Vabalaniya 8:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Patangola Nnungu yaimbodi yaambi yakala yo nae anditadya ipite na wakati; napane ashilá shipitíle wakati na shikangapéle, asho shinkuka mukulambaleka.

Vabalaniya 8:13 Referans Kwoze

II Vakolintu 5:17

Napavedoni, ikava kenga munu ankupagwa nkati mumwe Klistu, ajo ni shiumbi shaambi. Vyakala vindipita. Mwenu, viidilé vyaambi.

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

I Vakolintu 13:8

Linagwaledyo halive mwisho. Kwavyakulava, vindapita; kwadinangodi, dindamalilika; kwalimanyilo, lindapita.

Mateu 24:35

Kuwa na pai kundapita ila malove angu mwiko hapita.

Lukashi 22:20

Pavamalidile kulya, andítwala shikombe kutandela momo aashidoni, “Shikombe ashi ni imbodi yaambi yamyadi vyangu vijaíka mwaa wenu mwenu.

II Vakolintu 3:6

Nae ni átupele lyululilo lyakuva wetu tuvatumika vaimbodi yaambi i imbodi yalutembo kanji ya Imumu mwaa lutembo lunkubyaa kanji Imumu ankwing'a shingumi.

Vabalaniya 1:11

Vyanavo vindatimbikanga kanji wako undapagwa ngwengwe; vyanavo uti vindavandaloka kenga dinguvo.

Vabalaniya 7:22

Nadoni jo Yesu aju, anditandegwa kuva shakwimididya mwimbodi yamana.

Vabalaniya 8:6

Kanji napane ambi apa utumika wapatile Yesu wo, ni wambone kuliko wavanavo, nadoni kenga mo, imbodi intadídye nae ave nkúdumangila waimbodi yamana kupunda yakala, yoyo yo inkunanapela muvyakulivikila vyamana.

Vabalaniya 8:8

Kanji napane Nnungu andyóna kupagwa shoovíte kwavenentete kutwala kushidoni, “Mwenu, andawika maduva, atangola Umu, pangulota kupanga imbodi yaambi na shipinga shavanaishilaeli pamo na shipinga shavayuda.

Vabalaniya 12:24

mundiwika kumwe Yesu nkúdumangila waimbodi yaambi na myadi vyake vyamyajangidile, vitangóla shana kuliko myadi vimwe Abeli.