Titu 1:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Vanavo vankulivalanganga kummanya Nnungu kanji muvitendo vyave, vankumwita. Vovo vo ni vanu vakunyatilika, vákaigwilila na vákapai kwakula shimadengo shambone.

Titu 1:16 Referans Kwoze

I Nshuwau 2:4

Aijá aashidoni, “nangu nae nimmanya” kanji pakaigwilila malamulo ake, nshwang'a na kwake nae umwiu haupali

Vaepeshu 5:6

Hamunanneke munu anduwanga kwamalove ashing'alang'ala; kwamwaa wavinu vyovyo vyo, vinkutadya shitundi shake Nnungu shivawikile avalá vákaigwilila.

Yudashi 1:4

Mwaa vanu vanji vandiliinjidyanga shipiipii, vanavo ukumu yave indipangigwa tangu nakala, vanu vákave Nnungu vatindinganiánga umonyo wa Nnungu wetu pakulota shive shinu shakulaukila na vankumwita Nang'olo wetu jumo, jo Umu wetu, Yesu Klistu.

Valoma 1:28

Naivedoni pakuva vanavo havagwene mana yakummanya Nnungu, jo mwene Nnungu andivakamudya mumakumbukililo ave akunyata pakulota vatandedye ashilá shíkavaikidile kutenda.

Maono 21:27

Mwanavo, mwiko shinu shishapu hashiinjila, ata munu átandedya vyakudabukanga kwali vyakushang'apa; ila vandainjila bai avalá vaandikígwe mena ave mulibuku lyashingumi limwe Ngandolo.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

I Timoti 5:8

Ikava kenga munu hanavashunga shinu vakwave na kupunda namene avalá vapaing'ande pake, ajo andita likulupililo na ni ámamodya namene kumpunda aijá ákakulupila.

I Timoti 1:9

imanyika kenga lyanavo halivikike kwawaishaliya ila livikiké kwa avalá vaungave-lilamulo na vákaigwilila, vákave Nnungu na vakutega, vákamwishimu Nnungu na vadyeluelu, vavakanyalánga vatatavave pamo na vajujuvave, vakubyaa,

II Timoti 3:17

kwambangidya munu wa Nnungu ave wakuulula, wavampanganienge shana kwashimadengo uti shambone.

Titu 3:1

Vakumbuwange vapagwe mwina mwavakutawala na mwavamadalaka, vave vakwigwilila na vave tayali kwakula shimadengo shambone,

Titu 3:3

Mwaa ata nawetu kala po, tuvele tuvanu túkave ding'ano na túkaigwilila vatwashadyenge tuva tuvatumwa kwavinu vyakula inamuna na ditamaa, shingumi shetu tunama mushishimwashimwa na mwing'ou, tuvangadika na tuvangadyania.