Nshuwau 5:23 - Ibibiliya mu Shimakonde Imbodi Yaambi na dimbande dya Imbodi Yakala

²³ kwambangidya vanu uti vamwishimu Mwana kenga mwavamwishimila Tatamunu. Ákamwishimu Mwana hanamwishimu shinu Tatamunu, aijá ántumididye.

Nshuwau 5:23 Referans Kwoze

I Nshuwau 2:23

Kula munu ántauka Mwanamunu namomo havenavo Tatamunu; aijá ammalanganga Mwanamunu namomo ankuvanavo Atata.

Lukashi 10:16

“Munu ámwigwilila mwenu angwigwilila nangu, ámwita mwenu angwita nangu na ángwita nangu, amwita aijá ángutumididye.”

II Nshuwau 1:9

Uti aijá ákapagwa nkati mumapundisho amwe Klistu kanji apundanianga anavo, ajo have Nnungu. Napane aijá ápagwa nkati mumapundisho, ankuvanavo Atata namomo kuvanavo Mwana.

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Vabalaniya 1:6

Namomo kavili Nnungu pantumididye mushilambo amu Ntandi kuvalekwa atédoni, “Vanjelo uti vake Nnungu valipudye kwake nae.”

Vaepeshu 6:24

Umonyo upagwe na avalá uti vannagwalédya Umu wetu Yesu Klistu kwalinagwaledyo líkave mwisho.

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.

Valoma 8:9

Mwenu napane hamupali mushimunumunu kanji muvelé mu Imumu ikava kenga mwiu Imumu wake Nnungu ankunama nkati mwenu. Mwenu, munu ákavenavo Imumu umwe Klistu, jojo jo hanava shinu umwe Klistu.

I Vakolintu 10:31

Napavedoni, ikava kenga munkulya kwali munkukumbila kwali munkutenda shoeshoe, tenda kwalishangelo lyake Nnungu.

Valoma 6:22

Kanji napane mwenu múukile ndaombolegwa mulidambi na kutandegwa mmatumwa vake Nnungu, vyepo vyamupata vyo vinkumuukanavo kukwilimyanga na kumwisho kwake ko, shingumi shíkamalilika.

Nshuwau 16:14

Nae po anangupa nangu lishangelo mwaa alota kupata ashilá shangu nangu kutwala kummalangangila mwenu.

I Vakolintu 6:19

Kwali, da hamunamanya shinu kenga mili vyenu mwenu ni ing'ande yake Imumu Wanashwe ánama nkati mwenu wamumpatile mwenu kumwe Nnungu? Mwenu hamunava shinu mwemwe mmene

Mateu 12:21

Kwake nae vamidi vandavanavo lilindilililo.”

II Timoti 1:12

Kwamwaa wavinu avi namomo ninkuvauvanga kanji hangunona dyoni mwaa nimmanya aijá waninkulupidile na ninkuvanavo wakika kenga nae ankuulula kushunga ashilá shangukulupidile mpaka muliduva alyo.

II Vakolintu 13:14

Umonyo umwe Umu Yesu Klistu, linagwaledyo lyake Nnungu na upamo wa Imumu Wanashwe vipagwe namu mwenu uti.

II Vakolintu 5:19

yani Nnungu andípagwa nkati mumwe Klistu atadya shilambo shiigwane namu jo mwene pakavavalangilila kupujungula kwave na atukamudya ntenga waliigwilanilo.

II Vakolintu 1:9

Namwiu, wetu tundílyona kuukumigwa kupela kanji ni pakulota hatunalikulupile wewe tuvene kanji Nnungu ávadyuwa vakupela.

I Vakolintu 1:3

Umonyo upagwe kwenu mwenu na amani yakwalakela kumwe Nnungu Tatagwetu na kumwe Umu Yesu Klistu.

Nshuwau 14:1

“Hamunaushaushange mitima vyenu. Nkulupile Nnungu; ngukulupila nangu momo.

Mateu 10:37

“Aijá ánnagwaledya namene tatake kwali anyoke kuliko mwangunagwaladyedya nangu, ajo kwangu nangu havaikidile. Namomo aijá ánnagwaledya namene mwanagwe nnume kwali nkongwe kuliko mwangunagwaladyedya nangu, ajo momo kwangu nangu, havaikidile.

II Vakolintu 5:14

Mwaa linagwaledyo limwe Klistu linkututawala mwaa tundiwikila pamwisho kenga jumo andipela kwamwaa wavanu uti, nadoni uti vandipela.

I Vakolintu 16:22

Ikava kenga munu hanannagwaledya shinu Umu Yesu Klistu, apate dilana! Umu wetu, ida!

Valoma 15:12

Kutwala Ishaiya nanae ankushidoni, “Lundapandukanga lushija kumwe Yeshe, lwanavo lundatakatuka kuvatawala vamidi, kwalwanavo, vamidi vandavika lilindilililo lyave.”

Valoma 1:7

Kwenu mwenu uti múpagwa ku Loma, mwemwe mmakunagwaleka vake Nnungu na múshamagwidye muve mmakwilimyanga. Umonyo upagwe kwenu mwenu na amani yakwalakela kumwe Nnungu Tatagwetu na kumwe Umu Yesu Klistu.

Nshuwau 17:10

Uti vyanguvenavo vyàko na uti vyauvenavo vyàngu, nadoni nangu ndipata lishangelo kwaindila yavanavo.

Mateu 28:19

Napavedoni wena mukavatadye vanu vave vakwoda vangu muvenentete uti muvabatisha palina lya Tata, lya Mwana na lya Imumu Wanashwe

II Patulu 1:1

Simoni Patulu, ntumwa na myombe umwe Yesu Klistu, kwa avalá vapatíle likulupililo lyolyo livénavo mana alinganána na lyetu kwaindila yaishaliya imwe Nnungu wetu, Mwamboli Yesu Klistu.

Mateu 15:8

“ ‘Venentete ava po pakanywa apa vankungutumbyanga, ila ntima wave uvelé kushu namu nangu.