Nshuwau 3:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ Nshuwau akajang'ula kushidoni, “Munu haulula kupata shinu, shinu asho pakapatile kuwa.

Nshuwau 3:27 Referans Kwoze

Tiyagu 1:17

kula inudyo yambone na kula shajo uti shakulinganana vinkwalakela kumwe Atata mwene vinu vyakuvala vyakuwa, jojo ákaangaikanga kenga shimbedi na ata ákajalukanga.

I Vakolintu 4:7

Wako akupambwilé nyani? Da shakwashi shauvénavo shavakakupele? Napanelo ikava kenga vandikupa mwaa shani unkulyona kenga havakupele?

I Vakolintu 15:10

Kanji kwaumonyo wake nae nguvelé kenga mo mwanguvalalele na umonyo wake kwangu nangu haunava shinu wabule. Leka apo, nangu nditenda madengo kuvapunda vanavo uti ila hangunava shinu nangu kanji umonyo wake Nnungu uvéle nkati mwangu.

Mateu 25:15

Jumo kumupa ditalendu mwanu, junji kumupa mbili kutwala wantatu jo kumupa imo, yani kwodana na lyululilo lyakula munu mwene jo kuma kuka.

I Timoti 2:7

Kwamwaa au ndyuka ndapangigwa nguve nkúvalanganga-lilove na myombe, ngutangola mwiu hangunashang'apa shinu, mwalimu wavamidi nkati mulikulupililo na muumwiu.

Mateu 21:25

Da ubatisho umwe Nshuwau walakadilé kwashi? Walakadilé kuwa kwali kwavanu?” Vanavo kwaulanila shivenevene vaashidoni, “Tukaashidoni, ‘Walakadilé kuwa,’ nae andatudya, ‘Mwaa shani hamunkulupidile?’

Valoma 12:6

Pakuva tunkuvanavo vyajo vyakuvilingananga kwodananavo umonyo watuukile ndapata, shikapagwa shakulavila, shindivaikila shitumike kwodananavo imbande yake yalikulupililo,

Malukushi 13:34

Inkulinganana na munu ávenavo mwanda. Panauma pang'ande pake avapele madalaka vatumika vake kula munu na madengo ake anánnamulila nkúshunga-nnango ave mevo.

Vaepeshu 1:1

Paulu, myombe umwe Klistu Yesu kwalilotelo lyake Nnungu kwavakwilimyanga vapágwa ako ku Epeshu, vo vakukulupilika nkati mumwe Klistu Yesu.

Vagalata 1:1

Nangu Paulu, myombe kanji níkaalakadile kwavanu na ata i kwaindila yavanu ila kwaindila imwe Yesu Klistu pamo na Nnungu Atata ándyuwidye Yesu pakati pavakupela,

I Vakolintu 12:11

Vinu avi uti vinkutandeka namu Imumu jumo jojo ánjavila kula munu shigweka-gweka kwodananavo amulá mwalatela nae.

I Vakolintu 3:5

Da Apolu ni nyani? Paulu ni nyani? Vanavo ni vatumika tu; kwaindila yavanavo mwenu mundikulupila kwakwodananavo shimadengo shampele Umu kula munu.

Valoma 1:5

Kwaindila yake nae tundipata umonyo na umyombe wakutadya pakati pavenentete uti kwigwilila kwalikulupililo kwamwaa walina lyake

I Vakolintu 1:1

Paulu áshamagwidye kwalilotelo lyake Nnungu kuva myombe umwe Yesu Klistu pamo namu nung'unumunu Shoshiteni.

Nshuwau 6:65

kutwala kushidoni, “Ni ashi shitadídye nangu nimwaulile mwenu doni, hapali wakuulula kwida kwangu Atata akampele litala.”

Nshuwau 10:41

Napanelo vanu voe vashindamwidila na vashindatangola shivenevene vaashidoni, “Nshuwau hatandile shimanyikilo kanji uti vyashimmalanganga munu aju, vìu.”