Vabalaniya 11:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ mwaa nae andítandola kuvauvanga pamo na venentete vake Nnungu kuliko kunagwaledya lipuwilo lyamadambi lipíta.

Vabalaniya 11:25 Referans Kwoze

II Vakolintu 5:17

Napavedoni, ikava kenga munu ankupagwa nkati mumwe Klistu, ajo ni shiumbi shaambi. Vyakala vindipita. Mwenu, viidilé vyaambi.

Maono 18:7

Kwashipimo shosho shakuling'a lishangelo na kunama mushinamidyo shaditamaa, kwashipimo shosho mupe mauvilo na shipalodi. Muntima mwake nae aashidoni, ‘Ndiikala kenga umu nkongwe, hangunava shinu ninamwili, mwiko hangupata shinu shipalodi!’

I Patulu 2:10

Mwenu kala po, ata padyoko vela hamuvéle mmenentete kanji ambi apa mmenentete vake Nnungu; kala po hamushanaangiligwa shididi kanji napane mundyanangiligwa.

Tiyagu 5:5

Mwenu mushilambo amu mundinama shinamidyo shíkave lyuduku na shakulitumbyanga, namomo mundilinyateya mitima vyenu mumaduva akushindanga.

Tiyagu 1:20

mwaa shitundi shamunu hashinaidanavo shinu ishaliya yake Nnungu.

Vabalaniya 11:37

vaamangigwa majanga, vavaluligwa na nshumeno na vabyaigwa kwamaambila. Vashindawanawananga vàgwalenge magwogwe avangandolo na avambudi, vavele vanu vákave pashinu, vashindavauvauvyanga na kutandegwa kunyata;

Vabalaniya 10:32

Kanji napane kumbukila maduva matandi ling'oto lyakupata lilangadyo, mwenu mundilipililila ing'ondo ing'umene kwamauvilo,

Vabalaniya 4:9

Napavedoni linkupagwa liduva lyakupumula kwavenentete vake Nnungu

II Timoti 1:8

Napavedoni haunaanangile dyoni kumya ushuda umwe Umu wetu na ata kwamwaa wangu nangu nkúngwa wake kanji uvauvanga namu nangu kwamwaa wantenga wambone kwodananavo dimongo dya Nnungu

Vakoloshu 1:24

Napanelo ninkupuwangila mumauvilo angu kwamwaa wenu mwenu mwaa nkati mumili mwangu, ninkuumbadya mauvilo aovíte amwe Klistu kwamili wake lìvele lyo liganisha.

Valoma 5:3

I gweka avyo kanji tunkulitamanga momo nkati mumauvilo tumanya kenga mauvilo ankwidanavo kulipililila,

Lukashi 16:25

Kanji Abulaamu kushidoni, ‘Mwanangu, kumbukila mushingumi shako undipata vinu vyambone kenga momo Lashalu mushingumi shake kupata vyakunyata. Ambi apa Lashalu ankupagwa mukupambadyangigwa, wako kupagwa mumauvilo.

Mateu 13:21

Kwodamwaa havé dinyija, hanalikiniya. Kupata kwene mauvilo kwali kupapatigwa, kuujinneu kunyuma.

Vitendo 7:34

Nangu apa kwamwaa wakwona shana mauvilo autumwa avapata venentete vangu ku Mishili na kwigwa kutangadikanga kwave, ndishuluka kwida ndavaposha; napavedoni, ninkukutuma uke ko ku Mishili ko.’