Vabalaniya 7:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ Kwakuvilingananga na vakulangalalela-shadaka vakumene avalá, nae hainatakigwa shinu kulyumidya shadaka kula liduva kwamwaa washimadambi shake ling'oto shimadambi shavenentete. Nae anditenda uti avi kwamwanda umo tu bai palyumidye jo mwene.

Vabalaniya 7:27 Referans Kwoze

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

Vabalaniya 9:12

andiinjila Lyutu Lyakwilimyanga-uti kwamwanda umo tu bai i kwaindila yamyadi vyavambudi kwali vyavang'ombe kanji kwamyadi vyake jo mwene kutwala kuva likameko lyakwambola kúkamalilika.

Vabalaniya 9:14

kushi napane myadi vimwe Klistu áukile ndalijaula jo mwene kwaindila ya Imumu ákamalilika pakave makosha kwaupande wa Nnungu, hayululika kutuushanianga vitendo vyakupela mmakumbukililo etu amuntima kwambangidya tuntumike Nnungu mumi?

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

Vabalaniya 5:3

Napavedoni nae inimmaikila aumye shadaka kwamwaa washimadambi shake jo mwene kulingana kenga mwaumidya shavenentete.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Valoma 6:10

Mwaa kupela kwake nae, apadilé kwalidambi mwanda umo tu bai kanji shingumi shanama nae, anama kwa Nnungu.

Vabalaniya 9:25

Kanji napane i pakulota atende alyumya jo mwene shadaka aujila-ujila kenga mwatandela nkúlangalalela-shadaka nkumene painjila Lyutu Lyakwilimyanga-uti kula mwaka kwamyadi vyajunji.

Vabalaniya 9:7

Kanji isemu yambili ainjila gweka nkúlangalalela-shadaka nkumene, jojo jo ainjila mwanda umo kwamwaka. Painjila po, hanainjila bila myadi vyakumuumidya Nnungu kwamwaa wake jo mwene na kwamwaa washimadambi shavatandile venentete kwabila kulimanya.

Vabalaniya 5:1

Mwaa kula nkúlangalalela-shadaka nkumene ankutandalegwa pakati pavenentete na vammika pakulota aitike yavenentete muvinu vimwámba Nnungu aumya dinudyo na vyadaka kwamwaa washimadambi.

Vaepeshu 2:22

Namwenu momo nkati mwake munkudangegwa pamo pakulota muve lyutu lya Nnungu kwaindila ya Imumu wake.

Vabalaniya 8:4

Leka nae àpagwite mushilambo shapai ashi, ata hainaulukike kuva nkúlangalalela-shadaka nkumene kwoda vapali avalá vaúmya shadaka kwodananavo lilamulo.

Vabalaniya 9:26

Leka ìvele yamyadi vyajunji, Klistu akandyuvauvanga aujila-ujila kutunduvangila tangu pashikandyangigwe shilambo. Kanji napane pauwikidile popo wakati, nae andyumilila kwamwanda umo tu bai kwambangidya amalidye lidambi kwashadaka shalyumidye jo mwene.