Nshuwau 20:28 - Ibibiliya mu Shimakonde Imbodi Yaambi na dimbande dya Imbodi Yakala

²⁸ Tome kushidoni, “Umu wangu na Nnungu wangu!”

Nshuwau 20:28 Referans Kwoze

Nshuwau 1:1

Kunantandi avele Lilove, jo Lilove andípagwa namu Nnungu na Lilove aju kuva Nnungu.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

Mateu 14:33

Bai vanu ve vavéle mwingalava amulá vandilipudya kumwe Yesu vaashidoni, “Mwiu, wako umwanagwe Nnungu.”

Nshuwau 5:23

kwambangidya vanu uti vamwishimu Mwana kenga mwavamwishimila Tatamunu. Ákamwishimu Mwana hanamwishimu shinu Tatamunu, aijá ántumididye.

Lukashi 24:52

Vanavo mulyutu alyo vandílipudya kwake nae kutwala kuujila ku Yelusalemu vapuwanga namene.

Nshuwau 20:16

Yesu kushidoni, “Maliya!” Nae kushiliuka kutwala kumwaulila mushibalaniya doni, “Laboni,” mana ake Mwalimu.

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Nshuwau 20:27

Napane Yesu andímwaulila Tome kushidoni, “Jela shala shako apa, lola manda angu. Nyalodya nkono utwale ujele ndimbau. Haunauke mushu muungakulupila kanji kulupila.”

Nshuwau 20:29

Yesu kutwala kumwaulila doni, “Ukulupila mwaa wakungwona? Vaalaligwe avalá vákagwene kanji vandikulupila.”