Vabalaniya 9:12 - Ibibiliya mu Shimakonde Imbodi Yaambi na dimbande dya Imbodi Yakala

¹² andiinjila Lyutu Lyakwilimyanga-uti kwamwanda umo tu bai i kwaindila yamyadi vyavambudi kwali vyavang'ombe kanji kwamyadi vyake jo mwene kutwala kuva likameko lyakwambola kúkamalilika.

Vabalaniya 9:12 Referans Kwoze

Vabalaniya 10:4

mwaa hayululika myadi vyaing'ombe na vyaimbudi kuushanianga madambi.

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Vabalaniya 5:9

Namomo pantadidye awikile popo nae anditadya ave ntipu wakwambolegwa kúkamalilika kwa avalá uti vamwigwilíla,

Maono 1:5

na vyakwalakela kumwe Yesu Klistu nshuda wakukulupilika, ntandi kudyuka pakati pavakupela na nkútawala wavaumu vamushilambo. Nae ankutunagwaledya na kwamyadi vyake anditwambola mumadambi etu,

Vabalaniya 10:19

Napavedoni manung'unumunu tunkuvanavo ntima shii wakwinjilila Lyutu Lyakwilimyanga-uti kwaindila yamyadi vimwe Yesu,

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

Vabalaniya 7:27

Kwakuvilingananga na vakulangalalela-shadaka vakumene avalá, nae hainatakigwa shinu kulyumidya shadaka kula liduva kwamwaa washimadambi shake ling'oto shimadambi shavenentete. Nae anditenda uti avi kwamwanda umo tu bai palyumidye jo mwene.

Vabalaniya 9:13

Mwenu, pakuva tundimanya kenga kunyunyangiligwa kwamyadi vyambudi, vyang'ombe na liu lyang'ombe namako kunkuvatadya vailimyangigwe vanu vambukishígwe ushapu kwakuushaniangigwa ushapu wamumili,

Vabalaniya 1:3

Nae ni kung'ala kwalishangelo lyake Nnungu na ni ing'ope iu yamavalelo ake akamulila vinu uti kwaindila yalilove lyake lyadimongo; ling'oto lyakukandyanga shakuushaniangidya ushapu kwamadambi, nae andiikala kushanya kunkanakono kumwe aijá Wakujowa walishangelo

I Vateshalonika 1:10

na pakulota munnindile Mwanagwe aaloka kuwa, aijá wandyuwidye pakati pavakupela, Yesu átuposha mushitundi shída.

Vakoloshu 1:14

mwake nae tunkuvanavo kwambolegwa kùvele kulivalivigwa kwashimadambi.

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Malukushi 3:29

kanji munu álota kunkupulu Imumu Wanashwe halivalivigwa, nae andavanavo likosha lyashimadambi shíkamalilika.”

Maono 5:9

Vanavo vashindaimba lwimu lwaambi vaashidoni, “Wako ni úvaikidile kutwala shidingo na kunamatulanga dishelu dyake mwaa undibyaigwa na kwamyadi vyako uninshumila Nnungu vanu vakula likola, inangodi, venentete na shilambo.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Vabalaniya 9:7

Kanji isemu yambili ainjila gweka nkúlangalalela-shadaka nkumene, jojo jo ainjila mwanda umo kwamwaka. Painjila po, hanainjila bila myadi vyakumuumidya Nnungu kwamwaa wake jo mwene na kwamwaa washimadambi shavatandile venentete kwabila kulimanya.

Lukashi 1:68

Atumbyangilike Umu Nnungu wa ku Ishilaeli mwaa andida na andivaambola venentete vake.

Vabalaniya 9:14

kushi napane myadi vimwe Klistu áukile ndalijaula jo mwene kwaindila ya Imumu ákamalilika pakave makosha kwaupande wa Nnungu, hayululika kutuushanianga vitendo vyakupela mmakumbukililo etu amuntima kwambangidya tuntumike Nnungu mumi?

Vabalaniya 9:19

Mwaa Musha paukile ndamalila kuvavalangangila venentete uti kula lilamulo, nae andítwala myadi vyavang'ombe na vyavambudi pamo na medi, pamba wanauvi na mishasha vyannandi wavashema ishopu kutwala kumyajangila lyo lyene libuku pamo na venentete uti aashidoni,

Vabalaniya 13:12

Nadoni Yesu momo andyuvauvanga panda likaja pakulota kuvatadya venentete vave vakwilimyanga kwaindila yamyadi vyake jo mwene.