Nshuwau 9:29 - Ibibiliya mu Shimakonde Imbodi Yaambi na dimbande dya Imbodi Yakala

²⁹ Wetu tundimanya shana kenga Nnungu anditangola shalowa namu Musha kanji munu ajo kwalakadile, hatumanyite.”

Nshuwau 9:29 Referans Kwoze

Nshuwau 8:14

Yesu akavajang'ula kushidoni, “Ata ikava kenga nangu ninkumya ushuda ngulivalanganga nene nimwene ushuda wangu wìu mwaa nangu ndimanya kwangwalakadile na kwanguka. Mwenu kanji hamumanyite kwangalakadile na ata kwanguka.

Vitendo 26:22

Kanji kwalipwashalelo lya Nnungu ngupali mpaka nelo apa; ni ashi shingutádya ngupagwe apa ngumya ushuda kwavadyoko mpaka kwavanang'olo. Shanguvalanganga hashinapundana shinu na ashilá shavatangwele vakulava na shatangwele Musha kenga shindatandeka,

Vitendo 22:22

Mpaka apo vanu vashindamwigwilila, napane po patangwele lilove lyamwisho, vandíjunga vaashidoni, “Munu aju mwovye mushilambo amu! Haimmaikidile kunama.”

Vitendo 7:35

“Napanelo Musha jo wavamwitíle vaashidoni, ‘Áshikutandola nyani kuva nkútawala na nkúukumu wetu wetu’ jojo jo, Nnungu aníntandola kuva nkútawala na nkwámbola kwaindila yanjelo e amuumilidíle mulilamba lyamoto úshikalela mulyukutu.

Nshuwau 9:24

Vanavo vakanshema kavili munu aijá e aputéle mevo kutwala kumwaulila doni, “Mupe Nnungu lishangelo! Wetu tundimanya kenga munu wene jo, nkùtega.”

Nshuwau 9:16

Mapalishayo vanji kutwala kushidoni, “Munu aju hanaaloka shinu kwa Nnungu mwaa ankutimbanga liduva lyakupumula.” Vanji kushidoni, “Kanji ilota kuululika dashi munu wakutega kulodya vimanyikilo kenga avi?” Bai pakati pave kundípagwa kuvilingananga.

Nshuwau 7:27

Kanji aju wetu tunimmanya kwalakadile. Napane Klistu jo, palota kwida hapali munu álota kummanya kwalakela.”

Nshuwau 1:17

mwaa Lilamulo lindipatikananga kwaindila imwe Musha; umonyo na umwiu kwida kwaindila imwe Yesu Klistu.

Lukashi 23:2

Vanavo vandítunduvanga kuntambudyanga vinu vaashidoni, “Munu aju tuninkadyedya avatindinganianga venentete vetu aleya kunnipa Shashali ukodi wakunnodya nae kuva umu wetu na kavili jojo kulivika jo mwene kuva Klistu yani umu.”

Mateu 26:61

naashidoni, “Aju apa ashitangola doni, ‘Nangu ninkuulula kubamalanga ing'ande yake Nnungu kutwala kudenga kwamaduva matatu kumalila.’ ”

Mateu 12:24

Kanji mapalishayo pavaigwite davo kushidoni, “Munu aju mwakumulangila majini ni kwaindila imwe Beelishebuli nang'olo wave majini.”

Nshuwau 7:28

Napanelo Yesu apundisha mwing'ande ya Nnungu, andítangola pashanya po, “Elo, mwenu muningumanya na kwetu mundimanya. Kanji nangu hangubunidye nimwene kwida akuno ila aijá ángutumididye ni waumwiu. Mwenu nae hamummanyite,

Nshuwau 9:30

Munu jo kuvajang'ula doni, “Kulava mwenu! Mwenu ata mukanamanye kwalakadile kanji ni jojo ángutadidye nangu ngulole.

Vabalaniya 1:1

Kala po Nnungu andítangola na vanyakalavetu myanda vyoe na kwadinamuna dyoe kwaindila yavakulava

Vabalaniya 1:2

kanji mumaduva ala amwisho nae anditangola namu wetu kwaindila ya Mwanagwe aijá wankamudidye maleko avinu uti na kwaindila yake nae andikandyanga momo kuwa na pai.