Vabalaniya 1:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Da vanjelo uti havanava shinu dimumu ditumíka na ditumígwa pakulota divatumike avalá valóta kupata maleko akwambolegwa?

Vabalaniya 1:14 Referans Kwoze

Mateu 18:10

“Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.

Vitendo 27:23

mwaa shilo sho shanelo ashi aninguumililila njelo wake Nnungu, Nnungu jojo ángutandile nguve wake na wangulipudya nangu kwake

Vitendo 5:19

Kanji shilo shake liduva alyo njelo wake Umu akashimulanga milango vyakalaboshi, akavaumidya panda kutwala kuvaulila doni,

Vitendo 12:7

mwe! Njelo wake Umu apalá pulumundu, nng'ande nkalaboshi mo uti do, ngwe; njelo kunting'inianga amwimulanga aashidoni, “Takatuka shipajelo!” Muwakati wowo Patulu mang'unyang'unya mmakono mo kulumukanga

Lukashi 1:19

Njelo kushidoni, “Wako! Nangu Gabuliyeli ngúpagwa pamo na Nnungu, unkwigwa? Nditumigwa ngwide ngutangole namu wako ndikuvalangangila ntenga wambone vila au.

Mateu 1:20

Akuno apanga nnugu wake au, njelo wake Umu andímwidila mwindoti ndamwaulila kushidoni, “Yoshe ndukulugwe Daudi, haunajope yakumpwashalela Maliya kuva ndyavo mwaa nae andiimita kwaindila ya Imumu Wanashwe.

Lukashi 16:22

Napanelo mmashikini aju kupela, vanjelo vake Nnungu kuntwala kumuukanavo kumwe Abulaamu; nanae ntajili kupela kutwala kunshika.

Vitendo 12:23

Kutwala popo na popo, njelo wake Umu kunkanyola Elode mwaa hampéle lishangelo Nnungu kutwala kumulya vakoko mmunda kwishidyanneu ntima, kupela.

Lukashi 2:9

Bai akaaneka apalá njelo wa Nnungu, lishangelo limwe Umu kuvatang'anedya vanavo ni kujopa doni.

Lukashi 2:13

Kwashingangala kwanakenneu imbumba yavakuwa ìlyunganienge namu njelo jo vantumbyanga Nnungu kushidoni,

Mateu 2:13

Vakumanya-dinondo avalá vakauke, andímuumililila Yoshe mwindoti njelo wake Umu kutwala kushidoni, “Takatuka! Ntwale nunu pamo na anyoke utukutile ku Mishili. Koko ko, ikala mpaka pangulota kukumanyiya uje mwaa Elode alota kunnambela nunu ammyae.”

Titu 3:7

kwambangidya dashi, wetu tùvalangiligwe ishaliya kwaumonyo wake, tuve tuvakupata-maleko kwodananavo lilindilililo lyashingumi shíkamalilika.

Maono 5:6

Ling'oto ndímwona Ngandolo áshaaneka kenga andibyaigwa àimidile shing'ati shiteng'u vàntang'anadidye viumbi nsheshe na avalá vanang'olo. Jojo jo, andívanavo dimembe saba na mevo saba, alo ankwitika kuva dimumu saba dya Nnungu dyatumididye mushilambo uti.

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.

Mateu 25:34

Napane jo Umu jo andavaulila avalá vakunkanakono kwake kushidoni, ‘Idananga mwenu mwalaligwe namu atata! Pwashalela utawala wavankandyangididye tangu kukandyangigwa kwashilambo.

Yudashi 1:14

Kwamwaa wavanu vovo ava, Enoki munu wasaba kutunduvangila Adamu nanae momo andívalanganga kaladavo, “Mwenu! Umu ankwida pamo na makumi manga avanjelo vake vakwilimyanga

I Patulu 1:4

na maleko ákatimbikanga, aungave-udagwa na ákadingala avakandidye kuwa kwamwaa wenu.

Vabalaniya 6:17

Nadoni Nnungu palotile kulodya kwabila kwambambidya malotelo ake ákabadilika kwavakupata-maleko akulivikila, nae andyakikisha kwakulilapa

II Vateshalonika 1:7

kutwala kumupa mwenu múuvauvanga kupumula pamo namu wetu. Ashi shindatandeka paaneka Umu Yesu aumilila kuwa pamo na vanjelo vake vadimongo

Vapilipo 2:25

Kanji napane ndyona do, indivaikila nintumidye kwenu mwenu Epapoloditu, mwanetu, mmádengomwangu na mwing'ondomwangu, jo wamuntumile mwenu na ntumika wa avilá vyangulota nangu

II Vakolintu 9:12

Doni, utumika wamutenda au, haunava shinu wakuvapa gweka avilá vivóva vakwilimyanga kanji namomo, unkupakatika mulilambwalalelo lyoe kumwe Nnungu.

Valoma 15:27

Indivanagwela kutenda davo na kwaumwiu vanavo ni vakudaigwa kwaupande wave. Mwaa ikava kenga vamidi vandiliinjidyanga muvinu vyaimumu vyave, indivavaikila momo vavatumike mushipato shave.

Valoma 15:16

wakuva nintumika umwe Yesu Klistu kwavamidi mukutumika ntenga wambone wa Nnungu muunashilangola wakupalakedya shadaka kwambangidya vamidi vatandegwe kuva shadaka shinnagwéla Nnungu, shadaka shitandégwe kuva shakwilimyanga kwa Imumu Wanashwe.

