Nshuwau 9:22 - Ibibiliya mu Shimakonde Imbodi Yaambi na dimbande dya Imbodi Yakala

²² Vatatavake vo vandíjang'ula davo mwaa wakuvajopa vananangalaledi vavayuda. Doni, vananangalaledi vo vandípakanila pakulota munu woewoe álota kummalanganga Yesu kuva Klistu vammingange pashitala shakulipudidya.

Nshuwau 9:22 Referans Kwoze

Nshuwau 16:2

Mwenu mundavingigwa muvitala vyakulipudidya; leka apo, wakati unkuwika umwe aijá álota kummyaa mwenu andona kenga alipudya kwa Nnungu.

Nshuwau 7:13

Kanji napane hapali áshitangola ngala mwaa wakuvajopa vananangalaledi vavayuda.

Lukashi 6:22

“Mundyalaligwa mwenu pavannyatila vanu, kumwambukanga, kuntukana na kumumya shimbili shakunyata mwaa wa Mwana Wamunu.

Nshuwau 9:34

Vayuda kutwala kushidoni, “Wako uvalakwididyé uti mmadambi; napanelo ulota utupundishe wetu?” Bai vanímminganga mushitala shakulipudidya.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Vitendo 5:40

Nadoni vakavashema vamyombe avalá vakavashapa viboko kutwala kuvaduma havanatangole palina limwe Yesu na kuvaleka vauke.

Vitendo 5:13

Napanelo mulyutu alyo vanu vákavele vakwoda hapali áshilyalaveka kulyunganianga namu vanavo, ata ikava kenga venentete uti vashindavashibanga namene vakwoda.

Vitendo 4:18

Napavedoni vandívashema vapatulu kuvaulila doni, “Tunkunneya, hatutamwa ata padyoko vela kumwigwa kavili muvalanganga na muvapundisha vanu palina limwe Yesu.”

Nshuwau 20:19

Napanelo paiwikile yalyulo muliduva lyolyo litandi lyaishumana, vakwoda vake pavavéle po nnango vàshimile kwamwaa wakuvajopa vayuda, Yesu andíinjila kwimila shing'ati shave kutwala kushidoni, “Amani ipagwe namu mwenu!”

Nshuwau 19:38

Napanelo vikapite vinu avyo, Yoshe wa ku Alimateya, nkwóda wake Yesu kanji shipiipii kwamwaa wakuvavajopa vayuda, nae anínjugwa Pilatu mili umwe Yesu. Pilatu kulamulila, nae kutwala kuka ndausha mili aulá kuukanavo.

Nshuwau 1:19

Napanelo au ni ushuda waumidye Nshuwau vayuda pavavatumile pa Yelusalemu vakulangalalela-shadaka pamo na valawi ndamudya doni, “Da wako unyani?”

Nshuwau 9:18

Vananangalaledi vavayuda, vanavo havashikulupila kenga kala po munu ajo andíputala mevo kutwala ambi apa kulola mpaka vandyúka ndavashema vatatavake

Nshuwau 9:21

Napane mwapatidile kulola mo, hatumanyite na aijá ántadidye alole, hatummanyite. Mudye jo mwene jo andikulumuka jo, ankuulula kulivalanganga.”

Nshuwau 9:35

Napanelo Yesu akaigwa do, munu wampatiidye kulola aijá vanimminganga mushitala shakulipudidya. Akankodye andímudya, “Da wako unkunkulupila Mwana Wamunu?”