Vabalaniya 3:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napavedoni mmanung'unumunu mmakwilimyanga múliinjidyanga pamo mukushamegwa kwakuwa, vikila namene kuntima makumbukililo enu kumwe Yesu, myombe na nkúlangalalela-shadaka nkumene wakulyaula kwetu.

Vabalaniya 3:1 Referans Kwoze

II Timoti 1:9

aijá átwambwele na átushamile kwalishamelo lyakwilimyanga i kwamwaa washimadengo shetu kanji kwamwaa waishabaa yake jo mwene na umonyo watupatile nkati mumwe Klistu Yesu tangu wakati úkamalilika ukanava kupagwa

Vapilipo 3:14

Nguka mushu ngulikanyalidya ndikawikile shabaa yainudyo yakushema kwake Nnungu kwalakéla kuwa nkati mumwe Klistu Yesu.

Vabalaniya 7:26

Indituvaikila kuvanavo nkúlangalalela-shadaka nkumene kenga aju: wakwilimyanga, ákave makosha, waungave-udagwa, ávilinganenge na vakutega, wavankwadidye kuwa-uti.

Vaepeshu 4:1

Napavedoni nangu nkúngwa umwe Umu, ninkunnaililila muname shinamidyo shivaikidíle nkati mukushamegwa akulá kwamushamagwidye;

I Patulu 2:9

Kanji napane mwenu ni likola litandalagwídye, unashilangola washiumu wakupalakedya shadaka, venentete vakwilimyanga, venentete vake jo mwene kwambangidya muvalangange ukumene wake aijá ánshamile mushii muke kulilangadyo lyake lyamakango.

Vabalaniya 2:17

Kwamwaa au, inimmaikila nae atandegwe kuva wakulinganana na vanung'unumunu nkati mumavalelo pakulota ave nang'olo washididi na nkúlangalalela-shadaka nkumene wakukulupilika áigwania namu Nnungu kwambangidya atandedye kudimanga shitundi kwamwaa washimadambi shavenentete.

Vabalaniya 10:21

Nadoni tunkuvanavo nkúlangalalela-shadaka nkumene ávenavo madalaka mwing'ande ya Nnungu.

Vaepeshu 4:4

Unkupagwa mili umo na Imumu jumo kenga mo mwavanshamalele mwenu kwalilindilililo limo lyakushamegwa kwenu,

I Vateshalonika 2:12

tunnaililila, tumupa ntima shii na tunkanyalidya pakulota muname shinamidyo shimmaikíla Nnungu aijá ánshamile muutawala wake jo mwene na mulishangelo lyake.

I Vakolintu 9:23

Ninkutenda uti kwamwaa wantenga wambone kwambangidya nanangu nguke ndikamajanange mo nkati mo.

II Timoti 2:7

Kumbukila vyandikwaulila avi mwaa Umu andakupa limanyilo muuti.

I Timoti 6:12

Tenda ing'ondo yambone yalikulupililo. Kamulila shingumi shíkamalilika ashilá shavakushamalele sho shaulyawile pamevo pamashuda oe.

Valoma 15:8

Mwenu, nangu ninkumwaulila doni, Klistu andilitenda kuva ntumika wa avalá vakumulígwe likumbi kwamwaa waumwiu wake Nnungu pakulota atandedye kulivikila kwavanyakalamunu

Vabalaniya 2:11

Mwenu, aijá átadya kwilimyanga na avalá vailimyangígwa, uti ava vankwalakela kwa aju, jumo. Napavedoni Yesu hanona dyoni yakuvashema vanavo vanung'unumunu

Nshuwau 20:21

Napanelo Yesu andívaulila kavili kushidoni, “Amani ipagwe namu mwenu! Kenga mo mwangutumidididye nangu Atata, nanangu ninkuntumidya mwenu.”

Yudashi 1:1

Nangu Yudashi ntumwa umwe Yesu Klistu na nene ni nung'une Tiyagu, kwenu mwenu mmakushamegwa múnagwaleka nkati mumwe Nnungu Atata na múshungigwa kwamwaa umwe Yesu Klistu.

Vabalaniya 3:14

mwaa wetu tuukilé ndaliinjidyanga nkati mumwe Klistu ikava kenga mwiu tundakamulila mpaka kumwisho likulupililo lyetu lyatupatile kunantandi.

I Timoti 6:2

Avalá vavénavo vanang'olo vakukulupila, havanavailudyange kwodamwaa vàkukulupila kanji vavatumike namene kupunda apo mwaa vapáta paida yashimadengo shave shambone ni vakukulupila na vakunagwaleka. Vinu avi pundisha na laililila.

II Vateshalonika 2:14

Kwakwambolegwa aku nae aninshema mwenu kwaindila yantenga wambone wetu kwambangidya mupate lishangelo limwe Umu wetu Yesu Klistu.

II Vateshalonika 1:11

Kwaing'ano ai tunkunshwalidya mwenu ngwengwe kwambangidya Nnungu wetu antadye mwenu muve mmakuvaikila mukushema kwake na muwishe popo kwadimongo dyake malotelo uti auwambone na kula shimadengo shalikulupililo

I Vateshalonika 5:27

Ninkunnaililila nkati mumwe Umu doni, ibalugwa ai ikashameke kwavanung'unumunu uti.

Vakoloshu 3:12

Napavedoni kenga mmenentete mmakutandalegwa vake Nnungu, mmakwilimyanga na mmakunagwaleka, gwala shididi shamuntima, kutanana, kulishapeya, upole na kulipililila.

