Vabalaniya 13:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.

Vabalaniya 13:21 Referans Kwoze

Vapilipo 2:13

mwaa Nnungu ni ákola madengo nkati mwenu pakulota mwenu mulote na mutandedye kwodananavo amulá munnagwéla nae.

II Vateshalonika 2:17

apambadyange mitima vyenu na annonowange mushimadengo uti na mulilove uti lyambone.

Vapilipo 4:13

Uti ninkuulula kutandedya nkati mwake aijá ángupa dimongo.

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

II Timoti 4:18

na Umu ananguposha muvinu uti vyakunyata na anangutwala ngùvele nimumi kwautawala wake wakuwa. Kwake nae lipagwe lishangelo ngwengwe ngwengwe. Ame.

Vapilipo 1:11

mùumbaligwidye shepo shaishaliya shaalóka kwaindila imwe Yesu Klistu kwalishangelo na kwakutumbyangilika kumwe Nnungu.

II Vakolintu 9:8

Nnungu napane ankuulula kutadya umonyo uti uumbaligwe kwenu mwenu pakulota muuti na muwakati uti, muvanavo uti vitósha, muumbaligwidye mushimadengo uti shambone.

I Patulu 4:2

Nadoni wakati ubakidíle kwenu mwenu kunama mushilambo amu, hamunaname kavili kwakutandedya malotelo ashimunumunu ila tandedya malotelo ake Nnungu

Vabalaniya 10:36

Shivaikidíle kwenu mwenu ni kulipililila ling'oto lyakutandedya malotelo ake Nnungu mundapata ashilá shalivikidile

I Vateshalonika 5:23

Napanelo jo mwene Nnungu waamani anjaluwangidye uti mukwilimyanga na imumu yenu, ungumi wenu na mili vyenu uti vikondyegwe pavikavanavo makosha mukwida kumwe Umu wetu Yesu Klistu.

Yudashi 1:25

kwake Nnungu ávele jumo, Mwamboli wetu, lipagwe lishangelo, ukumene, lyululilo na madalaka kwaindila imwe Yesu Klistu Umu wetu, kutunduvangila wakati uti, ambi apa na mpaka vyaka uti! Ame.

I Nshuwau 2:17

Shilambo ashi pamo na malotelo ake ankumalilika kanji aijá átandedya malotelo ake Nnungu andapagwa ngwengwe.

I Timoti 1:17

Ambi napane kumwe Umu wangwengwe, ákapela, ákaaneka, jo Nnungu jumo, kwake nae kupagwe ishima na lishangelo ngwengwe ngwengwe. Ame.

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Maono 5:9

Vanavo vashindaimba lwimu lwaambi vaashidoni, “Wako ni úvaikidile kutwala shidingo na kunamatulanga dishelu dyake mwaa undibyaigwa na kwamyadi vyako uninshumila Nnungu vanu vakula likola, inangodi, venentete na shilambo.

I Nshuwau 3:22

na kula shinu shatunjugwa nae, tunkupata kwalakela kwake mwaa tunkwigwilila malamulo ake na kutandedya vyapuwangila.

Vabalaniya 13:16

Hamunalivalive kutandedya wambone na yakumajananga na vanji avilá vyamuvenavo mwaa kwavyadaka kenga avi, Nnungu inkunnagwela.

I Timoti 6:16

jumo ákapela, ánama mulilangadyo lyakavandika munu, aijá ákangwene munu pakati pavanu na ákaululika kwaneka. Kwake nae ipagwe ishima na dimongo díkamalilika. Ame.

I Timoti 5:10

na ámanyike shana kwashimadengo shake shambone: ávaladile vana, ákalibishidye, ánavyenge medi madodo avakwilimyanga, ávapwashaladile vakuvauvanga na álijawile mushimadengo shambone shakula inamuna.

I Vateshalonika 3:13

kwambangidya dashi, mitima vyenu vinonowangike mukwilimyanga pakulota vive víkave makosha pamevo pake Nnungu, jo Tatagwetu mukwida kwake Umu wetu Yesu pamo na vakwilimyanga vake uti.

Vakoloshu 4:12

Epapalashi mwenentete mwenu na ntumika umwe Klistu Yesu, nanae momo ankuntumidya nandele. Nae ngwengwe ankulikanyalidya mukushwali kwaupande wenu mwenu pakulota mwimile mùudile na mùliikinidye mumalotelo uti ake Nnungu.

