Vabalaniya 6:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Nnungu hanava shinu waungave-ishaliya wakulota kulivaliva shimadengo shenu na linagwaledyo lyamuladidye kwamwaa walina lyake pakuva mundivatumika vakwilimyanga na munkuka mushu muvatumika.

Vabalaniya 6:10 Referans Kwoze

Mateu 10:42

Ninkumwaulila mwiu doni, munu álota kumupa luwene vela alu lwamedi akukumbila ndyoko jumo pakati pavadyoko ava kwamwaa wakuva nkwóda wangu nangu, ajo mwiko hakatoka inudyo yake.”

Vabalaniya 13:16

Hamunalivalive kutandedya wambone na yakumajananga na vanji avilá vyamuvenavo mwaa kwavyadaka kenga avi, Nnungu inkunnagwela.

Vagalata 6:10

Napanelo po patuvenavo litala lyakutandela wambone, tutandedye kwavanu uti kanji kupunda namene avalá vamwing'ande yalikulupililo.

Vitendo 10:4

Koluneli anínnola ndoo, anjopa kutwala kushidoni, “Da nyamani nang'olo?” Njelo kushidoni, “Kushwali kwako na lipwashalelo lyaunaumya uvapa vamashikini Nnungu inkunnagwela na hanalivaliva shinu.

I Vateshalonika 1:3

tukumbukila pamevo pamwe Nnungu, jo Tatagwetu, madengo enu alikulupililo, kulikanyalidya kwenu kwalinagwaledyo na kunanopa kwenu kwalilindilililo kumwe Umu Yesu Klistu

Vakoloshu 3:17

Uti vyamulota kutenda, ata ikava kwalilove kwali kwavitendo, tenda palina limwe Umu Yesu munnambwalela Nnungu Atata kwaindila yake.

I Timoti 6:18

Vamanyie vatende wambone, vave matajili mushimadengo shambone, vavenavo ntima wakujaula vava tayali mukujavananga.

Malukushi 9:41

Ninkumwaulila mwiu doni, aijá álota kumupa luwene lwamedi mukumbila palina lyangu nangu kwamwaa wakuva mwenu mmake Klistu, mwiko munu ajo hakatoka shinu kupata lidaka lyake.

Valoma 12:13

Kwa avilá vivóva vakwilimyanga, shangila. Kuvapwashalela vajeni, lambela.

Vitendo 11:29

Bai vanavo vandyámuwa kula nkwóda atumidye lipwashalelo kwodananavo shilinga shalyulula kwavanung'unumunu va ku Yudeya.

Vagalata 5:13

Mmanung'unumunu, ivele mupagwe muunaiti shitadídye mushamegwe kanji napane unaiti awo haunave nkanidyo wakulota kutandedya malotelo enu ashimunumunu ila inimmaikila mutumikane shivenevene kwaindila yalinagwaledyo.

Vitendo 10:31

kutwala kushidoni, ‘Koluneli, kushwali kwako ngwengwe Nnungu ankwigwa na lipwashalelo lyako lyaunaumya uvapa vamashikini hanalivaliva shinu.

Nshuwau 13:20

Ninkumwaulila mwiu mwiu doni, álota kumpwashalela aijá wanintumidya nangu, angupwashalela nangu na aijá ángupwashalela nangu, ampwashalela aijá ángutumididye.”

II Timoti 4:8

Kutunduvangila apa, vaningukandyedya lidaka lyaishaliya lyalota kungupa Umu, nkúukumu waishaliya muliduva alyo na i gweka nangu kanji namomo uti avalá vanagwalédya kuumilila kwake.

II Vakolintu 9:1

Mwenu, kwaing'ano yakuvatumika vakwilimyanga haivakidile nimwandikile.

I Nshuwau 1:9

Kanji tukalyaula madambi etu, nae ni wakukulupilika na waishaliya pakulota kutulivaliva madambi etu na kutuushanianga ushapu waungave-shaliya uti.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vabalaniya 10:32

Kanji napane kumbukila maduva matandi ling'oto lyakupata lilangadyo, mwenu mundilipililila ing'ondo ing'umene kwamauvilo,

Mateu 20:7

Vanavo kushidoni, ‘Hapali munu átupele madengo.’ Nae do, ‘Namwenu, wena koko kulishamba ko mukalime.’

Mateu 25:17

Aijá ápatile mbili, nanae kwanjadyedya dinji mbili.