Nshuwau 8:28 - Ibibiliya mu Shimakonde Imbodi Yaambi na dimbande dya Imbodi Yakala

²⁸ Yesu kutwala kuvaulila kushidoni, “Pamulota kunnyanyula Mwana Wamunu ni pamulota kungumanya kenga Nangu ni Nene. Nangu hangunatenda shinu vinu vyakubuni nene nimwene; ninkutangola avilá vyangupundishidye Atata bai.

Nshuwau 8:28 Referans Kwoze

Nshuwau 5:30

“Nangu hangunaulula kutenda shinu shoeshoe shakubuni nene nimwene. Mwangwigwidya nangu ni mwanguukumila na kuukumu kwangu kunkuvanavo shaliya mwaa hangunatenda shinu mwangulatela nimwene ila ninkutenda mwalatela aijá ángutumididye.

Nshuwau 5:19

Yesu akavajang'ula kushidoni, “Nangu ninkumwaulila mwiu mwiu doni, Mwana hanaulula kutenda shinu shoeshoe shakubuni jo mwene ila ashilá shamwona Tatake atenda. Kula shinu shatenda Tatamunu nanae Mwana ankutenda shosho.

Nshuwau 6:38

Nidoni, ngwaleké kuwa i kwida ndatandedya malotelo angu ila ngwidilé ndatandedya malotelo ake aijá ángutumididye.

Nshuwau 3:14

Ni kenga momo mwannyanyulidile Musha nyoka munnandi kushimbweshe nanae Mwana Wamunu inimmaikila anyanyuligwe

Valoma 1:4

na kwakwodananavo Imumu waukwilimyanga ápangigwidye kuva Mwana wa Nnungu nkati mudimongo kwaindila yakudyuka pakati pavakupela, Yesu Klistu Umu wetu.

Vitendo 4:4

Kanji vanu voe pakati pave vaigwíte lilove, vandíkulupila. Vanu avo vandíwikila shikonda shavalume kenga dyalupu mwanu doni.

Vitendo 2:41

Napanelo vanu avalá vapakadíle lilove lyake vandípata ubatisho; muliduva alyo vandílyunganianga kwavakwoda vanu vakuwikila shikonda shavanu dyalupu nnatu.

Nshuwau 19:18

Popo po vanímpambilila panshalaba pamo namu nae vanu vanji vavili, junji nkono au, junji nkono au, Yesu pakati.

Nshuwau 16:10

kwaishaliya mwaa nangu ninkuka kumwe Atata na mwenu hamungwona kavili;

Nshuwau 11:42

Ninkumanya kenga wako ngwengwe unkungwigwa kanji nditangola davo pakulota vanu vangutang'anadídye vakulupile kenga wako po, ni úngutumididye.”

Nshuwau 8:24

Ni ashi shitadídye nimwaulile kenga mundapalanga mumadambi enu. Mwaa mukanakulupila kenga Nangu ni Nene, mundapalanga mumadambi enu.”

Nshuwau 3:11

Ninkukwaulila mwiu mwiu, shatumanyite ni shatutangola, shatugwene ni shatumya ushuda kanji ushuda wetu hamunakulupila shinu.

Mateu 24:5

Vandaida vanu voe vatumila lina lyangu vaashidoni, ‘Nangu Klistu,’ vovo vo vandavaduwanga vanu voe.

Malukushi 13:6

Vandaida vanu voe vatumila lina lyangu vaashidoni, ‘Nangu ni nene!’ Vovo vo, vandavaduwanga vanu voe.

Lukashi 21:8

Yesu kushidoni, “Lilaledye! Hanapagwe wakunduwanga mwaa vandaida vanu voe vatumila lina lyangu vaashidoni, ‘Nangu ni Masiya’ na kushidoni, ‘Wakati undiwika’ kanji hamunavode.

Nshuwau 4:26

Yesu, “Ni nene nangu, ngútangola namu wako.”

Nshuwau 8:27

Vanavo havashimanya kenga pashivaulila davo ashimwamba Tatamunu.

Nshuwau 8:58

Yesu kushidoni, “Ninkumwaulila mwiu mwiu doni, Abulaamu akanava kuvalekwa, Nangu ni Nene.”

Nshuwau 13:19

Ninkumwaulila kaladavo vikanava kutandeka pakulota pavitandeka po, mwenu mukulupile kenga Nangu ni Nene.

Nshuwau 18:32

Avyo vindítandeka pakulota liwikile popo lilove lyatangwéle Yesu avalanganga inamuna yalota kupela nae.