakulishapeya avalá vampínga nakapanji Nnungu andavapa kulijugulanga kwidanavo kumanya umwiu

Valoma 1:28

Naivedoni pakuva vanavo havagwene mana yakummanya Nnungu, jo mwene Nnungu andivakamudya mumakumbukililo ave akunyata pakulota vatandedye ashilá shíkavaikidile kutenda.

Vitendo 7:2

Shiteva kushidoni, “Mmanung'unumunu pamo na mmatatamunu, ngwigwa! Nnungu walishangelo andímuumililila nakulugwetu Abulaamu ku Meshapotamiya akanava kwikala ku Alani

Vaepeshu 4:13

mpaka uti tuwikile muupamo walikulupililo na walimanyilo lya Mwana wa Nnungu; doni, mpaka tukave tuvanu tuvakukamala túwikidile shipimo shashilinga shaumbala umwe Klistu

Vapilipo 3:15

Napavedoni uti wetu túlota tuve tuvashalowa indituvaikila tukumbukile doni, ikava kenga apali ákumbukilila munji, ajo Nnungu andamuunukulila shinu asho.

Mateu 20:33

Vanavo kushidoni, “Umu, tulota mevo etu, alole!”