Vabalaniya 5:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Namomo pantadidye awikile popo nae anditadya ave ntipu wakwambolegwa kúkamalilika kwa avalá uti vamwigwilíla,

Vabalaniya 5:9 Referans Kwoze

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

Vabalaniya 2:10

Pavatwala vana voe kuvaukanavo kulishangelo, inimmaikila Nnungu kwamwaa umwe aijá na kwaindila imwe aijá átadya vinu uti vipagwe, antadye awikile popo nkútunduvanga wakwambolegwa kwave kwaindila yamauvilo.

Vabalaniya 12:2

tunnola Yesu mwene nkútunduvanga na nkúwisha popo walikulupililo lyetu. Nae kwamwaa walipuwilo livikígwe mushu mwake, andilipililila panshalaba ailudyanga dyoni na andiikala kunkanakono pashiteng'u shake Nnungu.

Vabalaniya 9:12

andiinjila Lyutu Lyakwilimyanga-uti kwamwanda umo tu bai i kwaindila yamyadi vyavambudi kwali vyavang'ombe kanji kwamyadi vyake jo mwene kutwala kuva likameko lyakwambola kúkamalilika.

Vitendo 5:32

Wetu apa pamo na Imumu Wanashwe wanjawile Nnungu kuvapa vanu vamwigwilíla ni tuvashuda vavitendo avyo.”

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.

Vabalaniya 11:8

Kwalikulupililo Abulaamu andíigwilila paukile ndashamegwa kuka kulyutu lyaukile ndalivikila Nnungu kumupa kenga maleko pakamanya kwashi kwashuka.

II Vateshalonika 1:8

mulilamba lyamoto avapa shaushanga avalá vákammanya Nnungu na vákaigwilila ntenga wambone umwe Umu wetu Yesu.

Valoma 2:8

kanji shitundi na shishimwashimwa kwa avalá vavénavo malotelo augweka vaíta umwiu kutwala kwigwilila ungave-shaliya.

Valoma 1:5

Kwaindila yake nae tundipata umonyo na umyombe wakutadya pakati pavenentete uti kwigwilila kwalikulupililo kwamwaa walina lyake

II Vakolintu 10:5

Tunkubamalanga makumbukililo na kulyona uti kulyumilídya apinga limanyilo lyake Nnungu na tunkuteka makumbukililo uti pakulota amwigwilile Klistu

Valoma 15:18

Mwenu, hangunalyalaveka shinu kutangola shoeshoe pashikava ashilá shatandile Klistu Yesu kwaindila yangu yakuvaidanavo vamidi mukwigwilila; kwalilove na kwashimadengo,

II Timoti 2:10

Napavedoni uti ninkulipililila kwamwaa wavakutandalegwa pakulota navanavo vapate kwambolegwa kupagwíte nkati mumwe Klistu Yesu pamo na lishangelo líkamalilika.

Valoma 10:16

Kanji i uti vaigwilíla ntenga wambone mwaa Ishaiya ankushidoni, “Umu, da nyani ákulupidile dyabali dyetu?”

Valoma 6:17

Kanji napane lilambwalalelo live kwa Nnungu, mwemwe mwe muvéle mmatumwa validambi mundyuka ndaigwilila na mitima vyenu mpano wamapundisho alalá avankamudidye.

Vabalaniya 2:3

Napanelo tulota kupalanyoka dashi ikava kenga hatunatanana shinu kwambolegwa aku kukumene? Kwambolegwa aku kuvalangilígwe kunantandi namu Umu kutwala kuka ndaakikishiligwa kwetu wetu namu avalá vaigwíte

Nshuwau 19:30

Nae akalinge medi alalá, andítangola kushidoni, “Vindiwikila popo.” Bai andítepya muti wake kutwala kujaa imumu.

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Yudashi 1:21

nanopa nkati mulinagwaledyo lyake Nnungu akuno mulindila shididi shake Umu wetu Yesu Klistu pakulota shintwale muke kushingumi shíkamalilika.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

Vabalaniya 11:40

mwaa Nnungu andivika nnugu wamana kwetu wetu pakulota vanavo pamo namu wetu, tuwikile popo.

II Vateshalonika 2:16

Doni, jo mwene Umu Yesu Klistu namu Nnungu Tatagwetu átunagwaladidye na átupele kupambadyangigwa kúkamalilika na lilindilililo lyambone kwaumonyo,

Vitendo 3:15

Napavedoni, mwenu munimpedya mwene shingumi kanji napane Nnungu, jojo jo, anindyuwa mushipinga shavakupela na wetu nelo tuvashuda vashitendo asho.

Lukashi 13:32

Yesu kushidoni, “Wena mukamwaulile nansheto ajo doni, ‘Nangu apa, nelo na lunduno ninkukumulanga majini na kuvaponia valwele; ntondo kwinuka.

Vitendo 4:12

Hakunapagwa shinu kwambolegwa kwaindila yamunu junji mwaa mushilambo shapai, halipali lina linji lyajawile Nnungu kuvapa vanu kulota livaambole.”

Vapilipo 2:12

Nadoni mmakunagwaleka, kenga mo mwamungwigwilidile ngwengwe, ambi apa i do ngupagwité ako kanji kupunda namene pandikapagwite, tandedya kwambwalegwa kwenu mujopa na mutatamela

Vabalaniya 1:14

Da vanjelo uti havanava shinu dimumu ditumíka na ditumígwa pakulota divatumike avalá valóta kupata maleko akwambolegwa?

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.