Nshuwau 6:39 - Ibibiliya mu Shimakonde Imbodi Yaambi na dimbande dya Imbodi Yakala

³⁹ Napanelo malotelo amwe aijá ángutumididye ni ala, vanu uti vangupele, hanapagwe ata jumo wakungujaika kanji muliduva lyamwisho, ndivadyuwe.

Nshuwau 6:39 Referans Kwoze

Nshuwau 17:12

Nangu pangushipagwa namu vanavo, ndivashunga mulina lyako, lina lyo lyaungupele. Ndivalaledya, hapali ata jumo ájaike. Ajaiké aijá wavampangidile kubamalegwa kwambangidya awikile popo Maandiko.

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Nshuwau 18:9

Vinu avi vinditandeka pakulota liwikile popo lilove lyatangwéle jo mwene doni, “Vaungupele uti, hapali ata jumo ángujaike.”

Nshuwau 6:54

Aijá álota kumamena mili wangu na kukumbila myadi vyangu ankuvanavo shingumi shíkamalilika. Nangu munu ajo, nandyuwa muliduva lyamwisho.

Nshuwau 6:44

Hapali munu wakuulula kwida kwangu bila Atata ángutumididye kunnangalalela aide kwangu. Nangu munu ajo, nandyuwa muliduva lyamwisho.

Nshuwau 6:37

Kula munu wangupa Atata andaida kwangu na aijá áida kwangu nangu, mwiko haninkumulanga.

Yudashi 1:1

Nangu Yudashi ntumwa umwe Yesu Klistu na nene ni nung'une Tiyagu, kwenu mwenu mmakushamegwa múnagwaleka nkati mumwe Nnungu Atata na múshungigwa kwamwaa umwe Yesu Klistu.

Valoma 8:11

Na ikava kenga Imumu umwe aijá ándyuwidye Yesu pakati pavakupela ankupagwa nkati mwenu, jo ándyuwidye Klistu pakati pavakupela andaing'a momo shingumi mili vyenu vyakupela kwaindila ya Imumu wake ápagwa nkati mwenu.

Lukashi 12:32

“Hamunajope mwenu mmakwoda vangu mwaa Tatagwetu ininnagwela kumupa utawala wake.

Mateu 18:14

Nimumo momo Tatagwenu ávele kuwa hanalota shinu ata padyoko kunjaika ndyoko jumo pakati pavadyoko ava.

I Patulu 1:5

Kwadimongo dyake Nnungu, mwenu munkushungigwa kwaindila yalikulupililo mpaka muwakati wamwisho wakulilodya kwambola kuvéle tayali.

Nshuwau 12:48

Munu ángwita nangu na mene kwitikila malove angu, apali wakumuukumu. Lyo lyene lilove lyanguvalanganga ni lilóta kumuukumu muliduva lyamwisho.

II Timoti 2:19

Napane shitunduvangilo shakunanopa sha Nnungu shinkuka mushu shipagwa shivanavo namakong'o aju, “Umu ankuvamanya avalá vake,” na, “Woewoe átambulanga lina limwe Umu aapukanangenavo ungave-shaliya uti.”

Nshuwau 5:28

“Malove ala mwenu hamunashange mwaa unkwida wakati wavalota vanu uti vavéle muvyonga kwigwa lidi lyake

Mateu 10:15

Ninkumwaulila mwiu doni, muliduva lyaukumu shilambo sha ku Shodoma na sha ku Gomola vindadyanga kuliko likaja alyo.

Nshuwau 17:2

kenga mo mwaumpalale wako madalaka pashanya pavanu uti pakulota avape shingumi shíkamalilika avalá vaunkamudidye.

Nshuwau 17:6

“Nangu nditadya lina lyako limanyike kwa avalá vaungupele mushilambo amu. Vovo vo, vavelé vako kutwala wako kungupa nangu na vanavo vankwigwilila lilove lyako.

Nshuwau 17:9

“Nangu ninkuvajugwila vanavo; hangunavajugwila shinu vashilambo, ila avalá vaungupele mwaa vàko wako umwene.

Nshuwau 17:24

“Atata, vaungupele vo, ninkulota vapagwe po panguvele nangu vone lishangelo; lishangelo lyo lyaungupele mwaa uningunagwaledya shilambo shikanava kukandyangigwa.

I Vakolintu 6:14

Napane Nnungu anindyuwa Umu kwadimongo dyake nawetu momo andatudyuwa kwadimongo dyake.

Tiyagu 5:15

Nadoni kushwali kwalikulupililo kunkuntadya nnwele apone na Umu anantakatuwa. Namomo ikava kenga anditega, andalivalivigwa shimadambi shake.