Nshuwau 9:35 - Ibibiliya mu Shimakonde Imbodi Yaambi na dimbande dya Imbodi Yakala

³⁵ Napanelo Yesu akaigwa do, munu wampatiidye kulola aijá vanimminganga mushitala shakulipudidya. Akankodye andímudya, “Da wako unkunkulupila Mwana Wamunu?”

Nshuwau 9:35 Referans Kwoze

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

I Nshuwau 5:13

Nimwandikila mwenu vinu avi mwemwe múkulupila lina lya Mwana wa Nnungu kwambangidya mumanye kenga munkuvanavo shingumi shíkamalilika.

Nshuwau 10:36

kushi aijá walyapulidile Atata jo kuntumidya mushilambo? Mwaa shani munkutangola doni, ‘Unkukupulu, pangulivalanga doni, Nangu ni Mwana wa Nnungu?’

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

I Nshuwau 5:10

Aijá ánkulupila Mwana wa Nnungu, ankuvanavo ushuda au nkati mwake. Aijá ákankulupila Nnungu, ankuntenda kuva nae nshwang'a mwaa hanakulupila shinu ushuda waumya Nnungu kwamwaa wa Mwanagwe.

I Nshuwau 5:5

Da nyani átema shilambo? Ni gweka aijá ákulupila kenga Yesu ni Mwana wa Nnungu.

I Nshuwau 4:15

Woewoe ámmalanganga Yesu kuva Mwana wa Nnungu, Nnungu ankupagwa nkati mwake na nae kupagwa nkati mwa Nnungu.

Valoma 10:20

Kutwala Ishaiya kwakulyalaveka ankushidoni, “Vaningupata avalá vákangulambadile, ndililodya kwa avalá vákashinguudyangidya.”

Valoma 1:4

na kwakwodananavo Imumu waukwilimyanga ápangigwidye kuva Mwana wa Nnungu nkati mudimongo kwaindila yakudyuka pakati pavakupela, Yesu Klistu Umu wetu.

Vitendo 9:20

Nae kutunduvanginneu kwinjila muvitala vyamikodyanio apita ammalanganga Yesu doni, “Nae ni Mwana wa Nnungu.”

Vitendo 8:36

Vauka mushu na shimwanda shave, vandíwika pashinu pavéle medi kutwala mwitiyope kumwaulila Pilipo doni, “Wako, medi ala apa. Da shipali shinu shingudingadínga shakungutadya napate ubatisho?”

Nshuwau 20:28

Tome kushidoni, “Umu wangu na Nnungu wangu!”

Nshuwau 11:27

Malita kushidoni, “Elo nang'olo. Nangu ndikulupila kenga wako ni Klistu, Mwana wa Nnungu aijá úshilota kwida mushilambo amu.”

Nshuwau 6:69

Wetu tundikulupila na tundimanya kenga wako ni Wakwilimyanga wake Nnungu.”

Nshuwau 5:14

Ling'oto lya apo, Yesu anínkodya munu wamponídye aijá mwing'ande ya Nnungu kutwala kumwaulila doni, “Wako! Wako apa undipona, nadoni haunatege kavili pakulota hashinakuumililile shakupunda ashi.”

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Nshuwau 1:34

Nangu ndimwona na ninkumya ushuda, aju ni Mwana wa Nnungu.”

Nshuwau 1:18

Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.

Malukushi 1:1

Shitunduvangilo shantenga wambone ummalangánga Yesu Klistu Mwana wa Nnungu.

Mateu 16:16

Simoni Patulu patwete kujang'ula akaashidoni, “Wako Klistu mwanagwe Nnungu mumi.”

Mateu 14:33

Bai vanu ve vavéle mwingalava amulá vandilipudya kumwe Yesu vaashidoni, “Mwiu, wako umwanagwe Nnungu.”

Mateu 4:3

Bai nkútubya andímwidila ndamwaulila, “Wako ukava umwanagwe Nnungu, lamulila majanga ala ajalukange ave magung'u!”

Nshuwau 9:22

Vatatavake vo vandíjang'ula davo mwaa wakuvajopa vananangalaledi vavayuda. Doni, vananangalaledi vo vandípakanila pakulota munu woewoe álota kummalanganga Yesu kuva Klistu vammingange pashitala shakulipudidya.

Nshuwau 9:34

Vayuda kutwala kushidoni, “Wako uvalakwididyé uti mmadambi; napanelo ulota utupundishe wetu?” Bai vanímminganga mushitala shakulipudidya.

III Nshuwau 1:10

Napavedoni pangulota kwida ako ndaundukulanga uti vyatenda, malove aukalau na akunyambikanga kwetu wetu. Nae avi havinantosha shinu, leka apo ankwita kuvapwashalela vanung'unumunu, kuvadivilila avalá valóta vavapwashalele na kuvavinganga muliganisha.

Vitendo 8:37