Vabalaniya 6:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ valingíle wambone walilove lyake Nnungu pamo na dimongo dyawakati ulóta kwida

Vabalaniya 6:5 Referans Kwoze

Lukashi 8:13

Igwilidíle padinyanga inkwitika kuva vanu vánatenda pavaigwilila lilove lya Nnungu, kupwashalela na lipuwilo kanji mwaa úkave wakulitalalakela, vakulupila kwawakati kutwala akavakodya malingo kutila.

I Patulu 2:3

kwoda ambi apa mundyanalela kenga Umu, wambone.

II Patulu 2:20

Napane ikava kenga vanavo vandipalanyoka muudagwa wamushilambo kwaindila yakummanya Umu wetu na Mwamboli Yesu Klistu kutwala kujola kavili na kutamegwa muudagwa, shinamidyo shavanavo shinkumamodya kunyata kupunda shitandi.

Vabalaniya 2:5

Mwenu, havanava shinu vanjelo vavavikile Nnungu pakulota vatawale shilambo shilóta kwida shatuvalanganga;

Malukushi 6:20

mwaa Elode ashinanjopa Nshuwau. Nae ashinanshilidyanga pakuva anímmanya kenga avele munu waishaliya na wakwilimyanga wake Nnungu. Ishinannagwela kumwigwilila Nshuwau ata ikava kenga pashimwigwilila po, ashinampuwanianga.

Mateu 12:32

Munu álota kuntangola kunyata Mwana Wamunu, analivalivigwa napane áija álota kuntangola kunyata Imumu Wanashwe, halivalivigwa ata muwakati au na ata muwakati ulóta kwida.

Vaepeshu 6:17

Twala shijulu shashitali shakwambola na lyambila lya Imumu lìvele lilove lya Nnungu.

Vabalaniya 4:12

Mwaa lilove lyake Nnungu lingumi na linkuvanavo dimongo, namomo lyakukola kupunda lyambila likóla kuvili, lyanavo linkupulunganianga pakati-pakati ungumi na imumu, mumagwangwa na muwoba, namomo linkujavanianga makumbukililo na milugu vyamuntima.

Vabalaniya 11:3

Kwalikulupililo tunkumanya kenga kuwa na pai vindikandyangigwa kwaindila yalilove lyake Nnungu, nadoni vinu vyatwona avi havyalakadile muvinu vyanéka.

I Patulu 1:25

kanji lilove lyake Umu linkupagwa ngwengwe!” Lilove ali ni aulá ntenga wambone wavammalangangidile.