Nshuwau 6:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Pilipo kujang'ula doni, “Ata magung'u adinali dimiya mbili hayulukika kuvatosha vanu ava, kula munu apate kadonji.”

Nshuwau 6:7 Referans Kwoze

Malukushi 6:37

Yesu kutwala kuvajang'ula kushidoni, “Shinu sho, vape mwenu po!” Vanavo kushidoni, “Shosho sho shilotegwa dinali dimiya mbili! Napanelo indivaikila tuvape kulya tujanga njuluku au?”

Nshuwau 12:5

“Mwaa shani mauta ala havashumididye, njuluku wo kuvapa vamashikini? Dikandipatikananga dinali dimiya nnatu.”

Mateu 18:28

“Kanji napane ntumika aijá paumile apo anínkodya ntumikamwagwe washindai dinali miya. Nae apalá kunkamula, kunkaba kabali kutwa kushidoni, ‘Njuluku wangu wo, ngulipa popo apa!’

Nshuwau 1:43

Palyamba lyake Yesu andyámuwa kuujila ku Galileya. Napanelo ankumwona Pilipo ankumwaulila doni, “Ngwoda!”

Nshuwau 1:44

Pilipo avele mwenentete wa pa Beteshaida likaja limwe Andaleya namu Patulu.

Nshuwau 1:45

Jo Pilipo jo ankunkodya Nataniyele ankumwaulila doni, “Tunimpata munu wamwandike Musha mu Lilamulo na yadavo Vakulava, Yesu wa ku Nashaleti, mwanagwe Yoshe.”

Nshuwau 1:46

Kutwala Nataniyele kumudya Pilipo doni, “Ku Nashaleti kunkuululika kwaloka shinu shambone?” Pilipo kushidoni, “Ida ulole.”

Nshuwau 1:48

Nataniyele kumudya, “Ungumanyidilé kwashi?” Yesu kushidoni, “Ata Pilipo akanava kukushema, wako ùvele mwina nkungu, nangu ndíkwona.”