Vabalaniya 13:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Mwenu, Nnungu waamani anindyuwa Yesu pakati pavakupela, Umu wetu, Nkúshunga nkumene wavangandolo kwaindila yamyadi vyaimbodi íkamalilika,

Vabalaniya 13:20 Referans Kwoze

Nshuwau 10:11

“Nangu ni Nkúshunga Wambone. Nkúshunga Wambone, nae anájaula shingumi shake kwamwaa wavangandolo.

Vabalaniya 10:22

Naivedoni, tuke tummandike Nnungu na ntima waumwiu mukwakikisha kwiu kwalikulupililo mùvenavo mitima vyukíle ndanyunyangiligwa pakulota kutadya atakate makumbukililo akunyata amuntima na mili vyukíle ndaingigwa kwamedi ákave ushapu.

Valoma 15:33

Nnungu waamani apagwe namu mwenu uti. Ame.

II Vateshalonika 3:16

Napanelo jo mwene Umu waamani amupe amani muwakati uti na mudinamuna uti. Umu apagwe pamo namu mwenu uti.

Nshuwau 10:14

“Nangu ni Nkúshunga Wambone; vangandolo vangu ninkuvamanya na vo vangu vo, vankungumanya

Vitendo 2:24

Kanji napane jojo jo, Nnungu anindyuwa pakati pavakupela amposha mumauvilo akupela mwaa haishuulukika kupela kundingile.

I Patulu 2:25

Mwaa mwenu muvele kenga dingandolo dyakudumbadumba kanji napane ambi apa, mundimuujila Nkúshunga na Nkúlaledya waungumi wenu.

Vitendo 3:15

Napavedoni, mwenu munimpedya mwene shingumi kanji napane Nnungu, jojo jo, anindyuwa mushipinga shavakupela na wetu nelo tuvashuda vashitendo asho.

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

I Vateshalonika 1:10

na pakulota munnindile Mwanagwe aaloka kuwa, aijá wandyuwidye pakati pavakupela, Yesu átuposha mushitundi shída.

Vakoloshu 2:12

pamuukile ndashikigwa namu nae muubatisho, wo wamuukile ndadyuka namu nae kwaindila yalikulupililo mushimadengo shadimongo shake Nnungu ándyuwidye pakati pavakupela.

I Patulu 5:4

Doni, palota kulilodya Nkúshunga nang'olo, mwenu mundapata lidaka lyalishangelo líkadingala.

Vabalaniya 10:29

Kushi aijá ánnivatanga Mwana wa Nnungu na jojo jo áiludyanga myadi vyaimbodi vimwilimyénge nae na kuntukana Imumu waumonyo, da mwenu mwona dashi, munu ajo havaikidile kupata shaushanga shakumamodya?

Vabalaniya 9:20

“Avi ni myadi vyaimbodi, yo yakuvile Nnungu kwenu mwenu.”

I Vateshalonika 5:23

Napanelo jo mwene Nnungu waamani anjaluwangidye uti mukwilimyanga na imumu yenu, ungumi wenu na mili vyenu uti vikondyegwe pavikavanavo makosha mukwida kumwe Umu wetu Yesu Klistu.

Vapilipo 4:9

Avilá vyamulipundishidye, vyamupatile, vyamwigwite na vyamugwene kwangu nangu, vinu avyo tandedya na Nnungu waamani andapagwa namu mwenu.

Valoma 8:11

Na ikava kenga Imumu umwe aijá ándyuwidye Yesu pakati pavakupela ankupagwa nkati mwenu, jo ándyuwidye Klistu pakati pavakupela andaing'a momo shingumi mili vyenu vyakupela kwaindila ya Imumu wake ápagwa nkati mwenu.

Vitendo 5:30

Nnungu wavanakuluvetu anindyuwa Yesu, munu wamummyee mwenu kwaindila yakunkamela panshalaba.

Mateu 26:28

Avi apa ni myadi vyangu, myadi vyaimbodi vivajaikíla voe kwakulivalivigwa kwamadambi.

Vaepeshu 1:20

likadíle madengo nkati mumwe Klistu muwakati wandyuwidye pakati pavakupela na pantadidye kwikala kunkanakono kwake mumautu akuwa,

Vagalata 1:1

Nangu Paulu, myombe kanji níkaalakadile kwavanu na ata i kwaindila yavanu ila kwaindila imwe Yesu Klistu pamo na Nnungu Atata ándyuwidye Yesu pakati pavakupela,

II Vakolintu 13:11

Kumwisho akuno mmanung'unumunu puwanga, dyuwangika, avanavo ntima shii, kumbukilila momo, nama kwaamani na Nnungu walinagwaledyo na waamani andapagwa namu mwenu.

II Vakolintu 4:14

tumanya kenga aijá ándyuwidye Umu Yesu, andatudyuwa nawetu momo pamo namu nae kutwala kutuukanavo pamo namu mwenu pamevo pake.

I Vakolintu 15:15

Kupunda apo, tundaaneka kuva tuvashuda vakushang'apa kwake Nnungu mwaa tunkumya ushuda kwaupande wake Nnungu kenga anindyuwa Klistu kumbe akandyuwidye ikava kenga vakupela havanadyuka.

I Vakolintu 14:33

Mwaa Nnungu hanava shinu Nnungu wampulugu kanji ni waamani. Kwakulinganana kenga mo mwaivalalele mmaganisha uti avakwilimyanga vake Nnungu,

I Vakolintu 6:14

Napane Nnungu anindyuwa Umu kwadimongo dyake nawetu momo andatudyuwa kwadimongo dyake.

Vitendo 17:31

mwaa Nnungu andipanga liduva lyakuukumu shilambo kwaishaliya kwaindila yamunu jumo wantandwele mwene. Ing'ano ai andilodya umwiu kwauti pakundyuwa munu ajo pakati pavakupela.”

Vitendo 13:30

kanji jojo jo, Nnungu anindyuwa pakati pavakupela.

Vitendo 2:32

Jo Yesu aju, Nnungu anindyuwa na wetu apa uti ni tuvashuda vashitendo asho.

Lukashi 22:20

Pavamalidile kulya, andítwala shikombe kutandela momo aashidoni, “Shikombe ashi ni imbodi yaambi yamyadi vyangu vijaíka mwaa wenu mwenu.

Malukushi 14:24

Kutwala kushidoni, “Avi ni myadi vyangu, myadi vyaimbodi vilóta kuvajaikila vanu voe.

Valoma 16:20

Nnungu waamani anankandinneu Shatwani ambi apa mmadodo mwenu. Umonyo umwe Umu wetu Yesu upagwe namu mwenu.

Valoma 1:4

na kwakwodananavo Imumu waukwilimyanga ápangigwidye kuva Mwana wa Nnungu nkati mudimongo kwaindila yakudyuka pakati pavakupela, Yesu Klistu Umu wetu.

Vitendo 4:10

bai mwenu apa na mmanaishilaeli uti ikala mumanya kenga ni palina lyake Yesu Klistu wa ku Nashaleti wamunkamadile mwenu panshalaba kutwala Nnungu kundyuwa pakati pavanu vapadíle, kwadimongo dyake nae munu aju áimidile mushu mwenu andípata kupona.

Valoma 10:7

kwali, “ ‘Nyani álota kushuluka kulitavaleva?’ ” yani amwidenavo Klistu pashanya