Vakoloshu 1:22

ambi apa nae andimuunganianga kavili mumili wake washimunumunu kwaindila yakupela kwake kwambangidya nae akannodye mwenu mùvele mmakwilimyanga, múkave makosha na kwabila kupagwa shakunkanidyanga pamevo pake Nnungu

Vakoloshu 1:12

munnambwalela na lipuwilo Tatamunu átadidye mupagwe mukumajananga maleko avakwilimyanga mulilangadyo.

II Vakolintu 1:7

Napane lilindilililo lyetu kwenu mwenu lindinanopa mwaa tunkumanya do, kenga mo mwamuliinjidyangidya mwenu mumauvilo etu, namomo mundaliinjidyanga mukupambadyangigwa kwetu.

I Vakolintu 1:2

Kwaliganisha lyake Nnungu lipágwa ako ku Kolintu, kwa avalá vatandagwídye kuva vakwilimyanga nkati mumwe Klistu Yesu na vashamagwídye vave vakwilimyanga pamo namu avalá mudisemu uti vatambulánga lina limwe Umu wetu Yesu Klistu, Umu wave na wetu.

Valoma 15:27

Indivanagwela kutenda davo na kwaumwiu vanavo ni vakudaigwa kwaupande wave. Mwaa ikava kenga vamidi vandiliinjidyanga muvinu vyaimumu vyave, indivavaikila momo vavatumike mushipato shave.

Valoma 11:17

Kanji napane ikava kenga dinavi dinji vandipanyulanga na wako úvele ulivela wakunundu vandikunamatidya pakati pave kutwala kumajananga muululu walutuba walushija lwaulivela,

Valoma 9:24

ata mpaka wetu momo túshamagwidye i gweka pakati pavayuda kanji namomo pakati pavamidi.

Nshuwau 20:27

Napane Yesu andímwaulila Tome kushidoni, “Jela shala shako apa, lola manda angu. Nyalodya nkono utwale ujele ndimbau. Haunauke mushu muungakulupila kanji kulupila.”

Maono 18:20

Kuwa ko puwanga kwamwaa wake! Mmakwilimyanga, mmamyombe pamo na mmakulava puwanga! Nnungu andímuukumu nae kwamwaa wenu mwenu!”

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”

I Nshuwau 1:3

Aijá watungwene na watumwigwite, tunkummalangangila mwenu momo kwambangidya namwenu muvenavo upamo namu wetu, namwiu upamo wetu unkupagwa namu Atata pamo na Mwanagwe, Yesu Klistu.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

I Patulu 5:1

Doni, nangu ninang'olomwenu na ninshuda wamauvilo amwe Klistu namomo wakuliinjidyanga mulishangelo lilóta kuunukuligwa, ninkuvalaililila vanang'olo vapagwíte pakati penu,

I Patulu 3:5

Mwaa amu ni mwavashinamela vakongwe vakwilimyanga vapanyuma váshivika lilindilililo lyave nkati mu Nnungu. Vanavo kula munu ashindalivika mwina mwantwamunu

Vabalaniya 9:11

Napane Klistu paumilidile kenga nkúlangalalela-shadaka nkumene wavinu vyambone vipagwíte ambi apa, nae andipita isemu itandi yamwiyema ing'umene na yakulinganana ipúnda ailá inji yákakandyenge munu, yani íkave yashilambo ashi,

Vabalaniya 6:20

ko kwaukile Yesu kenga nashilangola, andiinjila yetu wetu atandegwa kuva nkúlangalalela-shadaka nkumene ngwengwe kwodananavo aulá upangaji umwe Malikishadeki.

Vaepeshu 3:6

Shipii shene ni ashi: kwaindila yantenga wambone, vamidi ni vakupatamwagwe maleko, vaimbande yamumili umo na vanyagwe mukupagwa pamo muvyakulivikila nkati mumwe Klistu Yesu.

I Vakolintu 10:17

Pakuva ligung'u livelé limo, wetu ata tukava tuvoe tuvelé mili umo mwaa wetu uti tunkumajana ligung'u lyolyo limo.

Nshuwau 17:3

Shingumi shíkamalilika sho ni ashi, vakumanye wako kuva Nnungu wiu úvele jumo jojo na vammanye aijá wauntumididye, Yesu Klistu.

Vitendo 1:15

Napanelo muwakati awo muliduva limo vandíkadyanianga vanung'unumunu vakuwikila kenga imiya imo na ishilini kutwala Patulu kutakatuka pakati pave kutangola doni,

II Vakolintu 9:13

Kwaindila yakulilodya ngala utumika au, vanavo vandamupa lishangelo Nnungu kwamwaa wakwigwilila kwenu kwalakéla mukulyaula kwenu nkati muntenga wambone umwe Klistu na kwamwaa wakujaulanga kwenu munshango kwavanavo na kwavanu uti.

Vabalaniya 3:12

Lilaledye mmanung'unumunu, hanapagwe munu pakati penu wantima waukalau na waungakulupila untadya aapukananganavo Nnungu mumi.

Vabalaniya 7:28

Mwaa lilamulo linkuvavika vanu muungalyulula wave kuva vakulangalalela-shadaka vakumene kanji akulá kulilapa kwaléke ling'oto lyamalamulo, kunimmika Mwana átandagwidye kuwikila popo ngwengwe.

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

Vabalaniya 10:19

Napavedoni manung'unumunu tunkuvanavo ntima shii wakwinjilila Lyutu Lyakwilimyanga-uti kwaindila yamyadi vimwe Yesu,

Vabalaniya 10:23

Tukamulile na dimongo lilindilililo lyetu lyatulyaula kwabila kudumbadumba mwaa aijá álivikidile jo, nae ni wakukulupilika.

Vabalaniya 13:22

Mmanung'unumunu, ninkunjugwangila mulipililile malove angu aninnaililila; kwakutangola mwiu avilá vyanimwandikidile vyo, vive padyoko.