Vabalaniya 8:2 - Ibibiliya mu Shimakonde Imbodi Yaambi na dimbande dya Imbodi Yakala

² na ankutumika mulyutu Lyakwilimyanga ìvele yema iu yadangile Umu i munu.

Vabalaniya 8:2 Referans Kwoze

II Vakolintu 5:1

Mwenu, tundimanya kenga ikabamalegwa yema yatunama mushilambo amu, tunkuvanavo ing'ande kumwe Nnungu, ing'ande yavakadangile na makono yangwengwe kuwa.

Valoma 15:8

Mwenu, nangu ninkumwaulila doni, Klistu andilitenda kuva ntumika wa avalá vakumulígwe likumbi kwamwaa waumwiu wake Nnungu pakulota atandedye kulivikila kwavanyakalamunu

Vabalaniya 11:10

Mwaa nae ashindalindila njini úvenavo shitunduvangilo shakunanopa, aulá wakuvenge jo mwene Nnungu na kudenga jo mwene.

Vabalaniya 10:21

Nadoni tunkuvanavo nkúlangalalela-shadaka nkumene ávenavo madalaka mwing'ande ya Nnungu.

Vakoloshu 2:11

Namomo nkati mwake, mwenu mundikumuligwa likumbi i likumbi lyavakumula vanu kanji lyakulyusha mili washimunumunu, lyo lyakumula Klistu

Lukashi 24:44

Kutwala kuvaulila doni, “Vitandéke avi ni avilá vyanishipita nimmalangangila mwenu tùvele shalumo kenga indivaikila vinu uti vyandikígwe mu Lilamulo lyake Musha, mu Vakulava na mu Dimu vingwámba nangu, vitandeke.”

Vabalaniya 9:1

Mwenu, imbodi itandi yo indívanavo upangaji wake wakulipudidya na lyutu lyakwilimyanga mushilambo amu.

Vabalaniya 10:11

Liduva kwaliduva, kula nkúlangalalela-shadaka andáimila atumika mukumya vyadaka aujidya-ujidya vyovyo ngwengwe, vyo víkaulula kuushanianga madambi.

Maono 21:3

Napanelo ndígwa lidi likumene lyakwalakela pashiteng'u liishidoni, “Mwe! Ambi apa yema ya Nnungu inkupagwa na vanu na nae andanama na vanavo. Vanavo vandava venentete vake; jo mwene Nnungu ápagwa na vanavo, andava Nnungu wave.