Vabalaniya 2:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Pavatwala vana voe kuvaukanavo kulishangelo, inimmaikila Nnungu kwamwaa umwe aijá na kwaindila imwe aijá átadya vinu uti vipagwe, antadye awikile popo nkútunduvanga wakwambolegwa kwave kwaindila yamauvilo.

Vabalaniya 2:10 Referans Kwoze

Valoma 11:36

Mwaa kutunduvangila kwake nae, kwaindila yake nae na kwaupande wake nae vinkupagwa vinu uti. Lipagwe lishangelo kwake nae ngwengwe. Ame.

Vabalaniya 12:2

tunnola Yesu mwene nkútunduvanga na nkúwisha popo walikulupililo lyetu. Nae kwamwaa walipuwilo livikígwe mushu mwake, andilipililila panshalaba ailudyanga dyoni na andiikala kunkanakono pashiteng'u shake Nnungu.

Vabalaniya 6:20

ko kwaukile Yesu kenga nashilangola, andiinjila yetu wetu atandegwa kuva nkúlangalalela-shadaka nkumene ngwengwe kwodananavo aulá upangaji umwe Malikishadeki.

Vitendo 5:31

Jojo jo, Nnungu animmika palyutu lyashimbili kunkanakono kwake antenda kuva Nang'olo na Mwamboli kwambangidya avape vanaishilaeli kulijugulanga na kulivalivigwa kwamadambi.

Lukashi 24:46

kutwala kuvaulila doni, “Vandyandika doni, indivaikila Klistu apele kutwala muliduva lyantatu adyuke pakati pavakupela

Lukashi 24:26

Da haimmaikidile Klistu auvauvange atwale ainjile mulishangelo lyake?”

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

I Vakolintu 8:6

kanji kwetu wetu ankupagwa Nnungu jumo, Tatamunu kwavyalakela vinu uti na kwaupande wake tunkunama, na Umu jumo Yesu Klistu kwavipagwa vinu uti kwaindila yake na kwaindila yake nae, wetu tunkunama.

Vabalaniya 7:28

Mwaa lilamulo linkuvavika vanu muungalyulula wave kuva vakulangalalela-shadaka vakumene kanji akulá kulilapa kwaléke ling'oto lyamalamulo, kunimmika Mwana átandagwidye kuwikila popo ngwengwe.

Vaepeshu 3:10

pakulota kwaindila yaliganisha, umbala walimanyilo lyake Nnungu lyuke likamanyike kwavananangalaledi na vakutawala mumautu akuwa

Maono 4:11

“Wako Umu, Nnungu wetu, undivaikila kupata lishangelo, ishima na dimongo mwaa wako undikandyanga vinu uti na kwalilotelo lyako vindikandyangigwa na vipali.”

II Timoti 2:10

Napavedoni uti ninkulipililila kwamwaa wavakutandalegwa pakulota navanavo vapate kwambolegwa kupagwíte nkati mumwe Klistu Yesu pamo na lishangelo líkamalilika.

Vakoloshu 3:4

Napane palota kwaneka Klistu ávele shingumi shenu, namwenu momo mundaaneka namu nae mulishangelo.

Vagalata 3:26

Mwaa mwenu uti mmanavake Nnungu kwaindila yalikulupililo nkati mumwe Klistu Yesu

II Vakolintu 3:18

Nadoni wetu uti kwading'ope dyavakatwinikididye twaneka lishangelo lyake Umu, tunkujaluwangigwa kwaing'ope yoyo kwalishangelo kuka kulishangelo, kujaluwangigwa kwalakéla kumwe Umu àvele Imumu.

Valoma 9:23

pakulota uumbala walishangelo lyake umanyike kwavyombo avilá vyamushididi shake vyapanganienge kaladavo kwalishangelo,

Vitendo 3:15

Napavedoni, mwenu munimpedya mwene shingumi kanji napane Nnungu, jojo jo, anindyuwa mushipinga shavakupela na wetu nelo tuvashuda vashitendo asho.

Maono 7:9

Napanelo vikapite vinu avyo ndílola, mwe! Ndyóna dimbumba díkaululika kuvalangika; adyo dyakwalakela kula shilambo, makola uti, venentete na dinangodi vàimilenge mushu shiteng'u na mwa Ngandolo vàgwalenge dikanju dyanashwe, mmakono mwave vànyakatenge malala.

I Patulu 5:1

Doni, nangu ninang'olomwenu na ninshuda wamauvilo amwe Klistu namomo wakuliinjidyanga mulishangelo lilóta kuunukuligwa, ninkuvalaililila vanang'olo vapagwíte pakati penu,

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.

Vabalaniya 7:26

Indituvaikila kuvanavo nkúlangalalela-shadaka nkumene kenga aju: wakwilimyanga, ákave makosha, waungave-udagwa, ávilinganenge na vakutega, wavankwadidye kuwa-uti.

Vaepeshu 2:7

kwambangidya muwakati wída, nae alodye umbala wamali aumonyo wake mulitananilo lyake kwetu wetu nkati mumwe Klistu Yesu.

II Vakolintu 6:18

Nangu ndava tatamunu kwenu na mwenu mundava mmana valume na vakongwe kwangu nangu, atangola Umu Wadimongo-uti.”

II Vakolintu 5:18

Avi uti vinkwalakela kwake Nnungu aijá átutadidye twigwane na jo mwene kwaindila imwe Klistu atwing'a utumika waliigwilanilo,

II Vakolintu 4:17

Mwaa mauvilo awakati au, maangolo na akupita, anavo ankwidanavo kwetu wetu lishangelo líkamalilika liidópa namene kupunda uti

I Vakolintu 2:7

Leka apo, tundátangola limanyilo lyake Nnungu lìpiike mushipii, lyo lyapanganienge wakati ukanava kwalishangelo lyetu wetu.

Nshuwau 19:30

Nae akalinge medi alalá, andítangola kushidoni, “Vindiwikila popo.” Bai andítepya muti wake kutwala kujaa imumu.

Nshuwau 11:52

na ata i gweka venentete avo, namomo kwamwaa wavana va Nnungu vamwadilikanénge pakulota vanavo, nae avaunganiange vave shipinga shimo.

Lukashi 13:32

Yesu kushidoni, “Wena mukamwaulile nansheto ajo doni, ‘Nangu apa, nelo na lunduno ninkukumulanga majini na kuvaponia valwele; ntondo kwinuka.

Lukashi 2:14

“Lishangelo livelé namu Nnungu kushanya-uti; amani namu vanu mushilambo, vanu vovo vavatanene mwene Nnungu.”