Nshuwau 4:48 - Ibibiliya mu Shimakonde Imbodi Yaambi na dimbande dya Imbodi Yakala

⁴⁸ Yesu kutwala kushidoni, “Yani mwenu apa mukanona vimanyikilo na vyakutikinikanga mwiko hamunakulupila.”

Nshuwau 4:48 Referans Kwoze

Nshuwau 20:29

Yesu kutwala kumwaulila doni, “Ukulupila mwaa wakungwona? Vaalaligwe avalá vákagwene kanji vandikulupila.”

Vabalaniya 2:4

akuno Nnungu aumya ushuda kwaindila yavimanyikilo, vyakutikinikanga na vyamakango vyoe pamo na vyajo vya Imumu Wanashwe vyajavile kulingananavo malotelo ake.

I Vakolintu 1:22

Mwenu, vayuda vankujugwa vimanyikilo, vamidi kulambela limanyilo

Vitendo 2:22

Patulu kutwala kuka mushu aashidoni, “Mmanaishilaeli ngwigwa! Yesu nnashaleti, munu áakikishigwe pamevo penu kwavyamakango, vyakutikinikanga na vimanyikilo vyatandile Nnungu kwenu mwenu kwaindila yake nae kwodananavo mwamumanyilile mwemwe mmene,

Nshuwau 12:37

Napanelo ata ikava kenga Yesu anditenda vimanyikilo pakati pave, vanavo havashinkulupila.

II Vakolintu 12:12

Kanji namwiu vimanyikilo vyaumyombe vinditandeka ngala pakati penu nkati mukulipililila uti, kwavimanyikilo, kwavyakutikinikanga na kwavyamakango.

Valoma 15:19

kwadimongo dyavimanyikilo na vyakutikinikanga, kwadimongo dya Imumu wa Nnungu. Nadoni kwangu nangu apa, kutunduvangila pa Yelusalemu na indila uti mpaka ku Ililiku ndivalanganga ngala ntenga wambone umwe Klistu.

Vitendo 14:3

Napavedoni vandíikala maduva oe namene pa Ikoniu vammalanganga Umu pavakajugulanga shinu na Umu nae ashindaing'a ushuda kwalilove lyaumonyo wake kwaindila yakuvapa dimongo dyakutandela vimanyikilo na vyakutikinikanga.

Malukushi 13:22

Mwaa vandaumilila vaklistu vakushang'apa pamo na vakulava vakushang'apa. Vovo vo, vandatenda vimanyikilo na vyakutikinikanga kwambangidya vavaashadyange ikaulukika vakutandalegwa.

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Vitendo 2:43

Bai vishindatandeka vyakutikinikanga na vimanyikilo kwaindila yavamyombe, nadoni mmitima vyavanu uti mushindapagwa kujopa.

Nshuwau 2:18

Napanelo vayuda vakanjang'ula kushidoni, “Pakuva unkutenda vinu avi, napane ulota kutulodya shimanyikilo shani?”

Lukashi 16:31

Kanji Abulaamu kushidoni, ‘Vakanamwigwilila Musha na Vakulava ata pakaukile munu ádyukile pavakupela, havashambegwa.’ ”

II Vateshalonika 2:9

Kwida kumwe waungave-lilamulo kulota kwodananavo shimadengo shimwe Shatwani kwadimongo uti, vimanyikilo na vyakutikinikanga vyaushwang'a

Vitendo 15:12

Nadoni vanu uti vakadyaniénge palyutu alyo vandímalalanga na vandímwigwilila Balinaba namu Paulu pavashivalanganga vimanyikilo na vyakutikinikanga vyatandile Nnungu kwavamidi kwaindila yavanavo.

Vitendo 7:36

Aju ni ávaumidye vanakuluvetu ku Mishili atenda vyakutikinikanga na vimanyikilo mushilambo asho, mu Imanga Yanauvi na muvyaka alubaini mushimbweshe.

Vitendo 6:8

Napanelo Shiteva àumbaligwidye umonyo na dimongo ashindatenda vyakutikinikanga vikumene na vimanyikilo pakati pavenentete.

Vitendo 5:12

Bai kwaindila yavamyombe, vishindatandeka vimanyikilo na vyakutikinikanga pakati pavenentete na vakwoda uti vashindakadyania kwaunapamo mulukoma lwake Shalomoni.

Vitendo 4:30

akuno unyalodya nkono wako kwakuponia, kwavimanyikilo na kwavyakutikinikanga palina lyantumika wako wakwilimyanga, Yesu.”

Vitendo 2:19

Kuwa kumaundi ndalodya vyakutikinikanga, mushilambo shapai ndalodya vimanyikilo, vindaaneka myadi, moto na lyoi lyakutita dimumu.

Nshuwau 15:24

Leka ndikatandile vinu vyakanava kutenda munu woewoe pakati pave, vakanavenavo madambi. Kanji napane vanavo vandyona kutwala kunguvangedya nangu namomo kummangedya Atata.

Lukashi 10:18

Yesu kushidoni, “Nangu ndimwona Shatwani agwa kuwa mwainaa yamoto.

Mateu 27:42

“Vanji andivaposha kanji kuliposha mwene hanaulula shinu. Ashii aju, Umu wa ku Ishilaeli! Bai ashuluke ambi popa panshalaba po pakulota tunkulupile.

Mateu 16:1

Napanelo mapalishayo pamo na mashadukayo vandímuukila Yesu nanninga kunjugwa avalodye shimanyikilo shakwalakela kuwa.

Nshuwau 4:49

Nanangalaledi jo kushidoni, “Nang'olo, tuke mwanangu akanava kupela.”