Vabalaniya 13:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Shinamidyo shenu hashinave shakunagwaledya njuluku ila puwangila ashilá shamuvenavo mwaa jo mwene Nnungu ankushidoni, “Mwiko handikuleka, mwiko handikwambukanga.”

Vabalaniya 13:5 Referans Kwoze

Mateu 6:25

“Napavedoni nangu ninkumwaulila hamunaangaikangile shingumi shenu kwa ashilá shamulota kulya kwali shamulota kukumbila na ata mili vyenu kwa ashilá shakulota kugwadya. Da shingumi i shinu shikumene kupunda shakulya na mili i shinu shamana kupunda dinguvo?

Mateu 6:34

Nadoni hamunangaikangile liduva lyalunduno mwaa vyalunduno, vyalunduno. Migagolo vyaliduva limo vinkutosha kwaliduva lyolyo.

Vakoloshu 3:5

Nadoni nkati mwenu, pedya uti avilá vyashimunumunu; kulavalava, ushapu, ditamaa, malotelo aukalau na ing'ou, ako ni kulipudya kwavyakushang'apa.

Lukashi 3:14

Vaing'ondo vanji navanavo kumudya, “Kushi wetu tutandele mwashi?” Nae kushidoni, “Hamunankwinyange munu woewoe shinu shake, hamunantambudyange munu shákatandile kanji puwangila nshala wenu wamupata.”

II Patulu 2:14

Mevo ave andyumbala kulavalava ákadoba kutenda lidambi. Vanavo vankuvashomba avalá vákananwepe muungumi. Mitima vyave vindilipanganianga kwalung'unuku. Vovo vo ni vana vakulanigwa.

I Timoti 3:3

i wakwambalwa na ata wakukanyola kanji ave waupole, ákave ushaka na ákanagwaledya njuluku.

Vaepeshu 5:5

Mwaa mumanya ngala doni, nkúlauka, nshapu kwali walung'unuku, jo wakulipudya vyakushang'apa, aju have maleko muutawala umwe Klistu namu Nnungu.

II Patulu 2:3

Kwalung'unuku lwave, vanavo vankuvashonda vanu vatumila maimyo akubuni vo vene. Kwavanavo, ukumu ikandyangígwe tangu kala, haididimanga; kubamalegwa kwave ko, hakudidimanga.

Vaepeshu 5:3

Kulauka, ushapu kwali lung'unuku; pakati penu hanapagwe wakwambangila mwaa kenga mwaivalalele kwavakwilimyanga

I Vakolintu 5:11

Kanji napane nimwandikila mene kulyunganianga na woewoe wavanshema nung'unumunu kanji ava nkúlavalava, washojo, wakulipudya kwavakushang'apa, nkúng'wenya, nkwámbalwa kwali nkútindinganianga. Kwamunu wantindo au, mwenu ata mpaka hamunalyenavo.

Lukashi 8:14

Igwilidíle panashilanga inkwitika kuva vanu vaigwilíla lilove lya Nnungu kanji vakaikalanga, mangaiko, mali na ditama dyashinamilo kuvatita dimumu kutwala vyepo vyavo mene kukamala.

Malukushi 7:22

liu, ukalau, ushwang'a, kutaduka, ing'ou, kwabola, kulyona na imbeve.

Yudashi 1:11

Vapambale! Mwaa vanavo vankwodedya indila yoyo imwe Kaimu kwamwaa wapaida, vanavo vandiliinjidyanga mumakosha lolo amwe Balaau, nimumo momo vandabamolegwa nkati mukupinga kumwe Kola.

I Vakolintu 6:10

ata vakwiva, ata vashojo, ata vakwambalwa, ata vakung'wenya na ata vakukwinyanga, havapata maleko autawala wa Nnungu.

Valoma 1:29

Vandyumbaligwa ungave-shaliya uti; ushapu, lung'unuku na ukalau. Vaumbaligwidyé ing'ou, kubyaa, ing'ondo, kushang'apa na kung'wenya;

Mateu 6:19

“Napanelo hamunalikandyedye mali mushilambo shapai mwavananganga vinu ushwa na umandi, mwavatutumula vakwiva kutwala kwiva.

II Vakolintu 4:9

tunkupapatigwa kanji hatunaambukangigwa shinu; tunkuligwanga kanji hatunabamalegwa shinu,