Vakoloshu 3:17

Uti vyamulota kutenda, ata ikava kwalilove kwali kwavitendo, tenda palina limwe Umu Yesu munnambwalela Nnungu Atata kwaindila yake.

Vapilipo 4:18

Nangu ndivanavo uti na ndyumbala. Ndilinganana pangupatile kumwe Epapoloditu avilá vyaléke kwenu; avyo ni kunung'angila kwambone, shadaka shakukubalika shinnagwéla Nnungu.

Vaepeshu 2:18

doni, kwaindila yake nae wetu tuvavili tunkuulula kumuukila Atata nkati mu Imumu jumo.

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Mateu 6:13

Haunatuukenavo kukutubigwa kanji tuposha kumakono kumwe nkalau.’

Maono 5:13

Napanelo ndígwa kula shiumbi shivéle kuwa, mushilambo, pai, mwimanga na uti vipagwíte amo viishidoni, “Kwake aijá áikele pashiteng'u na kumwe Ngandolo, litumbyangilidyo na ishima, lishangelo na utawala vipagwe ngwengwe ngwengwe.”

Maono 4:6

Namomo mushu mwashiteng'u asho, shinkupagwa shinu mwaimanga yashilolo kenga lijanga lyakulangala. Nyenje mwake shiteng'u vinkupagwa viumbi nsheshe vyakuvaumbala mevo mushu na kunyuma.

Vabalaniya 12:23

kuliganisha lyavana vatandi kuvalekwa, vo vaandikígwe mena ave kuwa; mundiwika kwake Nnungu nkúukumu wavanu uti, kudimumu dyavanu vaishaliya ditandégwe kuwikila popo,

I Vateshalonika 4:3

Mwaa malotelo amwe Nnungu ni akujaluwangigwa mwenu mukwilimyanga: doni, mwapukanangenavo vyakulauka,

Vakoloshu 3:20

Mmana, vaigwilile vatatavenu muvinu uti mwaa amu ni munnagwela Umu.

Vapilipo 2:11

na kula lulimi luvalangange kenga Yesu Klistu ni Umu kwalishangelo lya Nnungu Atata.

Vagalata 1:5

Kwake nae, lipagwe lishangelo ngwengwe ngwengwe. Ame.

Valoma 11:36

Mwaa kutunduvangila kwake nae, kwaindila yake nae na kwaupande wake nae vinkupagwa vinu uti. Lipagwe lishangelo kwake nae ngwengwe. Ame.

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.

Valoma 16:27

kwake Nnungu jumo walimanyilo apate lishangelo ngwengwe kwaindila imwe Yesu Klistu. Ame.

Nshuwau 17:23

nangu ngupagwe nkati mwave, wako upagwe nkati mwangu; vadyavalele muupamo kwambangidya shilambo shimanye doni, wako uningutumidya na unkuvanagwaledya kenga mo mwaungunagwaladyedya nangu.

Nshuwau 7:17

Munu woewoe akalota kutandedya malotelo ake jo mwene, andamanya kenga mapundisho ala, a Nnungu kwali ninkutangola yangu nimwene.

Mateu 21:31

Napanelo pakati pavana ava vavili, wakwashi átandadidye malotelo atatamunu?” Vanavo do, “Jo ntandi jo.” Yesu kushidoni, “Bai ninkumwaulila mwiu doni, vakukatisha-ukodi namu vakulavalava vankulangalela kwinjila muutawala wa Nnungu kunneka mwenu.

Mateu 7:21

“I uti avalá vangwaulíla ‘Umu, Umu’ vandainjila muutawala wakuwa, ila aijá átandedya malotelo ake Atata ávele kuwa.

Mateu 12:50

Aijá átandedya mwalatela Atata ávele kuwa, ajo ni mwanetu, numbwangu na ajala.”

II Timoti 3:17

kwambangidya munu wa Nnungu ave wakuulula, wavampanganienge shana kwashimadengo uti shambone.

Vabalaniya 12:28

Napavedoni pakuva tunkupata utawala úkaululika kundangandegwa, indituvaikila tulambwalele na tulipudye kwake Nnungu kwainamuna innagwéla, kwaishima na kwakunjopa