Valoma 13:6

Ni ashi shitádya mwenu momo mulipe ukodi mwaa vamadalaka ni vatumika vake Nnungu pakulota vaangaikangile ngwengwe shimadengo ashi.

Vitendo 13:2

Muliduva limo vakwoda uti valipudya kumwe Umu na vàvele mukunga, Imumu Wanashwe andívaulila kushidoni, “Mwapule Balinaba namu Saulu vauke vakakole madengo anivashamadile.”

Vitendo 11:22

Napanelo dyabali dya ku Antiyokiya dindíigwinika na liganisha, lyo lya pa Yelusalemu kutwala vanavo kuntumidya Balinaba koko.

Lukashi 1:23

Bai akamalilike maduva ake akutumika, nae andyújila kwing'ande yake.

Mateu 24:31

Muwakati wowo nae andavatumidya vanjelo vake vaditalumbeta dyakuma namene vauke vakavatwalange vakutandalegwa vake mudisemu nsheshe dyamushilambo kutunduvangila nkono unji wakuwa ndamalilila nkono unji.

Mateu 13:41

Mwana Wamunu andavatuma vanjelo vake kutwala vanavo kukungailila pamo muutawala wake avilá uti vitádya lipagwe lidambi na avalá uti vatandédya ungave-lilamulo.

I Patulu 3:7

Namomo mwenu mmatwamunu ava mmanu mmalimanyilo nkati mukunama na vadyavenu na vatanane kwaishima kenga shinu shíkanama mwaa ni vakupata-maleko pamo namu mwenu muumonyo washingumi kwambangidya kushwali kwenu ko, hakunadiviligwe.

Tiyagu 2:5

Igwa mmanung'unumunu mmakunagwaleka, da Nnungu havatandwele vamashikini pamevo pavanu vamushilambo pakulota vave matajili nkati mulikulupililo na vapate maleko autawala walivikidile nae kwa avalá vannagwalédya?

Vabalaniya 10:11

Liduva kwaliduva, kula nkúlangalalela-shadaka andáimila atumika mukumya vyadaka aujidya-ujidya vyovyo ngwengwe, vyo víkaulula kuushanianga madambi.

Vabalaniya 8:6

Kanji napane ambi apa utumika wapatile Yesu wo, ni wambone kuliko wavanavo, nadoni kenga mo, imbodi intadídye nae ave nkúdumangila waimbodi yamana kupunda yakala, yoyo yo inkunanapela muvyakulivikila vyamana.

Vabalaniya 6:12

kwambangidya hamunave mmawondo kanji vajedye avalá kwaindila yalikulupililo na kulipililila vandipata maleko akulivikila.

Vabalaniya 5:9

Namomo pantadidye awikile popo nae anditadya ave ntipu wakwambolegwa kúkamalilika kwa avalá uti vamwigwilíla,

Vapilipo 2:17

Ata ikava kenga vankungumimina pashanya shadaka na mukutumika muukulangalalela-shadaka kwalikulupililo lyenu, ninkupuwanga na ninkupuwanga pamo namu mwenu.

Vaepeshu 3:6

Shipii shene ni ashi: kwaindila yantenga wambone, vamidi ni vakupatamwagwe maleko, vaimbande yamumili umo na vanyagwe mukupagwa pamo muvyakulivikila nkati mumwe Klistu Yesu.

Vagalata 3:29

Ikava kenga mwenu ni mmake Klistu, bai mmadukuluvake Abulaamu na kwaupande wakulivikila wo, mmakupata maleko ni mwenu.

Vagalata 3:9

Nadoni uti avalá vakulupíla, vandaalaligwa pamo namu aijá nkúkulupila Abulaamu.

Vagalata 3:7

manya doni, vo valikulupililo vo, vanavo ni udukulu umwe Abulaamu.

Valoma 8:17

na ikava kenga tuvanavake, bai ni tuvakupata-maleko, upande unji kumwe Nnungu na upande unji pamo namu Klistu ikava kenga mwiu tundáuvauvanga namu nae pakulota lishangelo tupate pamo namu nae.

Vitendo 16:26

Kwashingangala kuumilila shindangenda shakujowa mpaka ikalaboshi kundangenda uti, milango kushimukanginneu na vakungwa uti mang'unyang'unya kuungukanga.

Mateu 4:11

Bai Ndamoni anínneka. Mwe! Vanjelo kwida nantumika.

Malukushi 10:17

Napanelo Yesu pashuukanavo kavili mushu na shimwanda shake, munu jumo aníntukutila kuka ndaguguvala mushu mwake ndaashidoni, “Mwalimu wambone, ngutandelé mwashi pakulota ngupate shingumi shíkamalilika?”

Valoma 11:14

pakulota dashi, kwadinamuna dyoedyoe nguvatadye liloko vakwetu kwambangidya ndivaambole vanji pakati pave.

I Vakolintu 1:21

Doni, kutunduvangila mo mulimanyilo lyake Nnungu shilambo hashuukile nammanya Nnungu kwaindila yalimanyilo, inínnagwela Nnungu kwaindila yaujinga aulá watuvalanganga wetu kuvaambola avalá vakulupidíle.

Vabalaniya 2:3

Napanelo tulota kupalanyoka dashi ikava kenga hatunatanana shinu kwambolegwa aku kukumene? Kwambolegwa aku kuvalangilígwe kunantandi namu Umu kutwala kuka ndaakikishiligwa kwetu wetu namu avalá vaigwíte

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.