Nshuwau 7:39 - Ibibiliya mu Shimakonde Imbodi Yaambi na dimbande dya Imbodi Yakala

³⁹ Napane nae ashimwamba Imumu áshilota vampate avalá vankulupidíle mwaa muwakati awo Imumu jo vavele vakanava kumpata kwoda Yesu avele akanava kupata lishangelo.

Nshuwau 7:39 Referans Kwoze

Vitendo 2:17

“ ‘Mumaduva amwisho, atangola Nnungu, vanu uti ndavamiminila Imumu wangu. Vanavenu valume na vakongwe vandalava, vanemba venu vandaona maono, vanang'olo venu vandalatanga dindoti.

Vitendo 2:33

Nae pavankwadidye vammika kunkanakono kwake Nnungu na pampatile Imumu Wanashwe walivikidile Tatamunu, andimiminila uti avi vyamwona na vyamwigwa.

Vitendo 2:4

kutwala vanu avo uti kuvaumbala Imumu Wanashwe na kwatuka kutangola dinangodi dyakuvilingananga kwodana na lyululilo lyavapéle Imumu.

Nshuwau 16:7

Kanji napane ninkumwaulila mwiu uti doni, kudyanga nangu nguke mwaa ndikanauka, nkúpambadyanga jo hamwidila; nangu ndikauka, nantumidya nae.

Nshuwau 12:16

Kunantandi vakwoda vake havashimanya vinu avi, napane paukile ndapata Yesu lishangelo ni pavakumbukidile doni, vinu avi vindyandikigwa vimwamba nae na vyovyo vyo, vanintenda.

Valoma 8:9

Mwenu napane hamupali mushimunumunu kanji muvelé mu Imumu ikava kenga mwiu Imumu wake Nnungu ankunama nkati mwenu. Mwenu, munu ákavenavo Imumu umwe Klistu, jojo jo hanava shinu umwe Klistu.

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Nshuwau 20:22

Napavedoni, andívavaedya Imumu kutwala kushidoni, “Pwashalela Imumu Wanashwe!

Nshuwau 12:23

Yesu ankuvajang'ula doni, “Wakati wakupata Mwana Wamunu lishangelo, undiwika.

Vaepeshu 4:30

Hamunantae shipalodi Imumu Wanashwe wa Nnungu, jo wavannamatididye mwenu mpaka muliduva lyakwambola.

II Vakolintu 3:8

da napane utumika wa Imumu wo, haumamodya lishangelo lyoe?

Vitendo 4:31

Bai pavamalidile kushwali, palyutu lyavakadyaniénge pandíndangenda, vanavo uti kuvaumbala Imumu Wanashwe na vashindavalanganga lilove lya Nnungu pavakajugulanga shinu.

Vitendo 3:13

Nnungu umwe Abulaamu, umwe Ishaki, umwe Yakobo, Nnungu jojo wavanakuluvetu aninkwedya amupa lishangelo Yesu ntumika wake, jo wamunkamudidye mwenu na kumwita pamevo pamwe Pilatu paukile ndaamuwa nae amuungule.

Nshuwau 17:5

Nadoni napanelo Atata ngupa lishangelo pamevo pako, lishangelo lyolyo lyanguvénavo pamo namu wako shilambo shikanava kukandyangigwa.

Nshuwau 14:13

Kula shinu shamulota kujugwa palina lyangu, nangu ndatandedya kwambangidya Atata apate lishangelo nkati mu Mwana.

Nshuwau 7:12

Pakati paimbumba yavanu andípagwa manyinyi oe. Vanji vashishidoni, “Munu aju, wambone.” Vanji do, “Ata padyoko, aju ankuvaashadyanga venentete.”

Nshuwau 6:14

Napanelo vanu pavagwene shimanyikilo shatandile Yesu vandítangola kushidoni, “Aju mwiu ni jo nkúlava watushinnindila aide mushilambo.”

Nshuwau 1:33

Nangu munu ajo haninammanye leka aijá ángutumile nivape vanu ubatisho mmedi akangwaulidile doni, ‘Munu waulota kumwona Imumu ashuluka kwida ndaikala namu nae, ajo ni jojo álota kuvapa vanu ubatisho mu Imumu Wanashwe.’

Nshuwau 1:25

Vanavo vakaudya kushidoni, “Ikava kenga wako haunava shinu Klistu, haunava Liyashi na ata haunava shinu aijá nkúlava, mwaa shani vanu unkuvapa ubatisho?”

Nshuwau 1:21

Vanavo kumudya, “Pane, wako po unyani? Wako po, Liyashi?” Nae do, “Mene, nangu hangunava shinu nae.” Vanavo, “Da wako po, unkúlava watushikulindila wide mushilambo?” Nae kushidoni, “Mene.”

Lukashi 24:49

Mwenu! Nangu nampalakadyedya shalivikile Atata kanji mwenu pagwa po pa Yelusalemu apa mpaka mupate dimongo dyakwaloka kushanya.”

Lukashi 7:16

Vanu uti kuvainjila kujopa kutwala kumupa lishangelo Nnungu vaashidoni, “Pakati petu andyumilila nkúlava nkumene namene!” Vanavo kavili kushidoni, “Nnungu andida ndavaangangola venentete vake!”

Lukashi 3:16

kutwala nae kuviigwiniya kushidoni, “Nangu ninkumwing'a mwenu ubatisho ngutumila medi kanji aijá áida kunyuma kwangu; nae avelé na dimongo kungupunda nangu wandikavaidile nangu kumuungulanga vilatu vyake. Jojo jo andamwing'a mwenu ubatisho wa Imumu Wanashwe pamo na moto.

Mateu 16:14

Vanavo do, “Vanji Nshuwau Wakubatisha, vanji Liyashi na vanji Yelemiya kwali nkúlava jumo pakati pavakulava vakala.”

Nshuwau 14:26

napane nkúpambadyanga, aijá Imumu Wanashwe walota kuntumidya Atata palina lyangu, nae anampundisha mwenu kula shinu na anankumbuwanga uti vyanimwaulidile nangu.

Mateu 21:11

Imbumba yavanu kutwala kushidoni, “Aju ni aijá nkúlava, Yesu wa ku Nashaleti ya ku Galileya.”

Nshuwau 8:54

Yesu kushidoni, “Ikava kenga ninkuling'a nene nimwene lishangelo, lishangelo alyo kwangu halive mana. Ángupa nangu lishangelo ni Atata, aijá wamumwamba mwenu doni, ‘Nnungu wetu.’

Nshuwau 16:14

Nae po anangupa nangu lishangelo mwaa alota kupata ashilá shangu nangu kutwala kummalangangila mwenu.

Nshuwau 17:1

Yesu akatangole davo andínyanyula shilaka kulola kuwa kutwala kushidoni, “Atata, wakati undiwika! Mupe mwanavo lishangelo pakulota nanae akupe lishangelo

Vitendo 19:2

nae kutwala kuvaudya, “Mwenu pamukulupidile po, munimpata Imumu Wanashwe?” Vanavo do, “Wetu ing'ano yene ya Imumu Wanashwe tukwigwa gwegwe.”