Vabalaniya 5:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Mwaa kula nkúlangalalela-shadaka nkumene ankutandalegwa pakati pavenentete na vammika pakulota aitike yavenentete muvinu vimwámba Nnungu aumya dinudyo na vyadaka kwamwaa washimadambi.

Vabalaniya 5:1 Referans Kwoze

Vabalaniya 8:3

Kula nkúlangalalela-shadaka nkumene ankushaguligwa pakulota aumye dinudyo na vyadaka; nadoni indivaikila nanae momo avenavo shakumya.

Vabalaniya 10:11

Liduva kwaliduva, kula nkúlangalalela-shadaka andáimila atumika mukumya vyadaka aujidya-ujidya vyovyo ngwengwe, vyo víkaulula kuushanianga madambi.

Vabalaniya 11:4

Kwalikulupililo Abeli andímuumidya Nnungu shadaka shambone-uti kuliko Kaimu. Kwalikulupililo lyake, Nnungu ashindamwimyanga kuva waishaliya paukile ndakubali dinudyo dyake. Nadoni ata ikava kenga andipela, kwaindila yalikulupililo nae mpaka ambi ankutangola.

Vabalaniya 9:9

Au ni mpano ulilódya wakati au kenga dinudyo na vyadaka vyúma, havyulula kutadya awikile popo makumbukililo amuntima ankúlipudya ajo:

Vabalaniya 7:27

Kwakuvilingananga na vakulangalalela-shadaka vakumene avalá, nae hainatakigwa shinu kulyumidya shadaka kula liduva kwamwaa washimadambi shake ling'oto shimadambi shavenentete. Nae anditenda uti avi kwamwanda umo tu bai palyumidye jo mwene.

Vabalaniya 2:17

Kwamwaa au, inimmaikila nae atandegwe kuva wakulinganana na vanung'unumunu nkati mumavalelo pakulota ave nang'olo washididi na nkúlangalalela-shadaka nkumene wakukulupilika áigwania namu Nnungu kwambangidya atandedye kudimanga shitundi kwamwaa washimadambi shavenentete.

Valoma 15:17

Napavedoni nkati mumwe Klistu Yesu, nangu ninkulitamangila kwa avilá vivéle kwa Nnungu.

I Vakolintu 15:3

Mwaa nangu nimpalakadyedya kenga shinu shitandi shamana ashilá shangupatile nangu momo: doni, Klistu andipela kwamwaa wamadambi etu kwodananavo Maandiko;

Vabalaniya 8:4

Leka nae àpagwite mushilambo shapai ashi, ata hainaulukike kuva nkúlangalalela-shadaka nkumene kwoda vapali avalá vaúmya shadaka kwodananavo lilamulo.

Vabalaniya 10:12

Kanji napane Klistu pamalidile kumya shadaka shake kwangwengwe, shadaka shimo tu kwamadambi, andiikala kunkanakono kwake Nnungu.