Nshuwau 6:40 - Ibibiliya mu Shimakonde Imbodi Yaambi na dimbande dya Imbodi Yakala

⁴⁰ Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Nshuwau 6:40 Referans Kwoze

Valoma 6:23

Mwaa nshala walidambi ni kupela kanji inudyo ya Nnungu ni shingumi shíkamalilika nkati mumwe Klistu Yesu Umu wetu.

Nshuwau 6:54

Aijá álota kumamena mili wangu na kukumbila myadi vyangu ankuvanavo shingumi shíkamalilika. Nangu munu ajo, nandyuwa muliduva lyamwisho.

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Nshuwau 11:25

Yesu doni, “Nangu ni Kudyuka na Shingumi. Aijá ángukulupila nangu, ata akapela andavanavo shingumi.

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Nshuwau 14:19

Undiijalila wakati padyoko shilambo hashingwona ila mwenu munangwona. Kwoda nangu ninkunama, namwenu momo mundanama.

Nshuwau 12:45

Ángwona nangu, ankumwona aijá ángutumididye.

Nshuwau 6:27

Hamunakole madengo kwamwaa washakulya shúnda kanji kola kwamwaa washakulya shipágwa mukwing'a shingumi shíkamalilika. Shakulya asho Mwana Wamunu andamupa mwaa jojo jo, Nnungu Atata anintaa namakong'o.”

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Lukashi 2:30

Mwaa nangu ndyona kwambola kwako

I Nshuwau 2:25

Nadoni shalivikidile nae kwetu wetu ni ashi: shingumi shíkamalilika.

Nshuwau 17:2

kenga mo mwaumpalale wako madalaka pashanya pavanu uti pakulota avape shingumi shíkamalilika avalá vaunkamudidye.

Nshuwau 10:28

Avalá vangwóda nangu, ninkuvapa shingumi shíkamalilika, vovo vo mwiko havajaika na hapali wakungupoka mmakono mwangu.

Yudashi 1:21

nanopa nkati mulinagwaledyo lyake Nnungu akuno mulindila shididi shake Umu wetu Yesu Klistu pakulota shintwale muke kushingumi shíkamalilika.

I Patulu 1:8

Ata ikava kenga mwenu hamungwene ila munkunnagwaledya; ata ikava kenga ambi apa hamunamwona shinu, munkunkulupila na munkupuwanga kwalipuwilo líkaululika kuvalanganga na lyumbéle lishangelo

II Vakolintu 4:6

Doni, Nnungu átangwele, “Kushii lipagwe lilangadyo,” ni jojo álangadidye mmitima vyetu pakulota kutwing'a lilangadyo lyalimanyilo lyalishangelo lyake Nnungu mwing'ope imwe Klistu.

Valoma 5:21

kwambangidya kenga mo mwalitawalidile lidambi nkati mukupela, namomo umonyo utawale nkati mwishaliya iidanavo shingumi shíkamalilika kwaindila imwe Yesu Klistu Umu wetu.

Nshuwau 12:50

Nangu ninkumanya kenga lyo lilamulo lyake ali ni shingumi shíkamalilika. Napavedoni, mo mwangwaulidile Atata, nimomo mwangutangalalela nangu.”

Nshuwau 8:56

Tatagwenu Abulaamu íshinannagwela namene aone liduva lyangu; liduva ali andyóna na andípuwanga.”

Malukushi 16:16

Aijá álota kukulupila na kubatishwa, andaambwalegwa kanji ákakulupila, andaukumigwa.

Vabalaniya 11:1

Mwenu, likulupililo ni kuvanavo wakikisho wavinu vilindililígwa, kukubali avilá víkaaneka.

Vabalaniya 11:27

Kwalikulupililo andyúma mushilambo sha ku Mishili kwabila kujopa shitundi shimwe umu mwaa andínanopa kenga ángwene aijá ákaaneka.

Nshuwau 14:17

aijá Imumu Waumwiu. Nae shilambo hashuulula kumpwashalela mwaa hashinamwona shinu na hashinammanya shinu. Mwenu munimmanya mwaa ankunama namu mwenu na andapagwa nkati mwenu.

Mateu 10:15

Ninkumwaulila mwiu doni, muliduva lyaukumu shilambo sha ku Shodoma na sha ku Gomola vindadyanga kuliko likaja alyo.

Mateu 25:46

Bai ava vandauka kushaushanga shíkamalilika, avalá vaishaliya kuka kushingumi shíkamalilika.”

Nshuwau 6:39

Napanelo malotelo amwe aijá ángutumididye ni ala, vanu uti vangupele, hanapagwe ata jumo wakungujaika kanji muliduva lyamwisho, ndivadyuwe.

Nshuwau 6:44

Hapali munu wakuulula kwida kwangu bila Atata ángutumididye kunnangalalela aide kwangu. Nangu munu ajo, nandyuwa muliduva lyamwisho.

Nshuwau 11:24

Malita, “Nangu ninkumanya kenga nae andadyuka mukudyuka kwamuliduva lyamwisho.”