Vabalaniya 10:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Kwamwaa wamalotelo ala, tundyuka ndatandegwa vakwilimyanga kwaindila yashadaka shamili umwe Yesu Klistu ukíle ndaumigwa kwamwanda umo tu bai.

Vabalaniya 10:10 Referans Kwoze

Vabalaniya 10:14

mwaa kwaindila yashadaka shimo tu, nae andivatadya vawikile popo ngwengwe ngwengwe avalá vatandégwa kuva vakwilimyanga.

Vabalaniya 10:12

Kanji napane Klistu pamalidile kumya shadaka shake kwangwengwe, shadaka shimo tu kwamadambi, andiikala kunkanakono kwake Nnungu.

I Vakolintu 6:11

Pakati penu po vanji vavele yadavo kanji muukilé ndaukangigwa, muukilé ndatandegwa mmakwilimyanga, muukilé ndavalangiligwa ishaliya mulina limwe Umu Yesu Klistu na mu Imumu umwe Nnungu wetu.

Vabalaniya 7:27

Kwakuvilingananga na vakulangalalela-shadaka vakumene avalá, nae hainatakigwa shinu kulyumidya shadaka kula liduva kwamwaa washimadambi shake ling'oto shimadambi shavenentete. Nae anditenda uti avi kwamwanda umo tu bai palyumidye jo mwene.

Nshuwau 17:19

Kwamwaa wavanavo nangu ninkulyapulila pakulota navanavo momo valyapulile nkati muumwiu.

Vabalaniya 13:12

Nadoni Yesu momo andyuvauvanga panda likaja pakulota kuvatadya venentete vave vakwilimyanga kwaindila yamyadi vyake jo mwene.

I Vakolintu 1:30

Ni kwamwaa wake nae shitádya mwenu mupagwe nkati mumwe Klistu aijá áukile ndava kwetu wetu limanyilo lyalakéla kumwe Nnungu, ishaliya, kwilimyanga na kwambolegwa

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

Vabalaniya 9:12

andiinjila Lyutu Lyakwilimyanga-uti kwamwanda umo tu bai i kwaindila yamyadi vyavambudi kwali vyavang'ombe kanji kwamyadi vyake jo mwene kutwala kuva likameko lyakwambola kúkamalilika.

I Patulu 2:24

Nae jo mwene andilitika mumili mwake madambi etu panshalaba kwambangidya tupele kwamadambi na tuname kwaishaliya; kwaindila yavilonda vyake, mwenu mundipona.

Vabalaniya 10:20

indila yaambi na ingumi yatuungulidile nae apitila ailá inguvo, yani uve wo mili wake au.

Vabalaniya 9:26

Leka ìvele yamyadi vyajunji, Klistu akandyuvauvanga aujila-ujila kutunduvangila tangu pashikandyangigwe shilambo. Kanji napane pauwikidile popo wakati, nae andyumilila kwamwanda umo tu bai kwambangidya amalidye lidambi kwashadaka shalyumidye jo mwene.

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

I Nshuwau 5:6

Aju ni aijá áalakadile kwaindila yamedi na yamyadi, Yesu Klistu i gweka kwaindila yamedi kanji namomo kwaindila yamedi na yamyadi. Imumu ni áing'a ushuda mwaa Imumu ni umwiu.

Nshuwau 19:34

Napane mwing'ondo jumo aníntalola Yesu nkushi ndimbau kutwala kuuminneu myadi na medi.

Vabalaniya 2:11

Mwenu, aijá átadya kwilimyanga na avalá vailimyangígwa, uti ava vankwalakela kwa aju, jumo. Napavedoni Yesu hanona dyoni yakuvashema vanavo vanung'unumunu

Vabalaniya 10:5

Napavedoni Klistu paidile mushilambo amu atédoni, “Shadaka na inudyo haulatile, ila mili uningukandyangidya;

Nshuwau 6:51

Nangu ni ligung'u lingumi lyalakadíle kuwa. Munu woewoe akalya ligung'u ali andanama ngwengwe. Ligung'u lyene lyo ni wo mili wangu au wangulota kujaula pakulota shilambo shipate shingumi.”

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

Vaepeshu 5:26

pakulota atadye kuva lyakwilimyanga paushanienge ushapu kwakuukanga na medi kwaindila yalilove

Vabalaniya 5:7

Yesu mumaduva anamile mushilambo amu, andílyumya mukushwali na mukujugwangila annamadikila pashanya po akuno alila anjugwa aijá áulula amwambole mukupela kutwala nae kumwigwa mwaa wakunjopa Nnungu.

Vabalaniya 9:14

kushi napane myadi vimwe Klistu áukile ndalijaula jo mwene kwaindila ya Imumu ákamalilika pakave makosha kwaupande wa Nnungu, hayululika kutuushanianga vitendo vyakupela mmakumbukililo etu amuntima kwambangidya tuntumike Nnungu mumi?

Vabalaniya 10:29

Kushi aijá ánnivatanga Mwana wa Nnungu na jojo jo áiludyanga myadi vyaimbodi vimwilimyénge nae na kuntukana Imumu waumonyo, da mwenu mwona dashi, munu ajo havaikidile kupata shaushanga shakumamodya?

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu