Vabalaniya 1:2 - Ibibiliya mu Shimakonde Imbodi Yaambi na dimbande dya Imbodi Yakala

² kanji mumaduva ala amwisho nae anditangola namu wetu kwaindila ya Mwanagwe aijá wankamudidye maleko avinu uti na kwaindila yake nae andikandyanga momo kuwa na pai.

Vabalaniya 1:2 Referans Kwoze

I Vakolintu 8:6

kanji kwetu wetu ankupagwa Nnungu jumo, Tatamunu kwavyalakela vinu uti na kwaupande wake tunkunama, na Umu jumo Yesu Klistu kwavipagwa vinu uti kwaindila yake na kwaindila yake nae, wetu tunkunama.

Nshuwau 1:3

Vinu uti vikandyangiké kwaindila yake, hashipali shikandyangíke ata shinu shimo bila nae.

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

I Patulu 1:20

Ata ikava kenga mwamanyikidile kaladavo shilambo shikanava kukandyangigwa, andililodya muwakati au wamwisho kwamwaa wenu mwenu;

Mateu 28:18

Yesu kutwala kuvavandika kuvaulila kushidoni, “Vaningukamudya madalaka uti kuwa na pai.

Nshuwau 13:3

na Yesu àmanyite kenga Tatamunu aninkamudya vinu uti mmakono mwake, namomo àalakadile kwa Nnungu na ankuujila kwa Nnungu,

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Vabalaniya 11:3

Kwalikulupililo tunkumanya kenga kuwa na pai vindikandyangigwa kwaindila yalilove lyake Nnungu, nadoni vinu vyatwona avi havyalakadile muvinu vyanéka.

Valoma 8:17

na ikava kenga tuvanavake, bai ni tuvakupata-maleko, upande unji kumwe Nnungu na upande unji pamo namu Klistu ikava kenga mwiu tundáuvauvanga namu nae pakulota lishangelo tupate pamo namu nae.

Nshuwau 3:16

“Amu ni mwanagwaladidye Nnungu shilambo, ata mpaka nae kumumya mwanagwe ávele jumo jojo pakulota uti vankulupíla nae havanajaike kanji vavenavo shingumi shíkamalilika.

Mateu 26:63

Yesu kumalala. Nkúlangalalela nkumene jo do, “Palina lya Nnungu mumi, twaulila ikava kenga wako ni Klistu aijá mwanagwe Nnungu!”

Mateu 21:38

Kanji avalá vakulima po pavangwene mwanagwe, vanavo vandyáulanila vaashidoni, ‘Aju ni walota kunkamudya vinu uti, idananga tummyae lishamba lyo live lyetu.’

Vabalaniya 5:8

Ata ikava kenga nae ni Mwanamunu, andilipundisha kwigwilila kwaindila yamauvilo ya avilá vyauvauvenge.

Vaepeshu 1:10

kenga nnugu wakulota kutandeka wakati ukawikila popo pakulota aunganiange vinu uti nkati mumwe Klistu, vinu vivéle kuwa na vinu vivéle pai.

Vabalaniya 7:3

Ata have tatake, have anyoke, have udukulu na ata havenavo shitunduvangilo shamaduva kwali mwisho washingumi shake; kanji vankunninganianga na Mwana wa Nnungu mwaa ankuva nkúlangalalela-shadaka ngwengwe ngwengwe.

Vabalaniya 2:3

Napanelo tulota kupalanyoka dashi ikava kenga hatunatanana shinu kwambolegwa aku kukumene? Kwambolegwa aku kuvalangilígwe kunantandi namu Umu kutwala kuka ndaakikishiligwa kwetu wetu namu avalá vaigwíte

Vabalaniya 1:5

Da wakwashi pakati pavanjelo wamwaulidile Nnungu doni, “Wako Umwanangu, nangu nelo ndikuvaleka”? Nakavili do, “Nangu nindava Nitatake na jo mwene andava Mwanangu.”

Vaepeshu 3:9

na wakuvaigwiniya vanu uti nnugu washipii ashi she shipiíke tangu kala nkati mu Nnungu ákandyenge vinu uti

Vagalata 4:4

Napane paukile ndawikila popo wakati we uvikíke, Nnungu anintumidya mwanagwe ávalakwadidye munkongwe na ávalakwadidye mukutawaligwa na lilamulo

Vitendo 10:36

Kwaupande walilove lyatumididye nae kwavanaishilaeli livalangánga ntenga wambone waamani kwaindila imwe Yesu Klistu àvele Umu wavanu uti,

Nshuwau 15:15

Haninshema kavili kuva mmatumika mwaa ntumika hanamanya shatenda nang'olo wake; mwenu napane ninkunshema kuva mmavangu mwaa uti vyangwigwite kumwe Atata, nintadya mumanye.

Yudashi 1:18

Vanavo vashindamwaulila mwenu doni, “Muwakati wamwisho vandaumilila vakuliula vawena vaodedya malotelo aungave Nnungu.”

Valoma 1:4

na kwakwodananavo Imumu waukwilimyanga ápangigwidye kuva Mwana wa Nnungu nkati mudimongo kwaindila yakudyuka pakati pavakupela, Yesu Klistu Umu wetu.

Vitendo 2:17

“ ‘Mumaduva amwisho, atangola Nnungu, vanu uti ndavamiminila Imumu wangu. Vanavenu valume na vakongwe vandalava, vanemba venu vandaona maono, vanang'olo venu vandalatanga dindoti.

Nshuwau 17:2

kenga mo mwaumpalale wako madalaka pashanya pavanu uti pakulota avape shingumi shíkamalilika avalá vaunkamudidye.

Nshuwau 16:15

Uti vyavenavo Atata, vyàngu. Ni ashi shitadídye nguushidoni, vyangu nangu nae andapata kutwala kummalangangila mwenu.

Malukushi 12:6

“Napanelo andíijalila munu jumo e avele mwanagwe washinnagwaledya mwene. Bai kumwisho kwake aníntumidya jojo jo aashidoni, ‘Apa mwanangu aju vandamwishimu!’

Malukushi 1:1

Shitunduvangilo shantenga wambone ummalangánga Yesu Klistu Mwana wa Nnungu.

II Patulu 3:3

Shitandi manya doni, mumaduva amwisho vandaumilila vakuliula valóta kupita vanniula vaodedya malotelo ave vo vene

Vabalaniya 1:8

Kanji kwaupande wa Mwana nae atédoni, “Shiteng'u shako Nnungu shindapagwa ngwengwe ngwengwe, ipimbo yautawala wako, yaishaliya.

Vabalaniya 9:26

Leka ìvele yamyadi vyajunji, Klistu akandyuvauvanga aujila-ujila kutunduvangila tangu pashikandyangigwe shilambo. Kanji napane pauwikidile popo wakati, nae andyumilila kwamwanda umo tu bai kwambangidya amalidye lidambi kwashadaka shalyumidye jo mwene.

Nshuwau 3:25

Napanelo vakwoda vake Nshuwau vandítaukananganavo munu jumo muyuda kwaing'ano yakulyushanianga ushapu.

Mateu 3:17

Bai lidi lyakwalakela kuwa kushidoni, “Aju ni mwanangu wakunagwaleka, kwamwaa wake nae ninkupuwanga namene.”

Mateu 13:39

mmongo ámpandile nashitani ni Ndamoni. Kupuna ni mwisho wawakati, vakupuna kuva vanjelo.

Malukushi 12:7

Kanji avalá vakulima vandyáulanila shivenevene vaashidoni, ‘Aju ni jojo walota kunkamudya lishamba. Idananga akuno tummalidye kwambangidya lishamba live lyetu.’

Nshuwau 1:10

Nae andípagwa mushilambo na kwaindila yake nae shilambo shindikandyangigwa kanji sho shilambo sho, shiníntikinanga.

Nshuwau 5:26

Doni, mo mwavalelenavo Atata shingumi shimpandukánga jo mwene, anintadya Mwanamunu momo avenavo shingumi shimpandukánga jo mwene

Nshuwau 5:27

na andimupa madalaka akuukumu mwaa nae ni Mwana Wamunu.

Nshuwau 9:29

Wetu tundimanya shana kenga Nnungu anditangola shalowa namu Musha kanji munu ajo kwalakadile, hatumanyite.”

I Vakolintu 2:7

Leka apo, tundátangola limanyilo lyake Nnungu lìpiike mushipii, lyo lyapanganienge wakati ukanava kwalishangelo lyetu wetu.

Vabalaniya 3:6

kanji Klistu andikulupilika kenga mwana ávenavo madalaka amwing'ande uti ya Nnungu. Napane ing'ande yene yo, ni wetu ikava kenga tundashunga kwadimongo kukulupila kwetu na alilá lilindilililo lyatulitumbyangidya.

Vabalaniya 4:14

Napavedoni pakuva tunkuvanavo nkúlangalalela-shadaka nkumene-uti áinjidile kuwa, Yesu Mwana wake Nnungu, indituvaikila tunanope mu ashilá shatulyaula.

Vabalaniya 7:28

Mwaa lilamulo linkuvavika vanu muungalyulula wave kuva vakulangalalela-shadaka vakumene kanji akulá kulilapa kwaléke ling'oto lyamalamulo, kunimmika Mwana átandagwidye kuwikila popo ngwengwe.

Nshuwau 13:32

Ikava kenga Nnungu nkati mwake ankupata lishangelo, nanae Nnungu momo andamupa lishangelo Mwana nkati mwake na lyo lishangelo lyo, anampenneu.