Nshuwau 21:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Kavili Yesu kushidoni, “Simoni mwanagwe Nshuwau, da wako unkungunagwaledya?” Nae doni, “Elo Umu, wako unkumanya kenga ninkunkunagwaledya.” Yesu kushidoni, “Vashunge vangandolo vangu.”

Nshuwau 21:16 Referans Kwoze

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

I Patulu 5:2

shunga shipinga shavangandolo vake Nnungu shavankamudidye: mwenu, laledya shanavo i kwakuvakanyalidya kanji kwamalotelo ambone kenga mwalatela Nnungu na ata i kwaditamaa dyanjuluku kanji kwadukuduku yakutumika;

I Patulu 2:25

Mwaa mwenu muvele kenga dingandolo dyakudumbadumba kanji napane ambi apa, mundimuujila Nkúshunga na Nkúlaledya waungumi wenu.

Vabalaniya 13:20

Mwenu, Nnungu waamani anindyuwa Yesu pakati pavakupela, Umu wetu, Nkúshunga nkumene wavangandolo kwaindila yamyadi vyaimbodi íkamalilika,

Nshuwau 18:25

Napanelo Simoni Patulu akuno àimidile ajota moto, vanavo vandímudya, “Da wako momo i unkwoda pakati pavakwoda vake?” Nae kukana aashidoni, “Mene, hangunava nangu.”

Nshuwau 18:17

Mwali jo kumudya Patulu, “Da wako i unkwóda pakati pavakwoda vake munu aju?” Nae kushidoni, “Mene, hangunava nangu.”

Lukashi 19:10

Mwaa Mwana Wamunu aidilé ndavalambela na ndavaposha vajaíke.”

Mateu 26:72

Patulu kukana alilapa mwanda unji aashidoni, “Nangu munu ajo hanimmanyite.”

Mateu 25:32

Venentete uti vandaumbalanila pamevo pake, nae kuvaapukanianga kenga mo mwanavaapukaniangidya nkúshunga-dinyama vambudi na vangandolo

Mateu 2:6

“ ‘Wako Beteleemu úvele mushilambo sha Yuda, mwiko haunava shinu undikidiki pakati pavananangalaledi vavayuda mwaa kwako wako andaumililila nanangalaledi álota kuvashunga venentete vangu vanaishilaeli.’ ”

Maono 7:17

Mwaa Ngandolo ávele shing'ati shiteng'u andavashunga na andavaukanavo papandukenge medi ashingumi na Nnungu andavapukutanga myodi uti kumevo kwave.”

Nshuwau 21:17

Kutwala kumudya mwanda wantatu, “Simoni mwanagwe Nshuwau, da wako unkungunagwaledya?” Patulu shindímwida shipalodi kwamwaa wakumudya mwanda wantatu doni, “Da wako unkungunagwaledya?” Napanelo anínjang'ula do, “Umu, wako undimanya vinu uti na undimanya kenga nangu ninkukunagwaledya.” Yesu kushidoni, “Valishe vangandolo vangu.