Nshuwau 6:51 - Ibibiliya mu Shimakonde Imbodi Yaambi na dimbande dya Imbodi Yakala

⁵¹ Nangu ni ligung'u lingumi lyalakadíle kuwa. Munu woewoe akalya ligung'u ali andanama ngwengwe. Ligung'u lyene lyo ni wo mili wangu au wangulota kujaula pakulota shilambo shipate shingumi.”

Nshuwau 6:51 Referans Kwoze

Lukashi 22:19

Namomo andítwala ligung'u kunnambwalela Nnungu, kumajanianga kuvapa vakwoda vake aashidoni, “Au ni mili wangu ujaulíka mwaa wenu mwenu. Tenda shinu ashi mungukumbukila nangu.”

Nshuwau 6:33

mwaa ligung'u lyake Nnungu ni aijá áalakadile kuwa kwing'a shilambo shingumi.”

Nshuwau 3:13

Hapali munu ákwadile kuwa ila ni aijá áalweke kuwa, Mwana Wamunu.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Mateu 20:28

Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”

Vabalaniya 10:20

indila yaambi na ingumi yatuungulidile nae apitila ailá inguvo, yani uve wo mili wake au.

II Vakolintu 5:21

Aijá ákamanyite lidambi anintadya kuva lidambi kwamwaa wetu wetu kwambangidya tuvalangiligwe kuva ishaliya yake Nnungu nkati mwake.

I Patulu 2:4

Ngwengwe pamummandike nae lijanga lingumi lyavaitile vanu kanji litandalagwídye na livénavo mana pamevo pake Nnungu,

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

Nshuwau 3:16

“Amu ni mwanagwaladidye Nnungu shilambo, ata mpaka nae kumumya mwanagwe ávele jumo jojo pakulota uti vankulupíla nae havanajaike kanji vavenavo shingumi shíkamalilika.

Nshuwau 1:29

Palyamba lyake Nshuwau andímwona Yesu amwidila kutwala kushidoni, “Mwenu! Ngandolo wa Nnungu aijá áusha lidambi lyashilambo.

I Nshuwau 4:14

Wewe tuvene tundyona na tunkumya ushuda kenga Tatamunu anintumidya Mwanagwe pakulota ave Mwamboli wamushilambo amu.

I Nshuwau 4:10

Amu ni mwalivalalele linagwaledyo: i do wetu tunínnagwaledya Nnungu kanji nae ni átunagwaladidye wetu kutwala kuntumidya Mwanagwe pakulota ave shadaka shakudimanga shitundi shake Nnungu kwamwaa wamadambi etu.

I Nshuwau 2:2

Nae ni shadaka shakudimanga shitundi shake Nnungu kwamwaa wamadambi etu kanji i kwamwaa wamadambi etu gweka, namomo madambi amushilambo uti.

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Vaepeshu 5:25

Mmatwamunu, kula munu annagwaledye ndyagwe kenga mo mwanagwaladyedya Klistu liganisha kutwala kulijaula kwamwaa walyanavo

II Vakolintu 5:19

yani Nnungu andípagwa nkati mumwe Klistu atadya shilambo shiigwane namu jo mwene pakavavalangilila kupujungula kwave na atukamudya ntenga waliigwilanilo.

Nshuwau 7:38

Aijá ángukulupila nangu, munu ajo Maandiko ankummalanganga doni, ‘Muntima mwake dindapandukanga dyundi dyamedi ashingumi.’ ”

Nshuwau 3:14

Ni kenga momo mwannyanyulidile Musha nyoka munnandi kushimbweshe nanae Mwana Wamunu inimmaikila anyanyuligwe

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Nshuwau 6:35

Yesu kushidoni, “Nangu ni Ligung'u Lyashingumi. Aijá áida kwangu, hainkola shinu kavili indala na aijá ángukulupila nangu, mwiko hainkola shinu kavili inyota.

Nshuwau 6:41

Napanelo vayuda vaníntangadikanga shintimatima mwaa wakutangola nae doni, “Nangu ni ligung'u lyalakadíle kuwa.”

Nshuwau 6:47

Nangu ninkumwaulila mwiu mwiu doni, aijá ákulupila ankuvanavo shingumi shíkamalilika.

Nshuwau 6:48

Nangu ni ligung'u lyashingumi.

Nshuwau 6:50

Ali ni ligung'u lyalóka kuwa kwambangidya woewoe alye na hanapele.

Nshuwau 11:26

Kula munu ánama na ángukulupila nangu, mwiko hapela. Dashi wako unkukulupila malove ala?”